المساعد الشخصي الرقمي

مشاهدة النسخة كاملة : موضوع مهم


نشـــامي
16-01-2006, 03:10:27 PM
السلام عليكم


اول شي عظم الله اجركم ورحم الله ابونا جابر واسكنه جنات الخلد والله يصبرناااااااااااااااااااا

ويرحمنا برحمته ويجعل من بعد من فيه خير للاسلام والشعب

المهم
أنا أطالب منكم كلنا الكويتين نقااااااااااطع ستار اكاديمي كلش مو محترمينا لا سكروا القناة ولا كلفوا نفسهم بعزا ولاشي وولدنا الداج قاعد ويترنقص ولا يدري شالطبخه صراحه حيل مستخفين فينا والمشكله كل المسجات تحت من الكويتين يعزون والله حرررااااااااااااااام فلوسنا عليهم

لوسمحتوا بلغوا كل من يعز عليكم
والله يابنات ما كتبت إلا من النار اتللي بقلبي احنا نبجي وحالتنا حاله وفجأة تغيرين تلقينهم ولا همهم والمشكله انهم اول مره يسونها كل مامات احد يقطعون شمعنه إحنا مستخفين فينا

أم جوري
16-01-2006, 03:14:16 PM
حتى ام بي سي لا حطوا قرآن ولا شي ...
بعدين ليش ما يبلغون الولد بالخبر ؟ ليش محد يوجه لهم انتقاد بهالخصوص ؟

عنابه
16-01-2006, 03:15:50 PM
حتى انا أستغربت موبس من ستار أكاديمي بعد من lbc على كل حال واضح انهم قنوات تجاريه .

bambena
16-01-2006, 03:20:35 PM
ام بي سي بس اعلنوا بالعربيه وحطوا نعي بالجريده بس ماقطعوا

وستاراكاديمي ماقالوا للولد بس كل اللي سووه حطوه بث مباشر بال ال بي سي ووايد مسجات كتبوا لهم ان يقولون للولد بس ماقالوله مادري لي متى!!

bambena
16-01-2006, 03:25:31 PM
بنات شوفو النيل للاخبار حاطين خوش برنامج عن شيخنا

كويتية أمورة
16-01-2006, 03:29:51 PM
انا بعد استغربت قلت يمكن يرجع الكويت بس قلت مومعقوله ماقالوله ليلحين؟؟؟
والقنوات ترى اغلبهم ماحطوا شي بس ذاعوا الخبر جنه خبر عادي واحنا وعليه علينا نقطع البث وقرآن وعفسه
ماعليه محنا بحاجتهم
بس للأمانه المستقبل حاطين قران طول الوقت لانه صاحبها مسلم الله يرحمه الحريري ويحب الكويت

lolly
16-01-2006, 03:30:18 PM
انا راح اقاطعهم واشرهة على اهله اللي لما يتصل عليهم ما يقولوله ... اتوقع انه يدري
نو ستار اكاديمي نو ال بي سي

ام مدعج
16-01-2006, 03:31:54 PM
انا مستغربه يا بنات لي ما قالوا حق ولدناا مخلينه يترقص و يغني

صج صج صج مالت عليهم مو كفوو من يشوفهم و يتابعهم ؟؟؟

هدوي
16-01-2006, 03:37:46 PM
انا اللي باط جبدي الام بي سي سليمه تصكهم ولاروتانا 000لما صحوا بس روتانا خليجيه حطوا فيها قرآن

السعوديه وقنوات الإمارات كلها وقطر والبحرين والمستقبل وبس والباجي الله عليهم

في جنان الخلد يابومبارك

نشـــامي
16-01-2006, 03:46:11 PM
اي واالله لا ستار اكاديمي ولا بطيخ شدعوه على اهله اميرنا ميت وولدهم يترنقص ويغني والله عيب

وروتانا متحسف ومسكر قناة وحده مالت عليهم موكفو
وام بي سي جنه مايعرفونه على الاقل يوم واحد يحطون قرآن

واي ياهالناس بس الظاهر ملوا من حكام الخليج كلهم ماتوا مع بعض

طوق البنفسج
16-01-2006, 03:53:22 PM
صج الي اتحر ال ام بي سي شدعوه على الاقل يوم واحد شبيكلفج طاح حظهم المفروض هذي الي نقاطعها صج ولا استار اكاديمي ماعليهم شره ميانين متيمعين و ماقالوا حق الولد عشان ماينكد على الاكاديميه و تخترب خطتهم طاح حظهم اهم و برنامجهم و الشرهه على الكويتين الي بيصوتون فيه

كويتية _ بكل فخر
16-01-2006, 03:57:01 PM
اي ولله شي يبط الجبد

مو حرام عليكم للحين ماقالوله

الحريري الله يرحمه قالوهم وسكروا القناه اسبوع

والمسكين يترقص ويغني مايدري عن شي ولله حرام جذي مو لهدرجه مو هامهم كلش مالت عليهم

انا توقعت اليوم يقولون له بعد الاختبار ماقالوله بشوف ردت فعله اتوقع باجر يقولون له بعد اعلان النومينيه

واذا ماقالوله بدز مسجات عالقناه واقول لكل الكويتين يقاطعون ستار اكاديمي

حتى تعازي ماحطوا وال بي سي ماقطعوا تخيلو امس افر بالقنوات جان اشوف برنامج لمن يجرؤ فقط طالع

مالت عليكم كرهتم هم وقنواتهم

نشـــامي
16-01-2006, 04:04:24 PM
أنا دزيت مسجات ماكوا الظاهر يقطعونها

ريفيل
16-01-2006, 05:44:33 PM
مااالت عليهم وعلى برامجهم الساقطة انا بروح لايعة جبدي منهم اللي براسه عقل ما يضيع وقته باشياء من هالنوع والا الفلوس الخير وايد الله يرحم ابونا بس شدعوه ناطرينهم

سبائك
16-01-2006, 08:01:38 PM
حسبي الله عليهم قهرووووووووووووووووووني

القنوات كانت كلها ناقله الدفن وال lbc شوف عيني حاطين فيديو كليب !!!!!!!!!!!!!!

الصراحه قمة الاستهانه بشعورنا لما يخلون الولد ما يقولون له ان اميرك مات

والمفروض حتى اذا طلع نومنيه محد يدز ولا مسج لان المستفيد من هالمسجات هالقناة الخايسه قطع

والmbc كذلك لا نقلت الدفن ولا سوت اي شي يعبر عن وفاة قائد كبير مثل جابر الاحمد رحمة الله عليه

شمس وقمر55
16-01-2006, 09:52:37 PM
مااالت عليهم وعلى برامجهم الساقطة انا بروح لايعة جبدي منهم اللي براسه عقل ما يضيع وقته باشياء من هالنوع والا الفلوس الخير وايد الله يرحم ابونا بس شدعوه ناطرينهم

صادقه والله......ومايحس بالنار الا واطيها......

الله يرحمك يا شيخنا وياوالدنا وماظنه بحاجه لمثل هذي القنوات او هذي الاشكال ...
يكفي اعماله الخيره في كل مكان ...يكفيه شعب كامل صغيرة وكبيره يدعيله ويبكيه
يكفيه دعوه مظلوم نصره وآزره...وجائع اطعمه وعاري كساه وسترة وجاهل انفق لتعليمه

واحنا ما نحصي اعماله او نزكيه على الله فهو بها عليم وهو ارحم الراحمين واكرم الاكرمين اساله تعالى ان يرفع درجته في عليين مع النبيين والصدقين والشهداء والصالحين
اللهم اميييين

المرفأ~~
16-01-2006, 11:46:26 PM
من صجكم تشرهون ع الولد..؟؟وبعدين من قال ولدنا..؟

اصلا لو فيه خير او فيه ذرة حياا
جاان ماشارك في برنامج حمير اكادمي مع احترامي لكم ولا هم حيوانات مايستحقون
اي احتراام ..شكلة حثاله ومنحطين ...
والحمدلله عن نفسي هالاشكال المنحطه ماشوفهم..

والام بي سي فعلا غريبه..؟؟؟

طير الحب
17-01-2006, 12:09:42 AM
الل يغنينا عندهم