ساعدوني يا بنات

السلام عليكم ورحمة الله وبركاته

خواتي انا شريت أمس من موقع رالف لورين بولو وتمت العملية وخصموا الفلوس من حسابي لكن تفاجأت انهم بعدها علطول دزوا ايميل يعتذرون فيه عن اتمام العملية !!

شلون عقب ما خصموا فلوسهم يعتذرون عن اتمام العملية.؟؟؟ وشنو الحل بهالحالة؟؟؟انا دزيتلهم ايميل بس ماني عارفه شسوي بعد

واذكر مرة شريت جنطة حق ولدي وخذوا فلوسهم وعطوني طاف ودزيتلهم كذا ايميل بس ماحد عبرني ولا رد علي

فياليت اللي عندها خبرة بالشراء عن طريق الانترنت تساعدني وتقولي شسوي

حبوبة جيكي الخاص

الاغلب انهم راح يردون الفلوس بعد فتره لا تمسحين الاميلات وتاكدي من تاريخ العمليه روحي البنك قوليلهم التاريخ واسم الموقع واهم يخاطبونهم ويدقون عليج

مدري والله بس اكيد يجعون الفلوس لج

البنات يفيدنج

سوي مثلي و شغلي بنات البنك ههههه ( مجرمة انا ) روحي و سوي مطالبة للمبالغ بس بالاول طبعي الايميلات الي دازينهم لج ، و تاكدي في المرة الاولى كانت الجنطة متوفرة عندهم او لا و قالولج لازم تنطرين فترة عشان يسوون دفعة يديدة ويدزونها لج تالي.

ماقصرتوا خواتي ان شاء الله بجيك مع البنك واشوف شالسالفه

البنات ما قصروا خاصتن و اني ما عندي فكره عن هذي المواقه و انا عن نفسي اخاف من هلمواقع احسها بوق

انا ماغامر اخاف من هلمواقف

البنات ما قصروا
ان شاء الله خير

انا صارتلي شهر 11 خصموا مني موقع دزني 4 مرات ورحت البنك وخاطبوهم ودقو قالولي ان المبلغ رجع بالحساب