المساعد الشخصي الرقمي

مشاهدة النسخة كاملة : ايش احسن الاماكن الي تستحق الزياره في الكويت؟


جنوبيه
01-09-2005, 04:11:03 PM
ان شاء الله بعد اسبوع بزور الكويت ولي من شوفتها 15سنه ولا ادري ايش الأسواق المميزه ولا الفنادق///////إلخ ادعوا لكل وحده تساعدني وترشدني,وعلى فكره اي خدمه من الرياض انا حاضره وشكرا

عسولة الكويت
01-09-2005, 04:37:34 PM
هلا وغلا فيج وحياك الله

انشاالله الكويت راح تعجبج حيييل اول شي

الأسواق عندج
1. سوق شرق
2. مدينة المعلم للتسوق ( السالمية)
3. شارع سالم المبارك ( امتداد لمجمعات راقية وحلوة )
مثل ( الفنار - البستان - ليلى جاليري - تالا - جاليريا 2000 - زهرة - الوطنية - المارينا مول )
والشارع هذا طبعا كله تسوق وعندج الحوش حق الجواتي تكرمين حيييل حلو
4. مجمع الكوت بالفحيحيل حلوو
الفنادق تقريبا كلها حلوة

بس ماحددتي تبين مطاعم والا بس فنادق للسكن

وانشاالله البنات ماراح يقصرون

جنوبيه
01-09-2005, 04:55:23 PM
اولا اشكرك من كل قلبي ,حتى المطاعم ابي اعرف الراقيه منها ,والحوش حق الجزم وانتي بكرامه ايش اسم او عنوانه

ام_بدر
01-09-2005, 04:56:09 PM
الاسواق عندج شرق الفنار البستان بلازا مرينا مثل ماذكرت عسوله والصالحيه والعثمااان ولاند مارك بشويخ والمطاعم ميس الغانم بسالميه كابوريا بسالميه الديوان بسالميه اماكن ترفيهيه مرح لاند في فحيحيل على ماعتقد الشعب المدينه الترفيهيه اعتقد اتعرفينها وسلامتج :)

جنوبيه
01-09-2005, 04:59:49 PM
مشكوره يام بدر والله يسعد ايامك

الحياة
01-09-2005, 05:17:27 PM
مشالله البنات ماقصروعندج
شوفي عندج فندق المرينا على البحر واايد يمدحونه

والمطاعم الله يسلمج
المطاعم الي بفندق بلازا ( النوخذة- مأكولاتبحرية ) واايد حلو
وبعدي في المطعم الصيني بحولي اسمه ( الخليج الصيني ) اكلة هذا بعد روووووووووعة
ومطعم روبي على البحر يم الابراج واايد حلو

الكافيهات\\
كل مكان بالكويت فيه كافيهات وكل واحد احلى منالثاني
تلاقين الكافيهات بكل مجمع

عندج السوق \\
مجمع المرينا حلو
مجمع مهلب بحولي
عندج حق الدراريع مالو الاستقبال مجمع الاوقاف بشرق حلو بعد هذا
وعندج معرض الكويت الدولي بمشرف
كل شهر تقريبا يسوون معرض
يعني الحين معرض اللوازم المدرسية وبعد جم شهر يسوون معرض العطور والمكياج
وحق العبي ... عندج مجمع العربيد بالفروانية وموديلاته حلوة
وهذا اللي يه ببالي ليلحين

اتمنى اني فدتج

جنوبيه
01-09-2005, 05:27:20 PM
الله يرضى عليكم تتوقعون تكفيني ثلاثة ايام

ام_بدر
01-09-2005, 05:45:37 PM
ثلاثه ايام حق شنو يعني بل كويت ؟

الحياة
01-09-2005, 05:45:49 PM
هههههههه
والله يمديج اذا قعديتي من الصبح وفتريتي بالكويت كلها
شوفي انا اسويلج برنامج
الصبح تروحين تتريقين بمطعم المرينا وايد حلو
وبعد الريوق تتسوقين بالمرينا بعد وتاخذين السالمية كلها تفترين فيها ليحد مايصكرون محلاتهم يعني على االوحده تقريبا
وردي البيت ارتاحي وطلعي 4ونص العصر وقعدي بكافيه وانصحج بعد بكافيهات المرينا ( مطيحه انا اهناك )
ترى حلوة والقعدة حلوة اهناك واايد
وبعدي الله يسلمج دشي مجمع الفنار الي بالسالمية ودشي السينما لانه هذي احلى سينما انا دخلتها
واخر شي تععشي بمطعم ميس الغانم
واليوم الثاني

نامي الصبح وطلعي الظهر وتغدي بمطعم الصيني او النوخذه اللي قلتلج عنه
يعني بتطلعين على العصر... وروحي اهناك مجمعات فحيحيل وسوق السالمية الاحمر ، بيروح عليج الوقت وانتي اهناك وتردين عبانه وتنامين

اليوم الثالث
قعدي الصبح ببيتج وتريقي وقري جرديتنا مالت الكويت ترى وايد فيها مواضيع حلوة
$$وتغدي ببيتكم او طلبي من مجمع المطاعم وجبة اسمها لذيذة من مطعم تايم اوت

وطلعي على العصر وروحي المدينة الترفيهيه وبجذي خلصو الثلاث ايام وانتي رحتي كل مكان

نسيت اعطيج شي مهم
بدالة المطاعم
808080

دليل الكويت
101

الطورائ( نجده- اسعاف - مطافي )
777
انشالله ما تحتاجين الرقم الاخير الا بالخير

اتمنى لج رحلة موفقة بديرتج الثانية الكويت

وحياج الله

الكرملين
01-09-2005, 08:56:39 PM
حياج الله ياجنوبيه بتنورين

jolie_q8
02-09-2005, 05:46:44 AM
شوفي هالرابط في كل مطاعم الكويت وارقامهم

http://www.q8yat.net/showthread.php?t=199

وبالنسبه للاسواق:

(سوق شرق) في مطاعم واسواق وكافيهات ومكانه على البحر

(الصالحيه) مجمع راقي في كافيهات ومحالات ماركات عالميه مكانه بالصالحيه

(الرايه) مجمع راقي في كافيهات ومحالات ماركات عالميه مكانه شرق

السالميه طبعا معروفه وقالولج البنات المجمعات اللي فيها

(الفنار-ليلى جاليري-زهره-مريم- مذركير وبي اتش اس-جاليرا2000- بلازا-تالا-الوطنيه)

سوق السالميه

جنوبيه
02-09-2005, 04:01:04 PM
الله لايخليني منكم,بصراحه اناأحب الكويت من انا صغيره وتجاوبكم معي يحسسني بين أهلي وناسي :d :d

جكورة
02-09-2005, 04:24:46 PM
هلا والله فيج ونتشرف بزيارتج.. الأسواق الغاليه عندج شرق والمارينا والفنار وليلى جاليري والكوت. الأسواق الرخيصه بالفحاحيل والفروانيه .. الحمرا مول بالفروانيه ومجمع العربيد بالفروانيه ومجمع الدبوس بالفحاحيل ومجمع أجيال بالفحاحيل.. المطاعم ميس الغانم , مطعم قيصر , مطعم مغل محل , مطعم الخليج الصيني, مطعم الأبراج وطبعا كنتاكي وبرجر كنغ وهارديز وبيتزاهت...
ولايطوفج مدينة المعلم للتسوق بالسالميه فيها محلات ومطاعم وملاهي وكافيهات...ومجمع المهلب بحولي.. حولي بارك وهي ملاهي للأطفال...ومرح لاند ملاهي للأطفال...

جكورة
02-09-2005, 04:26:45 PM
ومجمع الأوقاف للدراريع بشرق... والحوش للجواتي تكرمين بالسالميه روعه...المدينة الترفيهيه, والمركز العلمي لايطوفج.. والسينما.. وأي خدمه أنا حاضر...

جنوبيه
05-09-2005, 01:51:20 PM
مشكورين الله يسعد ايامكم