محتاره الحاج شنو يجيب صوغه

ساعدوني

ان شاء الله بروح الحج السنه

بس الوهقه *
*
*
*
شنو يجيبون صوغه للاهل واليهال


وهل اشتري من هناك او من الكويت


فيدوني محتاره :yaaaaaarb:

تقبل الله طاعتج وحج مبرور وسعي مشكور وذنب مغفور باذن الله

حياتي تبين الصج كل شي بالكويت

سوي لاهلج كيس حلو داخله قطعه خام وعطر عود وسجاده صغيرة حيل هابين عليها الحجاج السنه اللى طافت وحطي عود مسواك الواحد اللى مغلف

وان حابه اعلمج عن الاماكن والاسعار بس بلغيني

ودعواتج لي يالغاليه

ونسيت اقولج ماي زمزم هديه الحاج

كله بالكويت بس يبي فرارة بس اقدر اساعدج ان حابه

اي والله ليش تفرفرين السوق بالحج زحمة موووت

ولاتنسين الوزن اخاف يأكلون عليج اكل بالوزن

اشتري من الكويت

وانا مستعده اساعدج ان حابه عادي

حج مقبوول وذنب مغفوور
اختي اشتري كل اغرااضج منيه احسلج بس خلي هديه امج وخواتج وام زوجك منااك لان مافيه وقت هنااك يروح الوقت بسرعه وماتقدرين تسوين شي

بس لاازم تمرين السووق حنا الحريم مانستغني عن الفراره

واللي تشترينهم منيه بس غلفي وحطي عليهم الاساامي علشاان ماتتخربطين

واتمني انك استفدتي وشووفي اختي ام عفاف بتسااعدج علي الاماكن

في وحدة تسوي توزيعات للحجاج اذا تحبين اعطيج رقمها

السلام عليكم
اختي ام عفاف وين موجودين الاغراض اللي قلتي عنهم

مشكورين

انا عندي سجادات العود الاصليه

اذا انتي سامعه عنهم اللي تكون مصنوعه من الكتان وفيها صندل
ماشاء الله ريحتها وايد حلوه وتظل معاج طول العمر
عرضتها برمضان ماشاء الله وايد مشت
انا كنت ليمن اصلي بالمسجد تصير ريحة المسجد قويه من الريحه السجاده والله العظيم ليمن تسجدين على السجاده تلزق الريحه بايدج وبثوب الصلاه حدها حلوه
انا ليمن شفت عليهم طلب حطيتهم بعلبه هدايا جد راقيه
اذا تبين تشوفينهم راسليني على الخاص

وشكرا

حلات الحج عباده ويس لاتشتتين تفكيرك بين السوق والعبادات

احسن شئ تشترين من الكويت كل شئ موجود حتى ماى زمزم موجود
بس امك وخواتك وام زوجك اشتريلهم مناك يكون احسن

وهذا الدارج الايام هذى انهم يشترون من الكويت

السلام عليكم ...
والله انا ما اقدر ازيد على الخوات الصراحه كل كلامهم صح اشترى من الكويت احسن وحج مبرور وسعى مشكور والصراحه حتى اهلج بعد اشترى من هنى احسن بعد ما شاء الله فى بعد الأخت حلاتي بتصاميمى حلو والله السجاده خوش هديه واليهال اللى من بعيد اشترى لهم من بو 100 يبعون شغلات حق الحج والحريم الكبار من بعيد روحي سوق خامات فتوش واشترى خامات رخيصه وحطى ماي زمزم ومسواك وخلاص ... والله يتقبل منج )