المساعد الشخصي الرقمي

مشاهدة النسخة كاملة : انا في ورطه (مولاقيه مشغل )


الغلااا
13-07-2005, 01:35:49 PM
السلام عليكم

يعطيكم العافيه يا بنات على هالمنتدى وعلى هالتعاون بصراحه بيض الله وجيهكم وجعله في ميزان اعمالكم ان شالله

انا بصراحه في ورطه بجد متوهقه انا من عمري اخيط للحفلا وللعروس عند خياطين عاديين بمعنى اصح هنود مو مشاغل ولامومصممين وكانت ملابسي حلوه وراقيه لكـــــــــــن المشكله ان عرس اختي اول شهر 9 وانا اكبر منها وهي معتمده على :( وللاسف متوهقه مو عارفه وين اخيط لها حق اصباحتها ابي خياط اسعاره حلوه ومضمون لاني ما ودي اغامر واوهقها مسكينه بالذات ان الخام يكلف وتعرفون حوسة التجهيز ومافيه وقت لكن الحمدلله نفنوف الليل مقدور عليه ااجره عالاقل اشوفه جدامي ما اغامر


فياليت اللي مجربه حق عرسها او حتى عرس اخوها خياط او مصمم مضمون تساعدني مابي غالي حيل لان صبحيتها بالبيت فما يسوى 300 او 400 حرام وبالذات ان فلوسها حده قده


ويعطيكم الف عافيه مره ثانيه واتمنى ما تقصرون مع اختكم

سارونة الأمورة
14-07-2005, 04:16:14 AM
أختي عندج خلود الروضان ورا النقرة الشمالي خيطنا عندها نفنوف صباحية أختي
وأنا بعد خيطت عندها بدلة العرس القصة تبدا من 80 دينار وشغلها روعة ومرتب

looloo
14-07-2005, 04:39:47 AM
والله ودي افيدج بس حتى متوهقه خبرج الجسم لوعه ماكو بدلات حلوه عليج وعرس خوي شهر 8

الغلااا
14-07-2005, 05:50:14 AM
يعطيكم العافيه

سارونه بصراحه انا ما احب مشاغل النقره وبالذات خلود نفسها خايسه وقليلة ادب ما تحترم الزباين كذا وحده اعرفهم خربت نفانيفهم ولما قالوا لها ان الموديل مو مضبوط عصبت وطردتهم من المحل


اذكر قبل 5 سنين خيطت عندها بصراحه والحق ينفال نفنوف اختي روووعه حتى الشك راقي لكن نفنونفي دفعت فيه 200 دينار وقطيته مالبسته وربي من عقبها وانا زبونه الخياطين العادين الهنود لان موديلاتي ناعمه جداااااا

الغلااا
14-07-2005, 05:51:47 AM
لوووولووو يعطيج الف عافيه ويكفيني ردج يالغاليه


اتمنى من البنات مايقصرووون معاي لاني متوهقه ومافيه وقت ولافيه مجال للمغامره والتجربه عند خياط ماعرفه :(

الجــادل
15-07-2005, 12:47:02 PM
مليكة حلو شغلها انا فصلت عندها حق عرس اختي نفنوف بـ500 خياط وخام

والكل عبالة اني جايبته من لبنان من كثر ما هو حلو و راقي

وحتى اختي العروس سوت النفنوف الابيض لبسة اولى بـ1400

وكان رووووووووووووووعة

وهي قصتها بـ250


وكان عندي خامة مشغولة من السعودية صممتلي موديل رووووعة وحطتلي تخريجات لها مع اكسسوار بـ 350