هل أحتاج لعمل الأشعه الصبغيه لأنسداد الأنابيب ؟

السلام عليكم بنات

انا من فتره سويت تلقيح صناعي وبعدها عملت تحليل حمل منزلي وطلعت النتيجه شبهه ايجابيه لان طلع لي خط واضح وخط خفيف وبعدها رحت سويت تحليل دم بالمختبر وقالولي النتيجه ايجابيه بس الحمل ضعيف يعني لازم بين كل يومين اسوي تحليل لما تصير النتيجه واضحه اكثر .. والله ماكتب ونزلت الدوره وسويت تلقيح صناعي للمره الثانيه وباليوم العاشر من التلقيح نزلت الدوره .. وتأزمت حالتي وقررت أوقف العلاج لفتره لان نفسيتي تعبت .. غيرت الدكتوره ورحت حق دكتور ثاني وقالي قبل لا انبلش اي علاج نسويلج تحاليل من اول ويديد وسويت والحمدالله كل شي طلع عندي :eh_s(15): اوكي حتى ضعف التبويض اللي كنت اعاني منه راح وقالي لازم اسوي اشعه صبغيه عشان يشوف اذا عندي الانابيب مسكره ولا لأ .. وسؤالي بنات اذا حدث حمل وكان ضعيف مثل ما بين في التحاليل هل يعني الانابيب عندي مسكره..؟ الله يخليكم فيدوني لاني بصراحه خايفه من هالاشعه كنت رايحه بسويها وقالولي في الم خفيف وخفت اسويها .

ويعطيكم الف عافيه


ربي هب لي من لدنك ذرية طيبه أنك سميع الدعاء

حبيبتي انا الي اعرفى انا اذا الانابيب مسدودة مايصير حمل

و الله يرزقج بالذرية الصالحة يارب

كلام كنكونه عدل
والله يكتب اللي فيه الخير والصالح
ويمكن يكون له نظره غير الله اعلم

اللي أنابيبها مسدودة ما تحمل أساساً
بس اذا تبين تسوين هالأشعة عشان تتطمنين سويها ، و صلي صلاة استخارة و توكلي على الله

لا يا قلبي ما لها دخل
الظاهر الطبيب يبي يتأكد من الانابيب لانه يخطط انج تحملين طبيعي من غير تلقيح . وانا معاه سوي الانابيب و الله يكون في عونج ..

فوفه لو تبين اي معلومه عن هذه الاشعه قولي لي انا مجربتها قبلج

اختي دلع الكويت للأسف ما اقدر اكلمج عالخاص بما اني يديده ومالي مشاركات وايد ... بس كنت بسألج عن تجربتج مع الاشعه انا بصراحه في ناس خرعوني وقالولي في الم ولما رحت المستشفى بسويها طلبت بنج عشان ما احس وسويت دخول حق المستشفى وكانو بيسوونها لي بس ياني خوف مو طبيعي جسمي كله قام يرجف وصادف ان الدكتوره اللي كانت بتسويها لي يتها حاله طارئه وقالولي نطري بعد ساعه تقريبا ... بعدها عصبت ومشيت بس بصراحه انا ما عصبت انا انحشت :eh_s(6): كنت خايفه وايد واول مره اييني هالخوف معنه المفروض ما اخاف لاني طالبه بنج وما راح احس بشي

بنات عفيه اللي عندها تجربه جان زين اطمني

اختي الغاليه انا حملت مرتين والله ما اتم علي الحمل واجهضت يعني اوصل للشهر الثالث وما يكمل الحمل

وبعدها سويت الاشعه الصبغه وكانت وياي اختي سستر وعطوني ابره مثل التخدير لانه هذي العمليه ما فيها تخدير والحمدلله ما حسيت بشي ولكن بنت عمي سوتها من غير تخدير وكانت تتألم انا ماابي اخرعج بس انا بعد ماراح مني التخدير كانه بطني ايام الدوره المها ظهري وبطني


والله يسهل عليج وانا انصحج تسوينها ولا تخافين والله يكتب لج الحمل يارب

الله يستر :eh_s(22):

مااااااااااااااتخوف سويتها مرتين ولا حسيت بأي ألم وكان عندي انسداد في الانبوب الايسر والله اول مره سويتها نغزه بسييييييطه اما الثانيه صدقو سويتها ويوم قالت لي الدكتوره خلاص قلت لها انتِ ماسويتي لي شي قالت خلصنا والله بسييطه ولا يحتاج تخدير

اذا الانابيب مسكره مايصير حمل

شوفي .. اهي عمليه تلبسين ملابس العمليه
وتقعدج على سرير العمليه
طبعاً مثل السونار الداخلي بس يثبتون الشسمه بشغله ماكينه عشان يدخلون انبوب من البلاستيك .
ويضخون الماء .. او الماده اللي لها لون .
الماده هذه تمشي في الانابيب لو في التصاقات او ترسبات او اي شي عالق داخلها الماده هذه تطلعه ..

تعور .اي تعور ..
بس المهم انج تسوينها من غير تخدير . انا سويتها بمخدر خفيف . لان لازم تحسين فيها لان الطبيبه تسأل في عوار ؟؟

لو صار عوار يعني الانابيب عندج متروسه بلاوي . ويطلع شوي دم اذا في دم مترسب فيها .. لو كانت نظيفه ( مثل اللي عندي ) ما راح يطلع معاج شي .. و آخرتها تكونين دفعتي 60 دينار في مستشفى هادي ( دعااايه ) من غير سبب

الحمدالله سويت الاشعه بسيطه وما توقعتها جذيه وما تاخذ وقت

وبالنسبه للي يحسون بالألم هذيلا يكون عندهم انسداد بالأنابيب ولما تمشي الصبغه تفتح الأنابيب

اختي انا رحت سويتها مستشفى السلام بس خذيت تحويل من دكتوري وبعدها اتصلت على المستشفى وخذيت موعد من قسم الأشعه قبلها بيوم .. بس بصراحه وايد اهتموا فيني .. انصحج تروحين هالمستشفى .. لأني برمضان رحت مستشفى دار الشفا بصراحه يلوعون الجبد ومعاملتهم مو حلوه كلش وسوولي لويه عالفاضي وكنت لابسه لبس العمليات بيدخلوني اسوي الاشعه جان تكشت فيني الدكتوره اللي بتسويلي الاشعه لمدة ساعه وبعدها عصبت ولبست ملابسي وطلعت وخذيت فلوسي منهم

خواتي عند منو سويتو اشعة الصبغة

اختي عروس كل يوم شوفي فوق شويه آنا شكاتبه

عموما سويتها بمستشفى السلام

اختي انا سويتها ب60 دينار وبدون بنج .. ما يسوى تسوينها ابنج ..

حبيبتي انا بنبهج على شي احتمال بالمرة الاولى ما كنتي حامل لانة الادوية الي يعطونج اياها حق التلقيح تبقى بجسمج ولمن تحللين يقولون حمل ضعيف الي صار فيج صار فيني وعلبالي حامل اما بالنسبة للصبغة فهي اتعور بس شي محتمل وحرام تاخذين بنج