بقت كمبيوتر ريلي وشنو لقيت

بنات امس نزلت الخدامة لسيارة ابو الشباب واهو نايم وقلتلها ييبي اللابتوب من السيارة وشنو لقييييييييييييييييييت



داز ايميلات حق بنات ولما واجهتة قالي مو انه يمن واحد من اخواني لان مادري وصكر الموضوع بس حبيباتي عندي طلب اذا بتشيك على الماسنجر شلون ادخل والله ماعرف لان سمعت في طريقة تعرفين منو الي داخل وشنو كاتب لان كله بالانجليزي ارجو الافادة لاني محترة حدييييييييييييييييييييييييييييييييييي واهوه مطنش:0bee2e8d89:

ماانصحج انا سويتها وحدى انقثيت من الهوايل والله
ونفستى اتعبت
يالله الله كريم الله يسخره لى
ودير بالج على زوجج

لا تدورين وتنبشيييين والله انتي الخسرانة

( لا تسألوا عن أشياء أن تبدَ لكم تسؤكم )

وانااا انغثييييييييييييييت



نصيحه كاافي اللي شفتيه

حاولي تكسبينه


عسا الله يهديهم ويسخرهم لنااا...

انشالله ما امر بهالشي
بس نصيحه دامج شاكه بريلج لاتسوينها
مو عشان تظلين غشيمه
لا
عشان حتى لو عرفتي بيقولج رفيحي مو انا
وراح تكبر المشاكل
لا تنبشين ليش تأذين عمرج

" ولا تتجسسوا ولا يغتب بعضكم بعضا "​

[[center]color="red"] حبيبتي اخذيها نصيحة أخت لا تنبشين وراه والله تتعبين وتشوفين الهوايل وما تقدرين تسوين شي !!!!!!
الانترنت بروحه مشكلة العصر ، وشبابنا مشفح يستغلونه بطريقة خاطئة ومحرمة وما بيدنا الحل حق هالمشكلة
فنصيحتي لج دام خراب سلوكه وأخلاقه برا البيت طنشي ولا اديرين بال ، ما عليج إلا إنج تهتمين بنفسم وبيتج
وعيالج وبس وغير جذيه ادعي له بالهداية في كل فرض تصلينه ، وعسى الله يهديه ويصلحه ........... [/center][/color]

اهوه مايرضى اشتري لابتوب لان موواثق من نفسه عباله راح اسوي سواتة غلطانة الي تثق بالريال واذا عالتفتيش لازم وضروري تبيني اسكت لين تمشي المية من تحتي واحسن شي عشان افشلة لان وياه ماينفع التطنيش

يا روووحي انتي
والله قلبي يعورني لاني نفس حالتج
شنسوي يا بنات شنسوي
انا ادري يحبني وماخذته حب بس ليش يسوي جذي مادري
قمت اخليه يلطم كل شوي انبش من ورااه كره نفسه بس بسمع النصيحه وبعطيه طاف
وبأدي واجبتي الزوجيه وراح اصلي وادعي وبالنهايه هذاا ريلي وحبيبي اللي ما لي غنى عنه
كنت اضن انه بس انا عندي هالمشكله اثاري الكل الله يعناااااا

بس همن مانحط اللوم على الشباب بس هم البنات يعنى لو كل وحده صانت نفسها وماغازلت ماراح يكون الشاب جدامه احده يكلمه صح
خصوصا البنات الى يشون اغلبهم كويتيات يعنى المفروض يحسون بغيرهم ويدرون انه الدنيا كما تدين تدااااااااااااان
وراح ايهم اليوم اذا تزوجو ازواجهم يخونوهم مع غيرهم
والله كريم

لا تدورين وتنبشيييين والله انتي الخسرانة
ما عليج إلا إنج تهتمين بنفسم وبيتج
وعيالج وبس وغير جذيه ادعي له بالهداية في كل فرض تصلينه ، وعسى الله يهديه ويصلحه

السلام عليكم
التجسس منهي عنه لان نتائجة وخيمة وراح تزيدك هم ماتتخفف
انتي مدام مرضيه ربك من ناحيته خليه ... كل يتحمل ذنبه لاتخلينه يشيلك ذنوب ترا بالاخر محد راح يسرك
فوضي امرك لله ومن استعان به ربح
والدعاء اهم شي ترا يقلب من حال الى حال اذا كان صادق
وتعوذي من الشيطانن ولا تسمعين اي شي يعينك على الشر....والله يهديه ....

انا بالعكس اقولج جيكي و تأكدي و اذا لقيتي شي واجهي المشكلة
ليش البنات يبون يتهربون ؟؟
يمكن مع النصيحة و الكلام ريلج يقتنع و يردلج و مايفكر بهالخرابيط مره ثانيه يمكن تقدرين تقنعينه ..
ليش تغمضين عيونج و تخلينه ماشي بطريج الغلط !!
هذا ريلج و بيكون معاج العمر كله ماراح تقدرين تعيشين معاه و انتي خاشه بقلبج
واجهي المشكلة و حاولي تحلينها بيدج و انشالله بتكونونين قدها والله يحنن قلب ريلج عليج و مايشوف غير يااااااااارب

moooca قال:

اهوه مايرضى اشتري لابتوب لان موواثق من نفسه عباله راح اسوي سواتة غلطانة الي تثق بالريال واذا عالتفتيش لازم وضروري تبيني اسكت لين تمشي المية من تحتي واحسن شي عشان افشلة لان وياه ماينفع التطنيش

أنقر للتوسيع...

حبيبتي لي متى وانتي تنبشين وراج عيال وبيت وراح تلهين فيهم ، انتي توج بالألف والباء ما مرت عليج 10 سنين
خيرتج راح تتحسفين على اللي قاعدة تسوينه وتقولين ياليتني ما لاحقتك عشان ما تنصدمين ، وصدقيني التجسس ما وراه
إلا الغولون العصبي والشيب والأعصاب وسألي مجربة ، بلا عوار راس ، وعلى فكرة الريال كل ما تواجهينه
يزيد ، ويتحذر في نفس الوقت ، راح يخلص شغله برا ويرجع وانتي الخسرانة ، مسكي عليه ولا يمسك عليج الزلة
عشان تجمعين اللي شفتيه واللي سمعتيه وتواجهينه بشهود بس مو الحين كل ما تصيدين شغلة حطيتيها في ويهه
حفظي حق المستقبل والأيام تركض ، والله المستعان !!!!!!!!!!!​

وهم غلط انج تسكتين انا اقول انتي مسكي الدليل وواجهيه مو تواجهينهه من غير دليل والله يعهديه ان شاءالله

جوك احلى جو قال:

وهم غلط انج تسكتين انا اقول انتي مسكي الدليل وواجهيه مو تواجهينهه من غير دليل والله يعهديه ان شاءالله

أنقر للتوسيع...

لا ليش تسوي جذي، اول شي مايصير تجسس وثاني شي المفروض بدال ماتدور مشاكل تدعين الله يهديه
يعني اهيه اذا نبشت ولقت دليل حتى لو صور مثلا شنو بتستفيد لما تواجهه؟ يعني خلاص ماراح يخونها ؟ يمكن يزيد ويكلم اكثر
اخر شي مشاكل وطلاق

انا اقول ابتعدي عن المشاكل ولاتعوذي من ابليس لان شحقة تخسرين زوجج على هالشغلات

حبيبتي نفس اللي صارلي بس انا لقيت فيديوات بنات ووصاخة قعدت ابجي دم من القهر ويوم واجهتا قالي مو انا هذا رفيجي بس من يومها وانا ادعي انه الله يبعده عن هالبلاوي وصج الحمدلله واايد تعدل والله يصبرج ويهديه لج

يتنغثين
وتشوفين ريلج بشكل ثاني
وتتعرفين على شخصية ريلج الخفيه !!!
وتقعدين تبجين
وتصدعين
و اتهاوشين
وتدعين عليه
وتحرقين اعصابج
ويهد البيت
وتحترقين زياده
و تعصبين اكثر واكثر اكثر
وتبجين اكثر
ويرد البيت
ويحبج على راسج
ويقول ما راح اعيدها
وتبسمين
و يضحك
و تضحكين
و تردين تحطين راسج وتنامين
بس عقلج يقول .. اصيدك المره اليايه !!

فليش ؟؟ من البدااااااايه عشان لا تبجين وراسج يعورج وتدعين على اليوم اللي تزوجتيه فيه ... لا انبش ولا ادور ولا اسوي شي ..
بس قولي عسى الله يهديك يارب ويبعد عنك بنااات الحرام

ياه شي على شي اهله من صوب واهوه من صوب وانه اكره الخيانة بجميع اشكالها وحاولت اطنش بس حسيت اني راح انجلط شنو تبوني اداري عليه ليه طاح الفاس بالراس شنو راح استفيد وانه دايم ادعي ربي ان الله يهديه ويبعد عنه بنات الحرام بس حبيباتي ماقلتولي اشلون اشيك على ماسنجرة عشان طقتين بالراس توجع عشان يتادب

راح تتعبين والله .. وهو بيقولج مو انا رفيجي او اخوي
وآخرتها انتي اللي ماكلتها هم وشك وتاكلين بعمرج


ادعي ربج الله يهديه ويسخره لج ..