وايد من اهلها قاطعوها و عادوها و ذنبها الوحيد انها .....

الله يعينها
اهم شيء تستغفر وتقرا البقره
و تدعي بكل وقت
ترا كل هم مصيره يزول خل تتوكل على الله

الله يشغل خالتها بنفسها ويهد حيلها يارب

baa6aa قال:

اوكي ميخالف اخذيني على قد عقلي اوكي ؟ انا بقولج عن وضعي يمكن تحسين ان مقارب لها شويه بس مو على مشكلة

عقب العرس رحت بيتنا حطيت ملابسي بالجنطة و ريلي كان ناطرني بالسياره .. حطينا الجناط بالسياره و رحت شقتي .. ببيتهم .. محد من اهله يا بارك و لا شي هذا اول شي
ورحت بروحي بدون اهلي مع اني وحيدتهم بس كانو موجودين ببيتنا يعني لمن رحت اخذ الجنطة دخلت عليهم سلمت
محد قال ان لازم احد فيهم يروح معاي
و قعدت اسبوع على ما رتبت اموري بعدين عزمت امي و ابوي قلتلهم عازمتكم عندي
وزهبت لهم حلو و عصاير خفايف بس
ياو شافو الشقه خذو فيها فره بالضبط قعدو ساعه و مشو
والحين نفس ماتشوفين بتوقيعي صارلي سنه ونص من تزوجت ترى غير هالمره اللي ببدايه زواجي محد يا مع اني اعزمهم و كل شخص له ظروفه
وحتى بالعيد انزل اسلم على اهله و اروح بيت ابوي ماقلت محد فيهم يا عايد
يعني الوضع عادي
ونفس الشي حق مراجعات الطبيب و المرض ترى محد يدري على طول عن احد مرات ماحب ابلغهم اذا تعبت لان اهمة بمكانهم ليش اضيق خلقهم وانا ماني طالعه بس اقعدهم على اعصابهم و حتى وقت مراجعات الحمال .. ترى يوم ولادتي انا رايحه المستشفى بسيارتي شرايج و ريلي موجود

اذا ابي اشوفها ان اهيا مشكلة اقدر اسويها اكبر مشكلة
بس ترى كل انسان له ظروفه كل انسان له حياته محد قاعد 24 ساعه حق احد
انتي تقولين مراجعاتها ريلها معاها خير و نعمه ربي يتمم عليه لي الاخر جذي
بس باقي الاشياء خل تطوفها عشان تعيش
وترى والله محد خالي
لو بتحجى وبقولج ماراح نخلص و بتحسين ان اهيا اهون بمليون مرة بس لان شي يديد عليها و وضع يديد ماكانت جذي
خل تقرا البقره و تواضب عالاستغفار و ربي بييسر امورها و يهدي سرها يارب و يوخرهم عنها ان شاء الله ومو ضارينها بشي ان شاء الله

أنقر للتوسيع...

^
^
صح كلامها
ةةاحس رفيجتج تبالغ وحابه انه تعيش دور الضحيه والنكد واسمحيلي على صراحتي

وماوقفت خالتها عند حدهاوسمحت لهاتتدخل بخصوصياتها ،، للاسف شخصيتها ضعيفه وتحب تعيش دور الضحيه وتسمع القيل والقال شمعنى فلان وعلان


هذا رايي واتمنى مايزعلج :eh_s(7):

الله يكون بعونها

اعوذ بالله منهم هذيل اهل مااصدق

ليش ماعنده لسان
خلاص خاله
مانقول شيء مانعبر على ابو احترام !!!

لا حبيبتي
وقفيها عند حدها شنو شدخلج باامي
مالج دخل بحياتي وبكيفي
انتي لج حياتج وانا لي حياتي !!!!

لاتصييرين ضعيفه
اوك قلنا احترام بس في مشاكل تقدرين تمشينها
بس جذي عاد تدخل فظيع بحياتج
وتسميع كلام
لا لا مايصير !!!

خل اهلها كلهم يولون ومفروض اهي تقاطعهم وتزعل عليهم هذولا حاسدينها لانها تزوجت خل تدير بالها على زوجها وبيتها ونعم تلزق بريلها 24 ساعه ولا تهد بيتها وخل سوالف الحريم تولي باجر تحمل وتييب عيال ومحد راح يدوم لها غير زوجها وبيتها وعيالها كاج تقولين محد زارها ولا سأل عنها جنها مالها اهل كل من بهالزمن يالله نفسي

حياتي وحبيبتي
اي انسان شراني ويكرههج او يغار او حسود
كلهم علاجهم واحد
علمناه رسولنا الكريم
ان الحساد تعاملينه معامله زينه عشان يطفي شرهم حاولي قد ماتقدرين تكسبينها ادري صعبه بس انا اقول حااااولي موبس بعقلج لا بعقلج وعقل غيرج شلون اكسبها وبالعاطفه بس طبعا جدام الناس هالكلام
يعني توجبينها ان صار فيها شي وتنتهزين اي فرصه لكسبها واهديها الهديه تطفأ الشر والحسد حيييييل هديه بسيييطه اسمج اني حاطتج ببالي وانا ماقول اكسبيها عشان تفتكين من شرها ولسانها لااااا اولا لانها صلة رحمج وثاني عشان تنعمين بحياة هاديه ماعليج يمكن مومهم عندج كسب انسانه مومهمة بحياتج بس تبقى خالتج موالحين انطري ليما تمرض او تطيح بمصيبه او بناتها او احبابها اوقفي يمها ووزريها لربج
ثاني شي اكسبي اهل زوجج وحاولي تعزمينهم بايام تكون عازمه ناس طيبه من اهلج بحيث يشوفونج حمولتج ان في ناس تجيج موشرط تقولين لحمولتج انج عازمه الناس الي من اهلج لا خل يفهمون انج عندج ناس تجيج وبيتج عامر بالاحباب وحاولي كسب الي حواليج من البشر بالاعمال الخير زياااااارة المرييييض والعزا والفرح والرجعه من السفر الازمات والافراح مع الوقت الناس عقولهم تنسى الي فاات وعليها من الجديد الناس تنسى والله
وكملي حياتج انت الي ارسميها
ارسمي
اكتبي قصة حياتج
اختاري الاشخاص الي ودج يكونون حواليج
واعزمي على تنفيذ القصة
كوني متفااائله رغم همومج
بهذه الايه
الذين قال لهم الناس ان الناس قد جمعوا لكم واخشوهم فزادهم ايمانا وقالوا حسبنا الله ونعم الوكيل
دايم حطي هالشي ببالج الناس تنسى الشر والي فات وعليها منج حاليا فانسي الي فات وابدئي نشاطج مع الكل واقل القليل ان مانفع بالاقشر اكيد حوالي الاقشر اذان تسمع وعيون تبصر وبشر حوالي الاقشر يشوفون ويحبونج وينادي منادي في السماء ان احبو فلانه فهذا يكفيج
محبة الله ومحبة الناس والاقشر تقربتي منه وان اشاء تقدرين تكسبينه
وعليج بنفسج مارسي هوايه احفظي قران وتعلقي بالله عزوجل هو الي بحل جميع المشاكل ويسخر العباد وبلاد لج برضائه عليج لاتتركين نفسج للافكار الممله القديمه الي تحطم نفسج وعقلج استانسي بزواجج وتفاءلي بالحياة حبيبتي