عرض مشاركة واحدة
قديم 07-04-2013, 02:59:01 PM  
هواك قلبي
كــويــتــيــة فــعــالــة
 
الصورة الرمزية هواك قلبي
 
تاريخ التسجيل: Jul 2012
المشاركات: 397

افتراضي رد: رواية عاشقة الشيطان >>جديد قلب المحرق



البارت الثالث..رواية عاشقة الشيطان لقلب المحرق ..
عنوان البارت (( سباااق المووووت )).....



سمراوي فتحت باب غرفتها :هاذي غرفتي
دخلت سمراوي وفتحت اليتات
ودخلت وراها ***
كانت الغرفة خيال بمعنى الكلمة
كبيرة جدا ووسعه
واثانثها الابيض مع الاسود الراقي يزيد الرقي والجمال الي يزين الغرفة
كانت مرتبة بطريقة خياليه
*** من قلب عجبتها الغرفة وتمنتها من اعماق قلبها




صج الغرفة حلوة حلوة حلوة حلـــــــــــــــــــــــ ــــــــــــــــــوة
ارضيتها خشبيه بالون الاسود والرمادي السرير صاير في وسط الغرفة بمحذاة الجدار مع استايل خشبي بالون الاسود والرمادي وفوق السرير خانة مفتوحة خشبية بيضاء مسطيلة الشكل فيها ثلاثة كتب على اليمن وثلاثة كتب على اليسار وفي الوسط قطعة اثرية قيمة وغالية وفوق الخانة المفتوحة ساعة ذات اربعة عقارب بالون الاسود واطرافها ابيض ورمادي في قمة الرقة والذوق ويمه على اليمن ادارج من ثلاثة خنات صغيرة يمها مكتبة صغير مملوئة بالكتب ويمها دريشة صغيرة وفي الزاوية مابين الادراج والدريشة قطعة حلوة للمشاهدة ويم الدريشة ادارج فيها كتب مع الخلفية البيضاء للمكتبة وايطار الدريشة(النافذه)ويم الاداج قطعة سميكة (جدار سميك) وطاولة بيضاء فيها خشب(( ثلاث حطبات)) بطريقة كلسيكية راقية ولوحة فنية قيمة محطوطة على الجدار السميك (فوق الطاولة الخشبية الملتصقة للجدار )وفي وسط الغرفة امام السرير مباشرة جاكوزي على شكل دائرة بالون الابيض الراقي ويسارة كرسيان بالون الاسود والرمادي ومقابل الجاكوزي (السقف) تشكيلة دائرية وسطها ليت دائري رائع بضوئه الذهبي المصفر وقدام الجاكوزي فارغ واسع من مساحة الغرفة وفي طرف الغرفة باب لغرفة ثانية تقدمت سمراوي بتجاهه ثم دخلته وهي تفتح الانوار
سمراوي : *** تعالي ليش واقفة هناك

عيون *** تنقلت مابين السرير والجاكوزي الي لفت نظرها
الى السقف والايتات الصغيرة المحيطة باليت الكبير ذات الضوء الذهبي المصفر الراقي الى الغرفة المفتوحة الي طلع منها صوت سمراوي قالت بصوت مبحوح:يايه

دخلت الغرفة وجافت خانات عليها كلها
مع مساحة الغرفة الكبيرة
خانات فيها نعالات بمختلف الوان والاشكال ومختلف الماركات
وخانات فيها كبابيس بمختلف الوان والاشكال والمركات والانواع
وخانت كبيرة فيها بدلات رسمية بجميع الوان (البني والاسود والابيض والاحمر والرمادي وغيرها الكثير )
وخانت اخرى فيها ملابس بمختلف الوان والمناسبات والمركات
*** حست انها في محل كبير فيه كل شي
يجمع الملابس والحذاء والكابيس وغيرها غيرها الكثير
طلعت سمراوي بنطلون اسكيني جينز بالون الازرق وفانيلة كحلية سنبل حدها تمت تتأمل لمدة فيها وهم بين ايدينها وتنقل نظرها لسحر ضحكت بخفه وقالت وهي تكسر حاجز الصمت:لبسيهم ع ما نروح نجوف لج ملابس سنعة تناسبج
*** تأمل البنطلون والفانيلة الي في يد سمراوي وضحكت:هه من صجج ومن قال اني بلبسهم
سمراوي بتحدي:انا ليش فيه مشكلة
*** :هه وليش البسهم ماعندي ثياب
سمراوي :الحين ماعندج وانتي محتاجة لهم
*** بعصبية :من قال ..بعدين انا مب محتاجة لشي وملابسي تكفيني وتزيد
سمراوي:هه ليش انتي جافتني اتبرع لج بثيابي يعني؟؟
*** :اية عيل الي تسوينه شنو ؟؟ بعدين انا ماطلبتج ولا قلت ابي ثيابج
سمراوي بستهبال:لاا تكفين لبسيهم ارجوووج اذا ما لبستيهم بموووت لحقي علي ...كملت بجدية...ترا انا مب فاعلة خير اتبرع لج بثيابي جم مرة بقولها لج ..بعدين عادي ترا انتي ماتهميني بس الحين ماعندج شي تلبسينه اشلون بتروحين بيتكم وانتي هلون (بهالحالة )
*** فكرت اشوي وردت:اممم وانتي مالقيتي الا هاذلين البسهم
سمراوي:انا ثيابي كلهم جية وهاذيلين احسن من غيرهم ومن الموجودين عندي لانه مافية ملابس بنات عندي وانتي تجوفين بعيونج واذا انتي على انهم ملابسي وانا لبستهم ..اطمنج تراهم يداد(جديدة) مالبستهم ..واصلا انا مالبس الا مرة يعني البس مرة وارميهم يعني مافيه شي مستخدم عندي
*** تمت تطالع سمراوي بنضرات وهي تقول بينها وبين نفسها (اصلا انتي عندج شي غير التبذير هاذي عندج فلوس الدنيا ومافيها اشلون مايكون عنج كل هالملابس لاا وجان زين تستاهلينهم )
سمراوي:هاه اشرايج
*** تنهدت:اوكيه شسوي بعد ..
سمراوي ابتسمت وطلعت من الغرفة :خذي راحتج
ابتسمت *** بخفه
بعد جم من دقايق طلعت *** وهي تحك شعرها بخفه
سمراوي كانت قاعدة على الكرسي وهي تطالع الارضيه بس ارتفع نظرها لسحر الي طلعت من غرفة الملابس
سمراوي ضحكت من قلب وهي تجوف شكل *** بثيابها
*** برطمت :اشفيج ليش تضحكين
سمراوي دمعت من الضحك مب قادرة شكل *** صاير مميز وتوحفة بالبنطلون القصير الي صاير مقصمل (قصير) والفانيلة الوسيعة الي ابد ما تناسبها
*** عصبت:سمراوي جب لا تضحكين علي ترا والله بروح افسخهم ولبس فساتني المشقوق
سمراوي سكتت وهي تحاول توقف الضحك المفاجى :اوكيه خلاص ماراح اضحك بس والله يبي لج صورة
*** بعصبيه:لاا والله
سمراوي ابتسمت:هه اشفيج امزح معاج بس تعرفين اول مرة اجوفج بملابس وسيعة صاير شكلج كلش غير لاا بعد البنطلون قصير صايرة تحفه والله بس يالله ماشي الحال ع ما نروح نشتري لج شي عدل
***:اووف مايحتاي اصلا انا بروح البيت الحين مب لزم اشتري
سمراوي:معقولة وبتفوتين السباق
*** بأستغراب:اي سباق
سمراوي:اشفيج تابع للبارتي الي خطط له هشوم
*** بصدمة :من صجج يعني فيه سباق بيصير وانا مادري
سمراوي بستغراب:ليش هشوم ماقال لج
*** :لا ماقلت لي
سمراوي:المهم اكاج دريتي بتيين
*** :ليش انتي بتشاركين
سمراوي:اكيد
*** بحماس:ابي اروح وياج
سمراوي:يعني تكونين معاي في السباق
*** بتشويق:اية
سمراوي:جربتي من قبل
*** :لا ودي اجرب
سمراوي:خايف مايعجبج الوضع وتخافين ترا سباق مب يالله لعبة
*** :ادري انا ياهل مافهم ولا عرف شنو يعني سباق
سمراوي ابتسمت:اوكي على راحتج بس بالاول بنروح نشتري لج شي عدل تلبسينه
***:انزين متى السباق
سمراوي :الساعة 2 الصبح
*** :والمرور
سمراوي:لاتخافين كل شي برزنا له
*** :انزين من الي بيتسابق غيرج
سمراوي:امممم هشوم والشمرقي ورعد وعلوي وشباب وجية يعني وايد
*** :صج هشوم والشمرقي وياج في السباق
سمراوي:اية
*** :انزين ليش كل هذا
سمراوي:تحدي
***:بس هاذي فيها سرعة فيها مخالفة فيها خطر
سمراوي: لا مافيها خطر دامج مجربه وحنا بنسويها بعيد
***:لاا شكلكم مخططين لكل شي
سمراوي:نعجبج
*** :اوكي عيل بسرعة خل نلحق
سمراوي ابتسمت:امشي معانا بس ساعة
*** :اوكي
قامت سمراوي من مكانها ومشت
لحقتها *** وتتبعها بخطوات سريعة
سمراوي :مندليف
مندليف(الحارس):يس سيدي
سمراوي:عطني مفتاح الفراري
مندليف طلع المفتاح وعطاها
سمراوي خذته وراحت صوب الفراري وفتحت الباب وركبت
*** لحقتها وفتحت الباب الثاني وقعدت
فتح مندليف الباب الرئيسي للفلة بأشار ة من سمراوي
بسرعة كبيرة تحركت الفراري ومشت
*** كان كل همها السباق واول مرة في حياتها بتركب مع سمراوي في سيارة وحدة وبيشاركون في سباق
شي ماكانت تتخيله
اولا تروح بيت سمراوي
ثانيا تلبس من ثيابها
ثلاثا تكون معاها في نفس المكان ويشاركون في سباق مع بعض في سيارة وحد ة
كل هذا صار في يوم واحد
عيل باقي الايام وش ممكن يصير
؟؟؟
اخلي الجواب لبقية البارتات

وصلت سمراوي للمحل الكبير المفتوح اربع وعشرين ساعة
نزلت هي وسحر
دخلت المحل وهي تسلم على البنت الواقفة :هاي مريام
مريام ببتسامة :هاي سيدي
سمراوي:كيف الشغل
مريام:كل شي ماشي حاله
سمراوي:زين ..مريام ابيج تنقين لنا بدلة حلوة مثلج وعلى ذوقج
مريام ابتسمت:لمين ؟؟
سمراوي اشرت ع *** الواقفة بهدوء
مريام ابتسمت:طيب دقايق وانا راجعة
ابتسمت سمراوي وقعدت على الكرسي بهدوء اما *** تمت تتجول في ارجا المحل
وتجوف الملابس الي من مختلف الانواع والموديلات

بعد دقايق
يات مريام وفي يدها بنطلون اسود استرج مع قميص ابيض في اطرافه لون بني فاتح مع صديري بني وكعب بني بنفس لون الصديري
مريام ببتسامة :شو رايك
سمراوي اعجبها ذوق مريام مع انها ماتفهم بهالنوع من الملابس
اما *** عجبها بعد لكن ما بينت لها
سمراوي:ماشي حاله
مريام عطت *** واشرت لها على غرفة التبديل
*** خذت الثياب ومشت بهدوء صوب غرفة الملابس تجوفهم عليها
بعد دقايق من انتظار سمراوي
طلعت *** وهي في قمة الروعة
الملابس ناسبتها وايد وراقت لجسمها النحيف والمرتب بطريقة مثيرة
*** ابتسمت:اشرايكم
سمراوي ببتسامة وهي تمرر نظرها من اطراف اصابع ريل *** لين طرف راسها :حلو
مريام ببتسامة :كتير حلو عليكي بالعافيه
*** :ثانكس
سمراوي طلعت البطاقة وعطت مريام:حاسبي
مريام ضحكت:هه شو سيدي المحل محلك شو احاسب
سمراوي :حتى لو كل شي وله حقه
مريام ابتسمت:اوكي مو مشكلة
*** كانت منقهرة ومتفشلة من سمراوي مكانت تبي هالشي يصير
ماتبي تحسس سمراوي انها محتاجة لها لكن شتسوي ماتقدر ترد البيت وهي تبي تروح السباق الي متشوقه له وبقوة
سمراوي :هاه مشينا
***:يالله
سمراوي مشت وسحر وراها
ركبت السيارة وتحركت
طول الطريق والصمت سيد الموقف
وقفت سمراوي والاشارة حمراء
تحولت الاشارة خضراء ومشت كل السيارات الا هي
*** بستغراب:ليش ماتمشين؟
سمراوي:اهنية بنبتدي السباق
*** بصدمة :شنو ؟؟؟
سمراوي اكتفت ببتسامة
سمراوي فتحت الجامة عشان تجوف من الي يصارخ عليها
عند فيصل ..وقفت السيارات حسب الاشارة الحمراء..فيصل كان يبيب علشان يبي يمشي لكن لا حياه لامن تنادي مع ان الاشارة صارت خضراء والسيارات الي يمه مشت لكن السيارة الي قدامه مب راضيه تتحرك والمشكله ان فيه سيارة بعد وراه يعني بختصار وضعه زفت ..فيصل عصب من الانسان الغبي الي قدامه والي موقف السير نزل من السيارة وهو يصارخ على راعي الفراري الصفراء الي قدامه:انت اشفي امك موقف السير علينا ..انفتحت الجامة الي فيها راعي الفراري بشكل متدرج لين انكشف وجه راعي الفراري او بالحرى (راعية الفراري)كانت صدمة على فيصل انه يجوفها مرة ثانية ..ايـــــــــــــة اهي نفس البنت الي تشبه مــــــــــــلاك الي جافها في زيارته للجامعة قبل عدة شهور ايــــــــــة هي نفس البوية الي طبق الاصل من ملاك والي خلاه يستغرب اكثر وجود نفس البنت الي جافها معاها....
قالت وهي بقمة البرود عكسه اهو الي يغلي من الداخل:نعم فيه شي؟؟
فيصل حاول يبعد الشبه الكبير الي بين هالبنت وملاك من قدامه:يعني ماتدرين
سمراوي فهمت اش يقصد وبتسمت بمكر:ايــه الحين عرفت اش تبي >>تحاول تلعب بعصابه
فيصل بقلة صبر :اقول تراج موقفه السير علينا بتمشين ولا اتصل للمرور يتصرفون معاج ..قبل ماترد سمراوي عليه سمع صوت بنت ناعم وهو يعرف هالصوت زين ..عرف انها صج *** الي كانت مع سمراوي في ذاك اليوم الي جافها فيه ..
قالت *** وهي من قلب تمللت من القعده في السيارة:سمراوي بتمشين ولا بنزل, ترا تمللت من الانتضار اهنيه..
التفتت سمراوي لسحر وهي مبتسمة:بس العرض بيفوتج
*** وهي تتنهد بقلة صبر:ومتى بيبتدي هالسباق اووف
سمراوي تطالع المنضره (مرايا ):الحين ...
*** التفتت وراها وهي تجوف سيارات الفراري بمختلف الالوان..
اما فيصل توه مستوعب السالفة الحين عرف ليش هي واقفة في مثل هالمكان رجع سيارته وجاف خلود قامت من اصوات السيارات الي خلتها تقوم...
خلود تطالع فيصل:يبه ذلين السيارات ليش اهنية ؟؟
فيصل بعفوية:اعتقد بيصير سباق ..
خلودنقزت:وااااو وناسة ابي اجوفهم يبه..
فيصل تنهد:اصلا غصب عنا بنجوفهم..
خلود مافهمت شنو يقصد فيصل لان كل همها الحين تجوفهم اول مرة في حياتها بتجوف سباق حقيقي قدام عيونها
...
المقصود من كلام فيصل ان عصب عنه بينتضر لين نايروحون السيارات
اولا لانه في وضع صعب
وثانيا لان ممكن يصير حادث او شي اذا مشى معاهم
نزلت سمراوي من سيارتها وهي واقفة في منتصف الشارع تصارخ بصوت عالي:::::هاه شباب جاهزين للسباق..عطوها اشارة بيدهم بمعنى (اية)
كانت السيارات كثيرة (المتابعة )مب المشاركة والمشاهدين ملئوا زوايا الشارع كانت السيارات المشاركة للسباق كلها فراري بمختلف الوانها ومديلاتها (استايلها)اعدادها تقريبا 8سيارات فراري
نزل فيصل وخلود من السيارة ويد خلود مرتبطة في يد فيصل بس نسى فيصل البنت الي واقفة قدامه(سمراوي)
اما
خلود البريئة كانت متابعة السيارات الفراري الواقفة قامها بس لفتت نظرها البنت الي تصارخ(سمراوي)بشكلها المقارب جدا لملاك...توسعت عيون خلود وهي تجوف قدامها ملاك الي تضنها مثل امها او كانت تعتبرها مثل امها
ارتخت يد خلود عن يد فيصل الي كان متابع الوضع بدون ماينتبه لخلود الي تركت يده بهدوء بدون مايحس ...
اشوي اشوي انفصلت ايد خلود عن ايد فيصل وبحركة سريعة خلود ركضت نحو سمراوي الي متجهه نحو سيارتها لنطلاق السباق
خلود تركض بسرعة وهي تبكي وتصارخ والدموع مغطية عيونها وتنادي :يمـــــــــــــة
التفتت سمراوي على البنت الصغيرة الي تركض نحوها بسرعة كبيرة
وصلت خلود لعند سمراوي وحضنتها بقوة حتى ان سمراوي تيبست...

اوقف اهنية وانتضر تفاعلكم معاي

شنو تتوقعون رد فعل سمراوي
شنو بيسوي فيصل وشلون بيتصرف مع خلود
؟؟
اترك لكم الاجوبه

مع حبي

لكم




__________________
رواية المرجوجات
رواية حياتي بكل تفاصيلها تبي تعيش عيش معاي >>يالبى
موااقفي الي صارت في حياتي مالهم حل
قلوا مرجوجة قلت لهم يالبى الرجة دامهم سميتوني عليها
كبرت والرجة للحين موجودة فيني شسوي قولوا لي
اطلب طبيب نفسي
ولا اقعد جيه ع رجتي ارجكم وانتوا تصارخون ههه
تابعوني

فوق كل هاذا بتم اعقل مرجوجـــــــــــــــــــــــــــــــــة
هواك قلبي غير متواجدة حالياً   رد مع اقتباس