|| شلـون عرفتـي إنـج حـامل و أي حـزة .. خلنـا نسـولف ونفرفـرش شـوي تعـالو كروشـات ||

انا بعد سنه ونص زواج حملت

عاد ذاك اليوم كنت داخله منتدى كويتيات هالقسسم وجايه اتحلطم خخخ المطع
ان دورتي معفووسه عفاااس وكانت متاخر 7 ايام او 10 مو مذكره بضبط المهم انا كان مالي خلق ذاك اليوم شي
الا زوجي يجي من الدوام كلش ماله خلق
وقال بياخذ اجازه بكره قلت له اوكي دامك تبي اجازه وثنينا مو نفسيتنا مو حلوه خلنا نطلع نتمشا اشوي
رحنا تمشينا وتعشينا بالمطعم
وطلعنا بعد ما طلعنا كان جنب المطعم صيدليه ..
قلت له وانا مسسستحيه ابي تحليل روح جيب لي قالي بعد انتظري جم يوم
قلت له مافيني صبر ومابي افكر المهم
راح جاب لي التحليل
ورحت البيت وطيران رحت اسويه
وما شفت الا خط واحد
وخليته بالحمام الله يكرمكم
وطلعت اقضي كم شغله بالبيبت
وبعدين قلت خل ارجع واشوف شنو صار عليه
ما اشششوف الا الخط الثاني خفييييييييف حيييييل
مو مبين
هني انا صصصرت ارجف وقلبي يدق بقوووه
احس مو مصدقه وان هالشي جذب
رحت قلت حق زوجي شوف انا حامل
قام يطالع فيه يقول لا جذب مو صج لانه خفيف
انا تحطمت رحت نمت ويوم ثاني الصبح قعدني وقالي جبت لج تحليل ثاني
جربته وطلع خطين واضحييين واستانسنا
وقلت حق امييي ومتنا من البجي

كان يوم حلللووو
والحين انا بشهري التاسع وناطره اولد واحضنه بين اديني


وربي لا تحرم احد من هالحضات ياااارب
ترزق كل محرووومه

انا كنت اكل حبوب تنظيم الدورة عشان احمل لان دورتي خربت بعد الزواج وقطعتهم قبل رمضان
ولما حسبت موعدها بعد التنظيم طلعت بتييني بالعشر الاواخر
ضاق خلقي وطلبت من ريلي حبوب ترفيع ما رضى
ودعيت برمضان وااايد ان ماتطوفني ليالي القدر كنت ناطرتها
وكنت استغفر وادعي دايم بالذرية الصالحة مع اني مستبعدة الحمل من غير علاج ونسيته اصلااا
المهم قربت ايامها واحس بالامها وكان بطني يعورني جنها بتنزل بالعشر الاواخر وضاق خلقي حيييل توقعتها بتنزل
المهم تاخرت عن موعدها المتوقع اسبوع وما اهتميت
بس صدري كان يغورني وطلعت فيه عروق زرق
قلت يمكن هرمون الحليب ارتفع واهو الي اخر الدورة
وكنت انام على بطني وريلي يزفني يقولي يمكن حامل اقوله لا هههههه
شايلة الحمل من بالي بس كنت ادعي
ريلي من نفسه يابلي تحليل حمل وما رضيت احلل
وصار فيني فضول حللت الصبح وطلعول خطين واضحين الحمدالله وهذي قصتي

انا بقول قصتي

شهر 4

كنت تعبانه وكله رايخه ابي انام ويومها ما اكلت شي كلش

بليل طلبت لي عشى لاني مو ماكله شي من الصبح .. كليت شوي من العشى

بعدين نمت .. قعدني زوجي الفجر لاني كنت اون من التعب

بطني كان يعوررررني حيل عوار مو طبيعي

قعدت من النوم وانا ابجي وركض للحمام ارجع اللي اكلته وبعديها اغمى علي

زوجي توهق المسكين مايدري شيسوي .. رحت العدان عطوني مغذي من بعده ارتحت وعطوني حبوب حق الترجيع

ماطلب مني اسوي تحليل حمل كلش !!! المهم رديت البيت تريقت ونمت

قعدت الظهر وانا للحين حاسه بتعب .. كلش ماتوقعت اني حامل

رحت حق اهلي .. خذتني امي العدان مره ثانيه عند طوارئ امراض نسا

قلتلهم اني تعبانه من امس .. هم مارضوا اني اسوي تحليل !!!

رديت البيت جا زوجي ورحنا ياكو سويت تحليل نطرنا نص ساعه بالسياره

نزل زوجي يجيب التحليل <. وقتها انا كنت تعبانه وماكنت متوقعه اني حامل كلللللش

وصل زوجي قلتله مو حامل ادري .. قال اي مو حامل فجأه وبصوت عالي قالي يالخبله انتي حاااااامل !!!

انا اهني بجييييييييت .. دق على خالتي وامي وبشرهم

بس بعد اسبوعين بدينا ينزل مني دم ورحت اكثر من مره اسوي سونار عشان اسمع النبض بس ماسمعت

سويت سونار داخلي بدار الشفا قالي الدكتور نمو البيبي موقف من الاسبوع الخامس وقفوا حبوب التثبيت عشان يطيح من نفسه

ماوقفت الحبوب ثاني يوم رحت العدان وسوولي سونار داخلي قالي مافي نبض ننطر اسبوع اذا ماطاح من نفسه نسوي تنظيف

سبحان الله ثاني يوم قعدت من النوم حسيت بطني يعورني شوي رحت الحمام وطاح الكيس ..

الحمدلله على كل حاله ..

الله عوضني بعد الاجهاض باسبوعين تقريبا .. ماشاءالله

اول مره زوجي بشرني بالحمل ثاني مره انا بشرته ... في البدايه كنا حيييل خايفين

بس من بعد ماسعمت النبض ارتحنا .. الحمدلله يآرب

الله يبلغني شوفته بصحه وسلامه ...

الله يتمم عليكم حمااالكم امهاااات الكروش


انا حللت بعد عرسي بشهر تحليل دم وطلعت حامل وايد استانست معني كنت متوقعه الحمال لانه دورتي تاخرت عرفت عمري

هذا اول حمال وناطره الحين الولاده والله جريم!!!

مواقفكم تهبل حده
الله يثبت مافي بطونكم
انا حملت مره واجهضت بس بقولكم القصه
<- شكو مادري خخخخخخ
.
.
بما انه اول حمل بعد سنتين ونص زواج
فمادري وش الاعراض والا وش بيصير
وكنت كله اسال خواتي يقولون ماندري الا بعد ماتتاخر الدورة
بشهر 5 جتني الدورة ب 13
وتاريخ 23 كان يوم التبويض عندي يوم خميس
الخميس اللي عقبه حاشني اسهال
ولما كنت اجفف المنطقه بكلينكس شفت دم وردي فاتح مايل للبرتقالي
ضاق خلقي عبالي الدورة متقدمه لأن الشهر اللي قبله قدمت 10 ايام 9 ايام كانت كدرة واليوم العاشر نزلت الدورة
ف استبعدت الحمل كلش
من قبل ماشوف الدم وصدري منتفخ حتى قطيت البرا بالبيت احسها مضايقتني
وهم ماشكيت اني حامل
ترى كل اللي قلته بعدين لما عرفت اني حامل تذكرتهم خخخخخخ
قبل الدورة ب اسبوع حللت منزلي طلع خط واحد
وانا اتحطم قلت يالله خيره
ورحت للدكتورة وقلت لها بسوي تحاليل وكذا ابي احمل
ف ارسلتني على دكتورة نساء وكان الموعد بعد اسبوع
المهم قبل الدورة ب 5 ايام قلت ليش ماحلل شكثر التحاليل عندي خخخ
واحلل وماناظرت للتحليل اول ثانيه بس تغسلت وقمت ابي اطلع من الحمام
الا خطيييييين واضحين حيل
انا عيوني طلعت من مكانهم
طلعت من الحمام وانادي زوجي بصوت يررررجف
واجلس على ركبي وابكي ابكي ابكي والله ما انسى شكثر بكيت
جاني منهبل شفيك شفيك
واوريه التحليل قلت شف خطين والله خطين
قال اي يعني شنو !
قلت يعني حامل انا حملت اخيرا واصيييييييح واسجد شكر واصيح
وهو يضمني ويصيح معي وهو يررررجف من الفرحه
كان يوم احد ومافي مستشفيات
قال زوجي يالله نروح للطوارئ وكان التامين حقي موقف
فلما رحت لهم قالوا التحليل غالي ترى
قال حللتي منزلي قلت ايه قال اذا خطين حامل
حنا الامريكان كلش نحلل منزلي لان تحليل الدم غالي
ماصدقت ومابي اصدق ومايطلع صدق
رحت جبت تحليل ديجتال اللي يكتب حامل والا مو حامل
وطلع لي حامل
جبت تحليل ثاني وحللت وطلع خطين باول ثانيتين
كله قبل الدورة ب 5 ايام
حدي فرحت وقلت اخيرا بصير ام وتحقق حلمي كلمت امي وقلت لها وقامت تصيح بعد عيني عينها
خواتي فرحووا حيل اخواني كلن يكتب لي بالواتس اب الف مبروووك
خالتي ام زوجي ماقدرت تعبر من كثر ما خنقتها العبره
واخته صارت تصيح من الفرحه
حللت هرموني وتاكدت اني حامل
بس ربي ماتممه
بعد ماحللت باسبوعين تقريبا بدأ ينزل علي افرازات بنيه
خفت وسالت امي قالت عادي بس انا ماتطمنت لانه ما انقطعت كل يوم ينزل شوي لما امسح بالكلينكس
رحت للدكتورة سوت لي سونار مهبلي مافي الا كيس وكنت بالاسبوع الخامس
قالت مافي جنين يالله تنظيف
انا رفض قلت شكو تنظيف وانا توني بالاسبوع الخامس
طلعت من عندها وتميت لين الاسبوع الثامن سويت سونار هم مافي جنين بس كيس
وكان سونار مهبلي
سافرت مشيت 3 ايام مشي يهد الصخر
من رجعت اجهضت ونزل كل شي من نفسه بدون تنظيف
الحمدلله على كل حال صح فرحتي بهذا الحمل ماتوقع تتكرر
بس الله يعوضني بحمل تام قولوا امين
.
.
قرقرت وووواجد خخخخخخخخخخ
بس حبيت اقولكم شلون عرفت اني حامل خخخخ

انا يتني دوخه موطبيعيه كنت احس كأني بالالعاب اللي تفتر احس اني بطيح

كله بالفراش وحتى لما اقوم اصلي والله أميييل من غير ما احس واطيح

قلت لريلي بروح الطبيب مادري شفيني ودني ورحت المستوصف وداني ولا يقولي الدكتور متى موعد الدوره قلتله باقي لها 10 ايام واايد

قالي ماقدر اعطيج علاج وهني شككني اني حامل ونطرت موعد الدوره بالضبط وحللت اذكر يوم عرس رفيجه قبل لا اروح العرس عقب ما طلعو الرياييل لحقته وقلتله حامل

انا كنت احس اني متنت مادري ليش وقلت لازم اسوي رياضه

سافرنا دبي وتسبحت في البحر وعقب ما رجعنا اسوي رياضه كل يوم نص ساعه

وعقبها بجم يوم حسيت بتعب مب طبيعي

ما اقدر اقوم ما اقدر اوقف، وزوجي كان مسافر كنت كله منسدحه في صالة بيتنا

وقلت حق زوجي تعبانه استانس قال يمكن حامل

بس بعدين الدوره نزلت نقطه بس

امي تقول يمكن فقر دم وكنت ناويه اروح المستشفى احلل عن فقر الدم

بس قلت دام الدوره ما نزلت عدل خل احلل حمل عشان لمن اروح المستشفى اقولهم انه مو حامل

ويومها رديت شقتي لان زوجي بيرجع من العمرة

وطرشت السايق اييب لي عشا واختبار حمل

حللت ولا اشوف خطين

استقبلت زوجي بكشتي واختبار الحمل بيدي (كنت حدي تعباانه)

وبعدين زوجي قال انه دعا في الحرم انه الله يرزقنا وانه تضايق لمن قلت له نزلت الدوره

الحمدلله اللي رزقنا احلى بنوته

وآآي قصصكم تههههبل

انا للحين ناطره كل مابين دوره ودورهمن يحوشني شيء قلت يمكن حامل
وزوجي على طول يقولي لا مو حامل

ادعولي أحمل وأقولكم قصتي .. وي رب تعطي كل محروم ...

ريم ؛؛ مشتطه
فديتكم عالدعاء
ان شالله تقرون قصة ولادتي:/






كروشات قصصكم تهبل
الله يتمم علينا


ويعوض كل محرووومه ياااارب
ويرزقها بهالعشر المباركة

انا احس باعراض الدوره بتنزل ونفس عوار
وكل دقيقه ادش الحمام اجيك والا ماكو شي
ولاحظت تغيرات بجسمي واضحه هني
جكيت اني حامل حللت والحمدالله

خوش موضوع... انا حسيت باعراض الحمل قبل موعدها ب10 ايام هههه سويت قبل موعدها ب8 ايام من اللقافه تحليل هرموني طلع 0 ماكو حمل جان اتحبط مع اني ادري ماراح ابين الحمل المهم قبل موعدها ب4 ايام وانا قاعده المغربيه مع اهل ريلي جان ادق اختي تقولي ترى انتي حامل جان اضحك اقولها شلون تقولي انتي موعد دورتج معاي وانا اليوم انزلت علي جان اضحك قلتلها هالشهر جدمت قبل موعدها ب5 ايام جان اقولها انا يتلي الشهر الي طاف تاريخ 18 جان تقولي اييي باقيلج 4 ايام يلا قومي سوي تحليل دم قلتلها مااابي انسي احس بألم قوي ابطني شكلها بتنزل اليوم من امس العوار .. المهم شيشتني جان بسرعه اروح اسوي تحليل من ورا ريلي جان اطلع حامل اخيييييه احلى شعور والله دعيت بهاللحظه حق كل وحده الله يرزقها هاللحظه الحلوه والله يتمم علي حملي ان شاء الله ادعولي بنات عفيه :*

لا إله إلا الله

ويه بجيتوني الله يفرحكم ويهنيكم

تخيلت نفسي مكانكم اتوقع الفرحه ماتشيلني شهر بس اسمع بالخبر..
ان شالله لو حملت بقولكم شنو صار...

انا لي يوم الدوره متاخره وكل شوي اسوي فحص
مادري البنات قالو حسوا بنغزات/الم في حلمة الصدر، وهذا اللي احس فيه..
عاد ان شالله اطلع حامل مع اني اشك، اني احمل، لان للحين مارحت لدكتورة النسا وعطوني موعد على شهر واحد بعد الكرسماس.
يلاا الله كريم

والله يقوم الحوامل بسلامه واللي اجهطو الله يعوضهم، واللي ناطرين الله يرزقهم الحمل.


وسنه هجريه سعيده عليكم ان شالله

خل اقولكم قصة حمالي الغريبه العجيبه

انا قبل لا احمل ما جتني الدوره شهرين لانها لازم تنزل بحبووب
و راجعت دكتوري وسوالي سونار داخلي وصرفلي حبوب دوفستون اكلها 5 ايام عشان تنزل الدوره
و مر اسبوعين ولا نزلت الدوره وكانت تنزل مني افرازات مره بنيه مره حمره
لين وقت الدوام اكرفتني المسؤوله شوي :eh_s(4): ولمن رديت البيت ولا دم نفس الدوره
قلت خلاص الدوره جتني وبراجع دكتوري باجر يكون لي ثاني يوم دوره
ولما راجعت الدكتور سوالي سونار داخلي عشان يعرف شنو المشكله
وفجأه بالسوونار اشوف شي مدور ما صدقت عيوني ولا جيس الحمل والبيبي موجود وفيه نبض الحمدالله ما صدقت لما الدكتور قالي انتي حامل قعدت اضحك وغصتني العبررره :eh_s(2): :eh_s(2):

لان انا مو بسرعه احمل عندي مشاكل بالتبويض ..
والحمدالله لك يارب والله يتمم علي و على كل حامل ويقر عيني بشوفة جنيني مشافى معافى
ادعوولي بنات الله يتمم علي تعبت من الاجهاضات وللحين ينزل علي دم مرات يوقف و مرات لا :eh_s(2):

مجننتهم انا / عبره الله يرزقكم الذريه الصالحه يااااااارب وكل تأخيره فيها خيره واحسنو الظن بالله واقرو سورة البقره والله انا كل يوم اقراها لين حفظتها والحمدلله على كل حال