التجمع الثالث لطالبات { كـلـيـة الـحـقـوق ] جامعة الكويت . حياكم الله

عـــلى البركه التجمع الجديـــد .. وعقبال ما نفتح مع كل دفعة جديدة ..تجمع جديد


بنـات سنة ثانيه حطوا لنا جدولكم عشان نفيدكم ..

انا بتكلم عن دكاترتي وماعندي فكرة اذا هالسنة يدرسون سنة 2 او لا !!



التزاماات : اللي بتاخذها عند محمد سامي امها داعية لها بليلة القدر .. صج ما يعطي بونص بس دكتور تعاااااامله راقي وحقاني ويحاول كثر ما يقدر يعطي الكل 40 .. شرحه يحسسج المادة تافهه انا بالنسبة لي كانت اسهل من اداري
ويعطي كوزات كبونص اللي حل تاخذ الدرجة كبونص واللي ما تحل مالها بونص
امتحاناته سهله اذكر حاط قضية نفسها حليناها بالمحاضره ..
والفاينل كان جدا سهل اسهل امتحان مر علينا والقضية لما قرينا اول سطر عرفنا ان د.محمد سامي اهو اللي حاطها والكل حلها واهو يضحك ..

الدكتور ياخذ غياب بين فترة وفترة يقول انه ما يحاسب عليه بس انا اتوقع ان الدكتور كان يبني رايه على الغياب .. اللي تغيب واجد يحفظ اسمها

انصح فيها وبشــــدة بعد .. وباذن الله باخذ عنده بسنة ثالثه

***
إداري : مادة مليغه تعور الراس اهي كتابين .. بس لو تسالوني شنو الكتاب الثاني اقولج مادري لاني ما درست الا درس فيه والباجي ما مداني ادرسه هههههه والحمدلله ماكان محل اسئلة بالفاينل ...
انا خذيتها عند هيئة تدريسية وطلعت الهيئة د. فاطمه دشتي بالبدايه تضايقت لان الكلية كلها تذم الدكتوره .. بس على اخر السنة عرفت انها خووووش دكتوره

ماعندها بونص .. تعطي واجبات بس غالبا تنسى تسال منو حلهم فانتي كوني حريصه وسلميه بالمكتب .. نوعها تحب اللي يسال يجواب يناقش .. تشرح كل كلمة تحاول تسهل المادة بس اهي معقده خلقه

امتحاناتها اسهل امتحانات .. بس للأسف ما تأسس قضاياااااا

كليناها بالفاينل .. انا ولله الحمد كنت اتابع مع رفيجتي اهي عند د.محمد وكان يأسس قضايا والحمدلله حليت القضايا على طريقة الدكتور محمد العتيبي .. وخذيت درجة حلوو باداري


***

احوال : هالماااااااده ممتعه ومفيده ..انا خذيتها عند د. محمد المحمود

باختصار المحاضره خفيفه سوالف وشرحه وامثلته حلوووه وامتحانه احلى واحلى
يحاول كثر ما يقدر يعطيج 40 اذكر عطانا 4 امتحانات دخلي واحد اذا خذيتي درجة كاملة خلاص لا تدخلين الباجي .. واذا دخلتي ال4 وما خذيتي فل مارك تقدرين تحفظين سورة من القران هو يحددها وتسمعينها ويعطيج ال40 كامله ..
ياخذ غياب يوميا ويسمح لج بالغياب 6 ايام بس

والفاينل اسهل اسهل .. جزاه الله كل خير د.المحمود دكتور غصب الواحد يحترمه

***

مالية عامة

يابوووووووووي مادة معقده ما تنفهم امتن كتاب كتابها .. ومع هذا ما درسته لا بالفاينل ولا بالميدتيرم .. ادرس الدرس اللي يعجبني واطوف اللي ما يعجبني ههههههه

انا خذيتها عند د. الفهد .. ما طوفت ولا محاضره مع هذا ما فهمت شي .. دخلت الميدتيرم وانصدمت في اسئلة ما حليتها لان ما شرحها ولما كلمناه قال انا شرحتها

بصراحه الدكتور شكثر يغييييييييييب مادري شنو عذره .. بس شكثر يغيب وعنده 5 شعب فاحس كل شعبة يشرح له بشكل ثاني فيمكن شرح عندهم نقاط ما شرحها عندنا ..

انا هالماده خليتها على الله لان ماكو دكتور متمكن فيها .. وانا شكثر كانت عندي اسئلة بس ماروح للدكتور فيصل لانه يجاوبج بجاوب مبهم .. ودايم يقول هذا انا شارحه :eh_s(4):زين انا مو فاهمه اشرح مرة ثانيه

انا كنت اسال د.فاطمه دشتي وجزاها الله خير كانت تعطيني حل كل الدكاتره وتقول حلي باكثر من طريقة واحنا نحسب لج اياها صح ..

الميدتيرم كان سهل بس تصحيحه مادري شلون .. وقال بيعطينا بونص .. بس توزيعت البونص ما فهمتها لان ما حاشني شي منها غيري حاشهم 3 و4 و5 يقولون انها على عدد المشاركات بالبلاك بورد

موقع مليغ كتبي فيه مواضيع عن المالية العامة !!

ما ياخذ غياب واذا خذا ما يحاسب عليه

***

قاعة بحث :

الكورس الاول تشرح لكم معيده .. والكورس الثاني دكتور
انا كانت المعيده اسمها انوار .. تعامل واسلوب راقي تحاول تسهل عليج بالواجبات والميدتيرم

دراستها على البوربوينت والوورد مادة حيل سهله
الكورس الثاني كان د.يوسف الصليلي طلب بحث وسلمناها وانتهت المادة




عاد الحين اعذروني بروح اعرض خدماتي على امي :eh_s(7): ولي عودة

عيدكم مبااااارك ....... يا احلا قرووووووووووب

سنيار البحر ماشالله ترى جدولج حلوو ولا تحاتين احسن من غيرج

قاعة بحث : حسين شروق
تاريخ القانون : خالد الهندياني
اصول قانون : مرضي العنزي
مبادئ اقتصاد : عبدالمنعم
قانون دستوري : فواز الجدعي
مدخل شريعه : ابراهيم البديوي

بالنسبة لقاعة بحث د.حسين :
بصراحه ما اعرف نظامه بقاعة بحث بس المادة سهله و اغلبية الدكاترة متساهلين فيها و دكتور حسين زين و يشرح بضمير و حقاني

تاريخ قانون:
د.خالد اينننننن تعاامل و رقي و متساااهل الغياب ما ياخذ عليه بعض المرات تحضر المعيدة تاخذه و يامااا خذينا اووف و عطانا بونص يمكن 5 درجات اغلبية الشعبة خذت درجة كاملة و شوي دقيق بالتصليح
بس بالفاينل كليناها !!!! المادة تافهه و سهله بس مشكلتها ان الكمية اللي كان مختارها بالامتحان وااايد تتشابه مواضيعها و نوعا ما نفس الحجي يتكرر بسس في فرق بسيط و الكتاب عايم على بعضه
فسببلنا ربكة بالامتحان مع ان كان سهل و ما يابلنا شي من بره للأمانة انا متفوقة و هذي أنزل مادة لأني هببت بالامتحان لووول يعني شدي حيلج بالفاينل و حاولي انتي تسويلج نوت تقسمين فيه الكمية و الاسئلة و الاجوبة و النقااط


اصول قانون :
د.مرضي خوش دكتور و محترم و حقاني يعطيج حقج و زيادة... يحاسب عالغياب بس ما احسه اللي متشدد فيه و يحاسب بالمللي لاا متساهل
امتحانه الأول كان صدمممممممه و مقلب لطلبته خخخخ كان صعـــــــب و مو بمستوى طلبة سنة اولى بأول مدتيرم لهم...بس بعدين خيرنا بالامتحان التعويضي أو ان نرفع درجاتنا بالامتحان الثاني
و فعلا الامتحان الثاني كان سهل و دبل الدرجة و لغى درجة الامتحان الأول و مع هذااا بعد سوى امتحان تعويضي للي ما ياب درجة بس جنه كان قايل بحطه صعب انا على ما اعتقد شفته مره بس ما اذكره بالضبط بس ما كان ذاك الصعوبة كان يايب قضية صجية مالت كاتب وقتها نسيت شسمه
بصراحه ما كنت افهم لأني متنحه اكون الصبح و ما اقعد ورا لوول نصيحتي لج حاولي تكونين جدام تثبتين اكثر مع الدكتور و ما تسرحين
و زادني عن نفسي نهاية السنة درجة غير الدرجة اللي دبلها باختصار الشعبة كلها تقريبا درجتها زينه

مبادئ :
د.عبدالمنعم طييب و محترم و يشرح بضمييير بس المادة مليقة و اهوا ماشالله ما يخلي ولا حرف فاييلج النوم بالمحاضرة لأن المادة ما تشجع ان الواحد يندمج فيها
و يحاسب عالغياب بالمللي اهم شي عنده الحضور بس ممكن يلغيلج اياه بتقرير عن كل غياب يعني شي بسيط
و ما يعطي بونص بس امتحاناته سهلللللللله و من الكتاب شوي يدقق بالتصليح

دستوري:
بصراحه ما كان يدرسنا د.فواز بس يمدحونه و على ما اعتقد تخصصه دستوري...كتاباته بتويتر جدا راقيه و مبين ان طيب و اذكر العام كان يتواصل مع طلبته بتويتر و ما قصرر معاهم

شريعه:
د.ابراهيم ما درسني بس كان الدكتور الثاني اللي يدرس مع دكتورتنا...رفيجتي كانت ماخذه عنده جنه كان يسمح بعدد غيابات معين
عالعموم دكاترة الشريعة أغلبيتهم زينين و تطلعين المادة بـa المادة سهله و خفيفه و اسئلتها كلها موضوعية بالفاينل



ترى جدولج حلوو ما فيه شي و بالتوفيق انشالله



لوير

و انتي بخير وصحة و سلاامة

مادري شسالفة البنت اللي تتكلمين عنها بس ما اعتقد ضرينا أحد بموضوعنا و لا حتى غلطنا على احد :\ !!!

و الله يسامح الجميع

محتاسـ@

يعني تنصحيني اخذ عند د.فيصل و الا الحمود و الا د.فاطمة ؟! :\

احس العموم يقول ان ماكو دكتور متمكن بس د.فيصل احسنهم و بنفس الوقت احسه شديد احتررت

من وجهة نظرج عند منو احسن شي ؟؟


لوير

بصراحه جامعتنا العجيبة مادري متى بتنزل شعب الفرنسي اذا دريتي قوليلي

سلام عليكم بنات
أنا توني مستجدة بحقوق أو بقيت أستفسر عن طريقة الدراسة ؟؟
يعني أدري أنه يختلف وايد عن الثانوية بس شلون ؟

عيـــدكم مبــارك يــااحــلى محــمياتً
معــاكم مستجــدة
ومبــروك ع التجــمع الـٓثالث

محاميات ًً
سوري ع البدلية ًًًًً ً 

nosa

الف مبرووك القبول اختي

وبالنسبه للدراسه تختلف من طالبه لي طالبه بس انصحج راجعي كل محاضره بمحاضرتها

وبهالطريقه تتفوقين اكيد .. يعني تردين البيت تقرين محاضراتج وتراجعين وتحفظين وتفهمين واذا شي موفاهمته ترجعين للدكتور

وانتي باول شهر راح تعرفين شنو الطريقه الي تمشي ويا نظام حيـاتج

موفقه :**


مريومه

الف مبرووك القبوول وايامج سـ ع ــيده يالغـلا

حياج الله بتنورين الكليه والتجمع ..،،

موفقه :**

مبرووووووووووووووك حقوقيات عالتجمع الثالث :eh_s(17)::eh_s(17)::eh_s(17):


:eh_s(17): زييييين تسوووون :rerrerek::rerrerek:الانه التجمع الثاني ما شاء الله انترس

وان شاء الله نفيد ونستفييييييييييييييييييييييييييد :eh_s(7)::eh_s(7):

العفو حبيبتي

نظم = اجتماعيات

اتحجى عن انظمة الدول سواء فيدراليه او كونفدراليه ، ملكيه والا وراثيه ... فيها من دستوري شوي

بس حلوه للامانه اذكر كنا مستمتعين بالماده

( كتاب د.محمد عبداللطيف )

والعتيبي للامانه مادرسني بس يمدحونه

أنقر للتوسيع...

مشكوووره لوير

بس عنددي سؤال المادة نفسها ثقيله و الا خفيفه ؟ دسمة او لا ؟
و الغالب عليها الحفظ و الا الفهم ؟
لها اكثر من كتاب ؟ و كتابها دسم و الا خفيف ؟

لان مابي اتوهق و محتاره بين نظم و بترول

ماعندكم خلفيه عن اسامي دكاترة فرنسي 2 للكورس الاول ؟​

أنقر للتوسيع...

اللي منزلين فرنسي 2 هدى الصباغه و ابتهاج الزعابي

بس للحين الجدول مو ثابت

السلام عليكــم ..

مبــرووووووووووك على التجمع الـ3 ,

وانــا صارلــي 3 أيام أدخــل التجمـع الـ2 وما أشوـوف ردود استغــربت

ومالاحظت عدم وجود box الرد << حلوه عدم

اي نسيــت عيــدكم مبـــارك :eh_s(7):

اصيلة

انصحج بمادة بترول اختياري كان اسهل امتحان بالفاينل العام
والقريدات بمادة بترول كانت ممتازة
والدكاترة ماقصروا بالدرجات ( الحمود + زغلول )

أنقر للتوسيع...

مشكورة و يعطيج العافيه
بس للاسف د.زغلول و الحمود مو منزلينها للحين بس د.عبدالمنعم

الماده حفظ وفيها وايد نقاط للامانه
شلون تميزين بين الانظمه واوجه تشابه واختلاف

اذكر اللي كانوا ماخذين بترول كانوا مرتاحين
وكتاب الماده 1 بس ، انا احب الماده وداود الباز كان يونس بالمحاضره فقط بس بالدرجات لاتعليق لوول
الله يذكره بالخير يحليله

أنقر للتوسيع...

لووول الله يستر
الله يوفقج لوير ما قصرتي

الله يسمع منج وتكون ابتهاج موجوده

وانشالله عبدالرضا وهيثم ينزلون بعد

أنقر للتوسيع...

على ما اظن د. عبدالرضا منزل فرنسي 1 و د.هيثم مو منزل للبنات