 | |
|  |
|  |  |
|
| |||||||||||||||||
|
| |
 |
| |
| |
| |
| فعاليات منتديات كويتيات النسائية | |||||||
|
|
| |||||||||||||
| ركن العروس ركن مختص بكل مايهم العروس وتجهيزها |
| تابعينا على كويتيات | ||
| تابعينا أول بأول على تويتر وانستقرام كويتيات | ||
|
|
| ||||||||||||
 | Tweet |
| | أدوات الموضوع | إبحث في الموضوع | انواع عرض الموضوع |
28-02-2011, 10:20:50 PM
| رقم المشاركة : [1] | ||||||||||||
|
بسم الله الرحمن الرحيم السلام عليكم ورحمة الله وبركاته شخباركم يا احلى عرايس نزولا عند طلب الجمهور << اخص ياراشد الماجد حبيت انزل هالموضوع كثير بنات يجهلون اصول التجهيز والبعض عندهم افكار مغلوطة بهالشي طبعا لولا اختلاف الاذواق لبارت السلع بس في الوقت الراهن مانقدر نقول (هالشي يخص هالناس وهالشي يخص هالبيئة) يعني الاذواق اصبحت تقريبا متشابهة وانا متأكدة الموضوع ماراح يعجب الكل ندخل في الموضوع الموضوع عبارة عن سامبل تجهيز يعني نموذج تجهيز عرووس وهالنموذج جا بعد خبرات عديدة في التجهيز يعني انا مر علي تجهيز 4 عرايس الله يحفظهم ويوفقهم وكل تجهيز طلعنا منه بسلبيات وخبرة صلحناها للتجهيز اللي بعده واحلى تجهيز كان تجهيز آخر وحده ادعوا لها بالتوفيق والذرية الصالحة طبعا البعض بيقول هالشي مايناسبنا لان اغلب التجهيز نااعم وذررب ونظام اجنبي فاكيد البعض بيقول حنا عرب ومايناسبنا هالشي احب اوضح اننا مو اجانب ولا من كوكب ثاني وجماعتنا واللي حولنا اغلبهم نظام الخبة والشوارفيسكي والسمكة وكيلوين طحين على الوجه بس والله ومن غير مبالغة ان بعد كل مناسبة لنا كل اللي كانوا هالشكل تغيروا وصار ذوقهم ناعم حتى اللي كانوا ينتقدونا وقت التجهيز بعد العرس الكل يدق ويسأل عن كل شي يعني باختصار الشي الحلو هو الغالب والحكمة مو بالمبالغة الحكمة بالجماال نبدا ببعض المفاهيم المغلوطة: اولا احب اوضح لكل عروس ومن خلال تجارب مثل ماقلت لكم اهلك موجودين والسوق موجوود ماله داااااعي تلمين السوق كله على اساس انك عرووس صدقوووني اغلب لبسكم ماراح تلبسونه وبتشفقون ع اللبس عقب اذا شفتوه في السوق ووقتها الكل بيطقك على راسك ويقولون لك اول حللي اللبس اللي في خزانتك وبعدين اشتري <<< طقيت رووس بنات كثير وحزتها بيكون لبسك موضة قديييييمة وهالشي ينطبق ع المكياج والعطور والقمصان والصنادل والشنط اعتبري الزواج سفرة لمدة اسبوعين او 3 وقبل ماتسافرين بتجهزين للسفر يعني مو تعتبرينه هجرة للقطب الجنوبي او كوكب فضائي مافيه سوق ثانيا واللي فعلا يدبل كبدي اللي من تتملك ( يملج عليها )<<<لاتتفلسفين يمكن غلط وقبل حتى تحديد العرس تبدا تجهز وتدخل جمعيات وتلم او مثل مايقولون تبدا تلققط حسيت انها بهالحركة مثل العرايس ببعض الدول العربية اللي تبدا تلم جهازها قبل حتى ماتنخطب او تعرف زوج المستقبل لهالحركة سلبيات كثيرة منها ان مع الوقت تنسين انك شريتي هالشغلة وترجعين تشترين زيها هذا غير انها صرف للفلووس على غير سنع وتخطيط وطبعا موضتها ترووح وتتلف وتاخذ مكان فاحسن وقت للتجهيز هو قبل العرس ب شهرين فقط لاغير قبل الشهرين لاتفكرين تبدين تتشرين او حتى تمسكين فلوووسك طبعا فكرة الموضوع 6000 دينار شلون بنقسمها وشلون بنصرف هالمبلغ الكبير <<<< هذاك اول قبل المنحة الحين مايسوا شي موضوعي هذا نستثني منه برامج العناية اليومية والليزر وجلسات البشرة والشعر والدايت وغيره ارجع واقول لكم هذي مو نصايح ومو الكل مجبور يطبقها بس هذي عبارة عن تجهيز وحدة اولا بما ان الزمن تغير واغلب البنات موظفات او طالبات بس يعني ضامنه باذن الله مستقبلها ومصروفها يعني زمن (الذهب ذخر لك وللزمن) ولىّ واندثر لان الذهب غالي بدل مايكون ذخر بيصير يقصب الظهر ويخرب الميزانية هذا غير انه ماعاد ينلبس بس هذا مو معناه ان الفلوس كلها تروح بخلاقين <<< ياكثر ما اسمعها فتابعوني في هالموضوع اللي اتمنى يفيد البنات ومو شرط تطبقونه بحذافيره يعني تقدرون تزيدون وتنقصون تشيلون من هذا وتحطون على هذا | ||||||||||||
|  | ||||||||||||
  |
|
28-02-2011, 10:24:09 PM
| رقم المشاركة : [2] | |||||||||||
|
بسم الله الرحمن الرحيم نبدا بتقسيم الفلوس ال 6 الاف دينار بما اننا ماراح نشتري ذهب ف راح ناخذ 50% من المهر يعني 3000 ونحطها وديعة ل اللي مايعرفون بالودائع في نظام ودائع في بيت التمويل الكويتي تبدا ب الف دينار اسمها وديعة السدرة الوديعة هذي تنحفظ لك بالبنك مع ارباح سنوية غير ثابتة وللعلم في بنوك ثانية اسلامية عندها ودائع بس بما اني ملمة بهالنوع من الودائع ذكرتها يعني انتوا وراحتكم في اختيار البنك والوديعة بس اهم شي يكون في بنك اسلامي والحين يصير المبلغ اللي معانا 3000 دينار ومثل ماقلت لكم هذي عينة يعني تقدرون تغيرون فيها حسب احتياجاتكم واحب بعد اقول لكم ان المبلغ اللي راح اذكره عند كل شغلة قابلة للتغيير واذا زاد منها شي نقدر نحطه على شي ثاني نجي لاسلم طريقة للتجهيز التجهيز راح يكون على اياام يعني كل شغلة لها يوم او يومين وضروووووري تحطون في بالكم ان اذا انتي رايحة لشغلة معينة وحصلتي بطريقك شغلة ثاانية لا تاااخذينها ابدااا كل شي خليه بيومه المخصص له عشان ماتختل عندك الميزانية يعني كل يوم وانتي رايحة السوق اسحبي المبلغ اللي حاطتها في الميزانية للشغلة اللي رايحة تشترينها يعني لاتاخذين فلوس زيادة عن اللي انتي مقررتها او طريقة الاظرف اذا عندك مكان آمن في البيت انا افضلها اكثر يعني جيبي اظرف ووزعي فيها الفلوس وكل ظرف اكتبي عليه الشغلة اللي بتشترينها يعني ظرف للمكياج وظرف للعطور وظرف للبدل وهكذا.... نبدا بالتقسيمة ودييييييعة بنكية 3000 بدل 200 جلابيات او دراريع 150 شنط 100 احذية 100 عدسات 20 قمصان-اندرويرز 200 شنط سفر 40 عطور 170 مكياج200 بخور وتبعاته 50 اغراض جمعية 20 متفرقات 10 ايكيا 15 اكسسوارات شعر 10 اكسسوارات فضة وساعات 300 شنطة اكسسوارات 25 برنامج عروس 100 مكياج وتسريحة ليلة الزفاف 100 مصورة 350 زفة 000 مسكة 50 فستان ابيض-فستان ثاني يوم 650 عباية وشيلة 30 كهربائيات 110 والان كل شي بالتفصيل | |||||||||||
|
| | |||||||||||
|
28-02-2011, 10:28:03 PM
| رقم المشاركة : [3] | |||||||||||
|
اليوم الاول انصح ان فستان الزفاف يكون باول يوم ميزانيتنا 650 لفستان الزفاف وثاني يوم يمكن تنصدمون لو اقول لكم ان عروسنا فستانها ماكلف 100 مع الطرحة انصح الفستان يكون تفصال بس مو تفصال عند النصابين اللي ينقال عنهم مصممين وهم من جنبها لا متيريال سنع ولا حتي فنيشنغ مضبوط حراااااااام المبالغ اللي تنقط على فستان وياليت يكون حلو اغلب الفساتين اللي اسمع انها بالالف والالفين تجيييب اللوعة يعني لو تسوا اقول اوكي شي حلو يعني وش الفرق بفستان العروس مطرز بالذهب يعني انا اشوف ان حد الفستان 800 دينار بالكثير وتعجبني فساتين الاسطورة وبعض محلات ليلى غاليري بس بما ان عروستنا الحلوة كان عاجبها فستان anne hathaway في فلم البرايد وور  ولفينا كل المحلات وماحصلنا نفس الديزان فقررت انها تفصله مع الطرحة وفعلا ما كلف التفصال مع الخاام والطرحة ال100 الخياط خذا 50 والخام يمكن 20 والطرحة نفس الشي ماكلفت واجد وكااان قممممممة وبالنسبة لثاني يوم انا انصح بفساتين كارين ملن لانها رخيصة وقصاتهم حلوة وتحلي الجسم او ايشتي ايزون aishti وهالمحل رووووعة وبتلاقون فساتين ب حدود ال200 او ال300 تحصلونه بالفيز تو بالافنيوز عروسنا خذت فستان حلو من عندهم ب 362 من christiano burani وزفتها حملنا من الفورشيرد هب السعد فطومة ونزلناها على سي دي ووقت الزفة شغلها لنا دي جي اهل المعرس يعني الزفة ماكلفتنا اي شي والمسكة ناااعمة بس غريبة شوي سويناها عند اوراد اللي عند دوار البدع سعرها 30 بس انا اللي جايبة الريبون لان ماحصلت عنده اللون اللي ابيه والريبون كان نفس اللون اللي في الصورة  وعلى فكره هالمحل كل عرايسنا ياخذون مسكاتهم منه اقل مسكة كلفتنا 15 واغلى مسكة كلفتنا 50 بس يهبببل وورده عجيب انصح فيه ريحته تهبل وشكله احلى ومضبوطين بمواعيدهم اليوم كفااية علينا الفرفرة على الخياطين بكره نبدا بيوم جديد وتجهيز جديد<<< صدقت نفسها تبون ايش لبكره؟؟ تبون القمصان ولا المكياج ولا العطور طبعا بكره مو بكره بكره يمكن بعد شوي يصير بكره * * * * انتظرووني | |||||||||||
|
| | |||||||||||
|
28-02-2011, 10:38:39 PM
| رقم المشاركة : [4] | |||||||||||
|
أغراض الجمعية واحسن لكم تخلصونها بدري وتفتكون لانكم مستصغرينها بس والله هم كبير قلنا ان اغراض الجمعية 20 دينار موزعة كالتالي كير فري+فوط صحية 3دينار شامبو 2دينار بديل الزيت بانتين 2دينار سبراي شعر 2دينار فوم للشعر 2دينار اسيتون دينار فرشاة ومعجون 2دينار مناديل مزيل مكياج 2دينار ديودرينت ريكسونا اقل من دينار بلسم شعر 2دينار وتحصلون ماسك للشعر في بوتس ب 950 فلس روووعة خصوصا اللي بالحنة | |||||||||||
|
| | |||||||||||
|
28-02-2011, 10:49:34 PM
| رقم المشاركة : [5] | |||||||||||
|
اليوم راح نروح ايكيا طبعا ايكيا راح ناخذ منها منظمات الادراج للمكياج وراح ناخذ بعد منظمات للحمام لمجموعات عطور الجسم وللفوط الصغيرة وراح ناخذ من عندهم شموع معطرة بناخذ معانا 15 دينار فقط لاغير بناخذ من الشموع هالنوعية المعطرة ريحتها حلوة وسعر الحبة اذا ماخانتني ذاكرتي 750 فلس وتدوووم لاياااام واياااام راح ناخذ اربع شموع يعني المجموع 3 دنانير بناخذ * ريحة فانيلا و2 فراولة   وبناخذ منظم الادراج اتوقع سعره اقل من 4 وفي منه لونين عاد انتوا اختاروا اللون المناسب وهو 6 قطع   ومنظم للحمام وسعره 3.900  | |||||||||||
|
| | |||||||||||
|
28-02-2011, 10:59:27 PM
| رقم المشاركة : [6] | |||||||||||
|
اليوم يوم جديد ومشوار جديد شرايكم نروح ابو 100 وبطريقنا نمر سنتربوينت سنتر بوينت قلنا بناخذ من عندهم صندوق مجوهرات او اكسسوارات << طل مجوهرات وحددنا له سعر 25 ومن ابو 100 راح ناخذ التالي طبعا حددنا لهالمهمة 10 دنانير بناخذ معاليق للملابس ب 5 دنانير يعني 50 معلاق لان المعلاق الواحد ب 100 فلس وحلوة معاليق محل ابو100 اللي مقابل اجيال جنب قصر الامارات ونوعوا مابين خشب وبلاستك ومخمل وساتان بس نصيحة المخمل والساتان مو عملي العملي الخشب وفي بعد الخشب اللي فيها كلبسات من تحت للبناطيل والتنانير انتوا عاد شكلوا ونوعوا على حسب احتياجاتكم وال 5 دنانير الثانية راح ناخذ التالي وان شاء الله ما اكون نسيت شي لان التجهيز كان من زماان ( قطن- اعواد اذاني- شموع للفواحة- 3 فواحات- فرش اسفنج للاي شدو-ولاعة للشموع - مقص- ماشات شعر- مشط- عدة ابر وامكار- .......الخ وانتوا عاد شوفوا بعد شناقصكم واخذووه) | |||||||||||
|
| | |||||||||||
|
28-02-2011, 11:10:01 PM
| رقم المشاركة : [7] | |||||||||||
|
يوم جديد ومشوار جديد اليوم راح نروح البلوكات عند الخياطين فووق اكيد عرفتوا ليش رايحيييييين لل دراريع وميزانيتنا 150 دينار طبعا تختلف العادات والتقاليد من قبيلة للثانية ومن مجتمع للثاني حنا طبعنا بيئتنا نساائية بحتة يعني ناااخذ راحتنا باللبس لاقصى درجة فالدراريع عندنا نوت ا بيغ ديل يعني مو بذيك الاهمية فتوزيعتنا راح تكون 80 دينار ل 4 دراريع فيها شغل و70 دينار ل 6 دراريع عادية للبيت اللي تكون خفيفة وناااعمة حيل يعني للظهاري على قولتهم اللي تكون بحدود ال 6 دنانير او اقل اللي غالبا تكون جاهزة عاد على راحتكم زيدوا نقصوا كنسلوااا كييفكم | |||||||||||
|
| | |||||||||||
|
28-02-2011, 11:16:35 PM
| رقم المشاركة : [9] | |||||||||||
|
عددنا اليوم يومنا خفيف وحلو راح نروح الافنييوز بنمر اتش اند ام وبنطل على كليرز واكسيزوريز المصيبة ان معانا بس 10 دنانير بس عادي مو مشكلة اليوم بنروح ناخذ باندات للشعر على كم ربطة وكلبس وبعدها نروح كوفي شوب <<< براا الميزانية | |||||||||||
|
| | |||||||||||
|
28-02-2011, 11:21:49 PM
| رقم المشاركة : [10] | |||||||||||
|
يوم الشنط الميزاينة 100 دينار عروسنا الحلوة ماتحب شنط الماركة لان تقليدها بكل مكان وماتحب تشتري تقليد فراحت لريفرايلاند وحصلت شنطة حلوة ب27 وراحت زارا ولقت شنطة عجيبة ب 32 ومن زارا بعد حصلت شنطة ب 25 وخذت بوك من ريفرايلاند ب 15 وبكذا خلصت واكتفت من الشنط نرجع ونقول والله ماراح تهااجروون اساسا طلعت معانا بعد عرسها باسبوع واعجبتها شنطة وكانت بتشتريها بس طقيتها على رااسها قلت اول البسي اللي عندك اول <<< قايلة لكم بتنطقوون على رووسكم | |||||||||||
|
| | |||||||||||
|
28-02-2011, 11:59:53 PM
| رقم المشاركة : [12] | |||||||||||
|
اليوم يوم الكهربائيات الميزانية 110 طبعا مستغربين من الاسم اقصد الاستشوار وغيره كواية بخار 20 دينار وتحصلونها باقل في محل كهربائيات مقابل اجيال لان الغانم ماعنده الا انواع محدودة وسعر اقل وحدة 32 استشوار ب اقل من 10 طبعا من عرفت نفسي ماخليت نوع ماجربته والف وادور وفي النهاية ارجع له حبيب الكل panasonic salon  وانا اخذ اللي بمشط واحد باقي الامشطة ما استخدمها ابد وطبعا حبيب الكل الثاني الستريتر اللي من برااون الغني عن التعريف  وسعره اظن ب 26 وشي خذيناه من المنشر من محل اجهزة كهربائية يبيع كل منتجات براون اتوقع اسمه المتحدة وخذينا بعد من يوريكا فير لبراون حلو للشعر ويناسب العرااايس وسعره نفس سعر الستريتر  واخر جهاز كهربائي مكينة براون لنتف الشعر والحلاقة طبعا انواعها كثير واسعارها متفاوتة وللامانة نسيت كم بالضبط خذيناها بس اقل من 20 من الغانم وماحصلت صورة للمنتج نفسه لونها ابيض باخضر | |||||||||||
|
| | |||||||||||
|
01-03-2011, 12:05:40 AM
| رقم المشاركة : [13] | ||||||||||||
|
اقتباس:
شفتي كيف عاد طلعت معانا كذا قلت لك الفستان انتي شفتي موديله شلون يعني لو انتي الحين تاخذينه وتودينه لخياط بيقول لك هذا بيكلف بالكثييير اذا هو نصاب 70 والقماش معروف التفتة الفاي متره ب دينارين الا ربع وانا قلت هالشي مايناسب الكل ومو الكل يحب الناعم وحددت ميزانية له ولفستان ثاني يوم 650 يعني اذا ود العروس تغير الموديل يعني الفكرة انك تفصلين عند خياط عادي مو مصمم نصاب يقول لي القصة ب 600 دينار وخياط فلبيني شاطر يسويها لي ب50 والعدسات حبيبتي كم عدسة بتاخذين؟؟ بالكثير * او 3 يعني ب 20 هذا اذا مو اقل والشنط وضحت نظريتي ونظرية اختي فيها وذكرت اسعار المحلات اللي خذينا منها وعلى فكرة اختي لساتها عروس يعني مو من زماان الكلام ومو من 20 سسنة وارجع اقول لك لولا اختلاف الاذوااق لباارت السلع شرفني مرورك | ||||||||||||
|
| | ||||||||||||
|
01-03-2011, 12:21:10 AM
| رقم المشاركة : [14] | |||||||||||
|
اليوم يوم الحجوزات طبعا عندي كلام مطووول عن هاليوم بنروح نحجز المكياج والتسريحة والمصورة المصورة بناخذ مجلة صغييرة معاها البوم عادي للعائلة من معرفي سعره 350 دينار ادفعي عربون 100 والباقي عقب العرس طبعا معرفي مجربينه اكثر من مرة ووحدة من خواتي كانت ماخذة الالبوم الكبير اللي ب 600 بس حساافة صح حلو بس ححيل كبير وثقيل ودايم تتعيجز تشيله معاها فقررنا نغير وخذينا هالمرة الالبوم الصغير اللي ب 350 وثاني شغلة المكياج والتسريحة اول وحدة من خواتي حجزنا لها عند ميرفت مكياج عروس مع تسريحة وقالوا لنا ب 200 وانصدمنا بيوم العرس بعد ماحطت المكياج وسوت التسريحة وحطوا لها كريم الجسم ان مثلها مثل اي وحدة حاطة مكياج عادي يعني باختصار مافي فرق الفرق بس بالسعر يعني لا عناية خاصة للعروس ولا هم يحزنون واشوف بنات كثيير هناك ماعرف انها عروس الا لما تلبس الفستان هي وخواتها نفس الشي نفس المكياج نفس مستوى التسريحة وصراحة تحسفت على المبلغ اللي قطيناه فقررنا في عروسنا الثانية ان ماتحط مكياج عرووس ولان هي طبعها بعد تحب الناعم فحجزنا مكياج عادي ب 35 عند ميرفت وتسريحة ماكلفت حتى 50 طبعا ماقلنا انها عرووس فانصدموا عقب لما لبست فستانها وطرحتها كانت سهل تتركب فما احتجنا لهم .gif "Eh S(9)") وبرنامج العروس سوت في فيولا حف وتشقير وحمام مغربي وغيره وغيره وكلفنا اقل من 100 ماهان تبارك | |||||||||||
|
| | |||||||||||
|
01-03-2011, 01:11:11 AM
| رقم المشاركة : [15] | |||||||||||
|
اليوم يوم البدل واغلبها كانت من الافنيوز والميزانية 200 وماخذت بدل واجد اللي اذكره من البدل بدلة تنورة بنسل مع قميص من كوست وقت التنزيلات وفستان من مانجو ماكسي ب15 وفستان من اتش اند ام بعد ماكسي اتوقع كان ب 14 وبناطيل من زارا وتوب شوب وريفرآيلند وكم شورت من نيو لوك وماكس وفستان ماكسي من سترادي و من مس سيلفريدج جاكيت مشكوك حيل فخم لبسته مع فساتينها وفستان من اويسيس وكم فستان بعد من دبنهامز وقتها كانت تنزيلات وبديات بالوان اساسية من ماكس وتنانير قصيرة للشقة بس اغلب لبسها كان فساتين وخذت كم حزام للبدل | |||||||||||
|
| | |||||||||||
|
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
| |
| تابعينا على كويتيات | ||
| تابعينا أول بأول على تويتر وانستقرام كويتيات | ||
|
| ترتيب كويتيات عالمياً |
|
|
|
موضوع منتديات 
.gif "Eh S(17)")
العرض العادي
