Asrarie

مساكم الله بالخير يا حلويين

طبعا مثل ما عودتكم بقناعتي ان الشي مو بسعره كثر ما اهوو بفايدته , وكلما جرربت شي احب افيدكم وتدعوون لي ..

اول شي بقولكم سالفه شعري ونووعه بعدين بقولكم الشغلات اللي استخدمتها هالاسبووع ولاحظت التغيير بهالاسبوع خصوصا ,, وهم بقولكم سالفتي مع نواه التمر المحرووقه ..

انا ايام الابتدائي والمتوسط كان شعرري كثييف لدرجه الشباصه السير بس لفتين ماتكمل الثالثه >> ايام زماان وخدامتنا كانت تسويلي شعري وكله تقوولي ( انتي شعر واايد انتي شعر واايد ) وقام يطيييح حييل وبعد الحين مع الانيميا وفقر الدم قام يطيح بزيااده

المهم بما ان كلنا نعرف فوايد التمر المحرووقه وبما اني استخدمها لخلطه الرموش قلت خل اجرب وماني خسرانه شي اذا مانفعت ماتضر ..

قمت اي زيت عندي احط داخله قفشه وسط من نواه التمر المحرووقه ومع الحنه همن احط ,, والله يابناااات انه شعري بعد ماكانت تتسكر البالوعه وانتو بكرامه من كثر مايطيح صار بالسباحه مايطييح ولما امشطه يطيح بس شي بسيط , طبعا هالنتيجه مو بس من النواه اكيد مع الزيوت والحنه بس انا من قبل احط وهمن يطيح فاستنتجت >> ترى متعوب عليها لوووول انه من النواه المحروقه



خلصنا من قصه النواه المحروقه

الحين قصه هالاسبوع

الله يسلمكم انا كل مره بعد ما اغسل شعري ما امشطه عشان مايطيح لان الشعر واهوو مبلل بسرعه يطيح , فاخليه ينشف برووحه فيصير شوي كشه ومن باجر يرد طبيعي >> انا شعري حمدالله ناعم بس فيه رده شوي ..

هالاسبوع قريتوا موضوعي عن مشتريات سرداب الشايع

شريت زيت الحشيش الافغاني واستخدمته بس ما حطيت فيه نواه التمر وهاذي صورته :



شريت شامبو مجك وغسلت فيه بس هاا ما غسلته عدل بس مره وحده وخليت اثر للزيت بشعري وهاذي الصوره وانا استخدمت الاخضر


وبما اني شعري اغسله يوم ترك , من باجر ما غسلت شعري اللي عقبه حطيت زيت لووز صاافي اول مره استخدمه فيه ريحه شوي بس من اول مره استخدمته النتيجه عجبتني لمعه وشعري كل مره بعد السباحه يكش مثل ما قلت لكم هالمره ماكش بالعكس صار طايح . هاذي صوره الزيت ..





واخر شي حبيت اقووله اني استخدم كذا شي فما ادري شنو بالضبط اللي عطاني نتيجه ,, اتمنى تجربوون وترى ماتكلف شي مافيه ببيت مافيه تمر والتمر كله بركه ودايم لما تحطين اي شي وتبين نتيجه , تيقني ان النتيجه من رب العالمين مو من هالاشياء لان هاذي كلها مجرد اسباب

اي سؤال انا حاضره وابي منكم الدعاء واان رببي يحقق لي اللي ببالي

ام عفاف الكويت

ماشاء الله تبارك الرحمن
الله يتمم عليج ياقلبي
يعني النواه شلون طريقته ؟
احمسه او احطه بالفرن ؟

آمول~

مآشآ الله
معرفوفه نوآه التمره جدآ رآئعه .~

اختي نحيسه

مآشآءلله تبـآرك الرحمن لا إله إلآ الله



الزيت الافغآني انا جربته فعلا كان ممتاز من ناحية التكثيف بس مادري ليش قطعته
ما اثبت على زيت معين استعمل النص واطير لـ زيت يديد


وصآجه من ناحية نواة التمر قريت عنها تجارب بس لمى جيت اطحنها كسرت
مطحانة امي خخخخخخخخ بعدها حرمت اطحنه << طاحنته من غير حرق


زيت اللوز شكله حلو بس شنو صنآعته مريوم.؟ وماخذته من سرداب الشآيع .؟

مآشآءلله تبارك الرحمن تتهنين ياارب ولله يبعد عنج العين ويحفظج

ويحقق إللي ببآلج عاجلاً غير أجل قولو أميين بناات

مآقصرتي يالغلا..

طفلة كبيرة

ماشاءالله تبارك الرحمن
ياحبيبتى يامريووووم
الله يوفقج ويتمم لج على خير

kingq8q8

واللي يعافيج ابي طريقةا ستخدام نواة التمر شلون؟؟

لاني امجمعتهم بس ماني عارفه شلون الطريقه

Asrarie

هلا وغلا والله تو ماانوور الموضووع

النواه اول شي تغسليينها عدل

بعدين تحطينها بالفرن وترى تطوول عادي ساعه ومرات انساها اكثر تصير سووووووووووووووووده بعدين طحنيها وبس

كلنا نحب الكويت

رفع

Asrarie

يسلمووو على مرورج ياحلوه

&موناليزا&

مشكورة حبيبتي

( المـلاك )

ماشالله تبارك الرحمن ،
وعليج بالعافيه النتايج .

/

وعسى الله ينولج اللي ببالج يارب

Asrarie

لووووووووووووووووووووووول اكيد بتنكسر شلون بتطحنينها واهيا جذي

والله تصدقين ماقريت صناعته واهو بعيد الحين مالي خلق اقووم بس بحطلج صوره ثانيه اظن سعودي وماخذته من الحواي مو من سرداب الشايع



وتسلمييييييييييييين فديتج عالدعوه الحلوه

عاد بنات قولوا اميين

Asrarie

حبيبتي تسلمين فديتج :*

Asrarie

اول شي تغسلينها عدل وبعدين تحطينها بالفرن ليين تصير سووده تحترق وتطحنينها

واي زيت تستخدمينه حطي قفشه نواه تمر داخله واستخدمي الزيت عادي

لحظة ودااعك

ما شاء الله تبااااااااااااارك الله

الله يهنيك بشعرك