 | |
|  |
|  |  |
|
| |||||||||||||||||
|
| |
 |
| |
| |
| |
| فعاليات منتديات كويتيات النسائية | |||||||
|
|
| |||||||||||||
| العناية بالشعر والبشرة والجسم (ركن مختص بطرق العناية بالشعر .. الصبغات .. التسريحات والعناية بالبشرة والجسم) |
| تابعينا على كويتيات | ||
| تابعينا أول بأول على تويتر وانستقرام كويتيات | ||
|
|
| ||||||||||||
 | Tweet |
| | أدوات الموضوع | إبحث في الموضوع | انواع عرض الموضوع |
18-01-2011, 05:40:52 AM
| رقم المشاركة : [1] | ||||||||||||
|
شلونكم شخباركم عساكم بخير.. ملاحظة<<مو كرزة ضايعه ,,انا اختها ما اطول عليكم ..انا صار لي سنين في المنتدى بس اراقب من وراء الستار مثل ما يقولون..حاولت اسجل بس ما تتفعل عضويتي.. المهم..انا وحده مهووسة بسوالف البشرة والكبت ماشاءالله ..صيدليه مو كبت ..اي كريم يجي في بالكم بتجوفونه موجود .gif "Eh S(3)") ومثل الجميع اعاني من السترج ماركس..بااد ونس بعد مو اي كلام..من البيضاء القديمه قبل لا ادخل مع رحلة السترج ماركس..خلني اقول لكم نصيحة مهمه انا بحكم تخصصي في وزارة الصحة نقدر نسوي تجارب في المختبر ونجيك امور وايد واحد من اهم الاشياء الي لاحظتها في المنتدى كثرة الخلطات !!! وتتراوح النتايج فيها بين الي حصل فايده والي ما حصل ووالي في النص ..انزين الحين ما علينا من فوايد الخلطات..في شي مهم الكل غافل عنه..انا نفسي كنت غافله ..بس يوم سوينه تجربة في المختبر عندنا تفتحت عيوني على هالنقطه المهمه .. اخدنا من صيدليتنا دواءين والدواء الاول والثاني يستخدمون لنفس الغرض ..الدواء الاول كان مدة انتهاءة سنة..الدواء الثاني مدة انتهاءه سنتين !! حلو؟ مزجناهم ويه بعض..صارت مدة الانتهاء شهر!!!!!!؟؟ شرايكم بختصار التجربة وضحت لنا معلومه مهمه انه ادا مزجنا اكثر من ماده كيميائية معلومة تاريخ الانتهاء الناتج يكون ماده مجهولة تاريخ الانتهاء!! انا عن نفسي كنت من محبين الخلطات وجرب لا تجرب في هالجسم ,,لكن من يوم طلعنا هالنتيجة خلاص حرمت.. لما كنت اسوي خلطات في البيت لاحظت بعض العلامات على كريماتي الي توحي انها مو اوكي هههههههه لكني كنت اكابر مثلا بتلاحظون انه بعض الزيوت تطفح لفوق وما تكون المكونات ممزوجة تماما..حتى لو كانت كدلك في بداية الامر الا انها بتنفصل بعد مجرد ساعات..وهدا اكبر دليل على انه الكريم فاااااااشل..وغير ناجح لو سوينه له اختبار ستابيليتي الا هو واحد من اهم االاختبارات الي لازم الكريم يعديها قبل لا يعطى تصريح راح يفشل فيه اكيد او بتجوفون انه اللون يتغير ..وووووو الخ من التغيرات يعني احنا نستخدم كريمات منتهيه على اجسامنا ,وهالشي له اضرار لو على المدى القريب,على المدى البعيد<<الخلاصة ثاني شي الكيراتين..تأكدوو ياا بناات انه الكيراتين الي تستخدمووونه خاالي من الفورمال دهاايد.. احنا سوينا تجربة صدمتنا صرااحه ..الفورمال دهايد ماده كيميائية تنحط في الكيراتين بنسبه لاااااااااا تزيد عن *% للمساعده في تمليس الشعر ,,وهي مادة اثبتت سرطانيتها في حال زادت النسبة!!.. اخدنا عنده انواع من الكيراتين وحللنا نسب المكونات ..تخيلوو !! بعض الانواع والي مكتووب انها خاااليه من الفورمالدهايد كانت تحتوي على 10% !!!!! ايي 10 بالمئة النسبة تعتبر فضيييعه وخطيرة جداا فنصيحة لوجهه الله انتبهوا من هالشي الحنة السوداء ما راح اطرق لها بس احب اقول اولا انه خلاص الان تم تطبيق قرار منع نزولها البحرين,, لان وايد اشكالات صارت عليها وحالات ..اممم اقدر اشبهها بالحروق الجلديه او التقرحات نصيحتي..ابتعدوا عنها ,,ترى كلها كيميائيات ,,خلكم في الطبيعي اي صح تدكرت..ابدااا ابدااا ابدا لا تاخدين علبة كريم كبيرة وتقسمين المحتوى على علب صغاار ..بختصار لا تغيرين علبه الكريم الي تشترينها فيه ..سواء كريم شعر او بشرة,,وما راح ادخل في تفاصيل ليش مفروض ما نسوي هالشغله..بس المهم لاا تسوينها يا اختي لانها مو اوكي,, وهالشي ياما وياما نجوفه في الصالونات بس حاليا نسوي حملات توعيه طبعا لكل هالامور الي دكرتها ,فانتبهو نقطة ثانية مهمة جدا..لا تستخدمين اكثر من كريم على ويهج حتى لو كان لنفس الهدف..مثلا لا تحطين كريمين ترطيب في نفس الوقت<<يعني بتسوين ترطيب مكتثف ههههههه ولا تحطين اي كريمين في نفس الوقت حتى لو ما كانو لنفس الهدف..ادا كان شي ضروري تخلين وقت بينهم وتسمحين للبشرة بامتصاص الاول ..بعدين تحطين الثاني .. لو مزجتي اكثر من كريم على بشرتج ..تعرفين شبصير تخيلي انه البشرة ساحة معركة ودخلتي عليها كريم1 وكريم * ..بقومون يتهاوشون "المواد الكيميائية الي فيهم بتتفاعل"..والبشرة يا عيني عليها مسكينه ولا تدري شلون تتصرف وبتتعب وبتتأثر وايد<<ادري اني استعبط واحط امثله من عندي بس للامانه كلها مبنية على اسس علميه مثبتة..فعلا المواد راح تتفاعل على سطح البشرة ..وسطح البشرة غير معد لتحمل مثل هده التفاعلات اممم ما جاي على بالي شي الحين بعد ,, بس على نصيحة على الطاير..حطو بالكم على طرف او في قاع الحمرة والقلوزات وبتجوفون شكل العلبة المفتوحة ومكتوب يمها رقم مثال 12m يعني 12 شهر وهدا يعني مدة الصلاحية بعد الفتح للي ما يعرفون ..فحطوا بالكم على هالشي الحين نجي للهم العظيم!! الوحش الي دمر اجسامنا..مستر سترج ماارك يوووه من وين ابدأ اصلا..تجاربي مع السترج مارك مالها بدايه هههههههههه بس انشااءالله بكون لها نهاية خطوطي بيضا وقديمه تقريبا ل5-6 سنين لورى جربت عليها اي خلطة ممكنه ..اي خلطه تجي على بالج اتوقعيني استخدمتها ما ظل تقشير ولا ترطيب ولا كريم الا حطيته عليها والمشكله اني فقيرة واستمر بعد ههههههه واتاابع ..مع اني ادري انه علميا الامل في انه يروح 10% بس منها ,,بعيييييد بس من تجاربي اقدر اقول انه البايو اويل bio oil زيت ممتاز لترطيب وتحسين سطح البشرة ..يعني ادا كانت خطوطج خالقه تعرجات على سطح البشرة وفي احساس فيها بالملمس ..تقدرين تستخدمين هالزيت وبتلاحظين تغير..عن نفسي استخدمته مده 3 اشهر او اكثر ,,بس كان في فرق سيرم فيتامين اي من بالمرز..ما منه فايده زبدة الكاكو...ابدا ما انصحكم زبدة الشيا..نفس صديقتها الي فوق..ما منها فايده تقشير... لا لا لا خلطة لسان البحر تبع الصينية,,هههههه خياس +ماااا فييي نتيييجة مسااج..مضيعة وقت بدون اي مبالغه .. اي كريم مكتوب عليه anti stretch marks لااا تضيعون فلوسكم ووقتكم وتاخدونه خلطات من المنتدى..مع التحفظ على اساميها..لم تكن سوى مضيعه لوقتي الثمين<<بلييز يا ام وقت ثمين ,بس والله والله عن جد ماا حصلت فايده من بعض اشهر الخلطاات الموجودة وانا من النوع الي يستمر اكثر من شهر على الشي زيت جنين القمح..مافاادني زيت زيتون..مافادني ليفه بودي شوب مع التقشير..هم ما فاااد اخ يا القهر والله لو اجمع فلوسي الي قطيتها على هالمسخرة جم احصل؟؟  ما علينا..نجي للمهم..الحين بعد ما تعبت من هالخلطات "للعلم جربت خلطات من المنتدى والي البنات ميتين مدح فيها..وما حصلت اي فاااائدة تدكر..ولا حتى 1% " قرأت عن الريو بلش تكنينك..والي هي نفسها الكاربوكسي ثيرابي والي تحب تتعرف على هالتقنية تقرأ عنها وتسوي سيرج في مواقع اجنبية او حتى عربيه وتجوف ..rio blush هالتقنية تساعد على ان ترجع الحياة للانسجة الميته"التشققات" وتساعد على انتاج الكولاجين والاستين  قلت يلااا خلاص ..اوردي وصلت لطريق مسدود مع الخلطات الغبية والكريمات الي ما منها فايده ورحت لدكتورة مشهورة عندنا في البحرين ودخلت اول جلساتي من الريو بلاش سشنس.. بصراحه كانت تألم شوي !..بس الم محتمل خصوصا انه تدخل الابرة في كل سترج مارك..وساعات في كل خط تدخلها مرتين او اكثر!! وييييمه لو تجوفون شكل المنطقه بعد العلاج "جربته على منطقة الصدر"..يخررررررع كله نقط دم محل كل غرزة ابرة وكدمات بنفسجية وحمرا..بس طبعا كله يروح من * -5 ايام ويختفي تمااااماا ,,!! الجلسة كلفتني 70 دينار.. وبحتاج مينمم 4 جلساات ..والفرق بين الجلسة والثانية شهر ...لانه خطوطي بيضاء والي حمرا اعتقد كل اسبوع تاخد جلسة ..اعتقد يعني مو اكيد ..وطبعا بتحتاج عدد اقل من الجلسات على العموم اكيد تبون تعرفون النتايج..؟؟ احب ابشركم الحمدلله في نتااائج ملمووسة ..! وتعتبر ممتازة لاني اخدت العلاج في 1-1 واليوم 17 -1 يعني تقريبا نص شهر وحسيت بهالفرق ..الي ما حسيت فيه بستخداام خلطات لشهوووووووووور ! وطمنتني الدكتورة قالت انه بس التزم وياها واحضر كل شهر مرة على الاقل 4 شهور..بيختفون وفعلا انا قاعده الاحظ انه شوي شوي السترج مارك يصك على نفسه ويضيق  وصفت لي الدكتورة كريم افالون للسترج مارك وقالتها بصريح العبارة ..ما راح يأثر هالكريم شي ترى ,,بس ادا تحبين تحطينه ككريم ترطيب للمنطقة بعد الاستحمام راح يكون خيار جيد..ادا ما حبيتي تاخديه على راحتك..بس انا شريته..الكريم حلو بسرعه تمتصه البشرة وريحته اوك..بس ما يفيد شي غير الترطيب خخخ ادري اني طولت عليكم بس سامحوني والله عندي هدرة واايد حبيت اشارككم فيها ههههههه
التعديل الأخير تم بواسطة كرزة ضايعه ; 18-01-2011 الساعة 05:58:16 PM.
| ||||||||||||
| | |||||||||||||
|  | ||||||||||||
  |
|
18-01-2011, 06:03:01 AM
| رقم المشاركة : [4] | |||||||||||
|
تسلمين على كل ها المعلومات صحيح مو كل الخلطات تجيب فايده بس هم فيه بعض الخلطات تجيب فايده وهذى الكلام يدل على حرصج على البنات و ان شاءالله توصلين اللي تبينه | |||||||||||
| | ||||||||||||
|
| | |||||||||||
|
18-01-2011, 06:04:50 AM
| رقم المشاركة : [5] | |||||||||||
|
أخت نوورة..نصيحة لا تستخدمي اكثر من كريم خصوصا ادا كان لنفس الغرض على نفس المنطقة بنفس الوقت.. خيتوو grass الله يشهد علي مو حاطه الموضوع ضد احد او عشان اخرب على احد !!! بس والله حبيت افيد البنات بالي اعرفه وانتي بعد اختي تقدرين تستفيدين من الموضوع ..وتخبرين زباينج انه ما يخزنون عندهم خلطاتج لمده تزيد عن (....) او تقولين لهم ..يفضل استخدامه قبل (...) وانتي لي بتحددين الوقت حسب خبرتج | |||||||||||
|
| | |||||||||||
|
18-01-2011, 06:06:24 AM
| رقم المشاركة : [6] | |||||||||||
|
شكرا خيتوو سارة عدل كلامج..هدفي من الموضوع بس اني اوصل لي اعرفه وما احتفظ فيه لنفسي بس واي وحده عندها اي معلومه ممكن تفيدنا بهالخصوص وتفتح عيونه على اشياء كنا غافلين عنها يا ريت ما تبخل بعد | |||||||||||
|
| | |||||||||||
|
18-01-2011, 06:17:03 AM
| رقم المشاركة : [7] | ||||||||||||
|
اقتباس:
ولا تحاااتييين ... كل زبايني اوصيهم ماتقعد الخلطه اكثر من 3 شهور وبالعكس استفدت من كلامج بما انج مختصه ... بس هم عندي تحفظ على بعض الاشياء اللي مايابت معاج نتيجه أنها يابت نتيجه مع غيرج انا من خلال تجربتي الشخصيه ... عشان لانقول فلانه تبالغ ولا علانه ماتعرف استعملت الشيا بروحها ال 6 شهوور .... و6 شهور الشيا مخلوطه بالكاكاو والمانجو وجنيين قمح وبايو اويل والنتيجه 99 % راحت الخطوط البيضه اللي عمرها 18 سنه لانه جسم عن جسم يفرق ... ومو عشان ابيعها اقول هالكلام لا والله شاهد علي ... بس لاني فعلا استفدت ارجع اقووول تسلميين يا قلبي وايد استفدت من الكلام اللي حطيتيه من ناحية خلط الكريمات اللي يضعف ويقلل مدة الصلاحيه كلام علمي ومنطقي 100 % | ||||||||||||
|
| | ||||||||||||
|
18-01-2011, 06:43:50 AM
| رقم المشاركة : [9] | |||||||||||
|
اختي grass يمكن من بشرة بشرة يختلف ..ناس استعداد بشرتهم في تجديد نفسها اسرع يكون وناس بطيئ وصعب مثل حال بشرتي ..ومثل ما دكرتي انه التجربة الي عندج اخدت سنه (12) شهر يعني الشغله طولت وانا عن نفسي اداوم لمده 3 شهور ما قط مرة جربت اطول لمده 6 شهور لنفس الشغله خيتوو صاعقة بيوتي لازم ما نبدل العلبة ..لان اولا العلبة الي حاطين فيها الكريم تكون افضل علبه ممكنه لحفظ الكريم حتى تاريخ الانتهاء الي مكتوب عليه ..اقصد من الناحية التركيبية للعلبه ..مثلا اخدي الحليب طويل الاجل ..ناس وايد يفكرون انه يحطون فيه مواد حافظه عشان يقدر يواصل كل هالمده بدون ما يخترب ..صح وله لا؟؟ بس السبب الحقيقي هو شيئين طريقه المعالجه والتعليب..واساسا يكون خالي من المواد الحافظه على حسب ما ادكر ..طريقه علاجه تختلف نعرضه لحرارة عاليه تختلف درجتها عن بستره الحليب العادي ..وعلبته تكون غيير تمااما عن علبه الحليب العادي البلاستيكية او حتى التترا باق العاديه لازم تكون كرتون ومتكون من طبقات وتفصل بين الطبقه والطبقه ماده شمعيه رفيعه وبلا بلا بلا وهدرة ماتهمنا حاليا <<<قلبناها محاضرة في ماده food hygiene ههههههه بس اتمنى وصلتج الفكرة ..في انه العلبة الاساسية هي العلبه الامثل لحفظ المستحضر السبب الثاني ..نمنع نقل الكريمات من علبة لثانية تقليل contamination للمستحضر ..لانه بنقلج للكريم من علبه للثانيه بتساعدين في تلوثه باضعاااف المرات لو كان في علبته ..ويمكن تنمو عليه فطريات وبكتيريا وغيره ..على اعتبار انه الوسط محبب لهامايكرواورقانزمز microorganisms لانه رطب ودافي ومظلم اتمنى اكون جاوبت عن تساؤلج | |||||||||||
|
| | |||||||||||
|
18-01-2011, 07:13:57 AM
| رقم المشاركة : [10] | |||||||||||
|
بالعكس الشيا شالت لي الخطوط بشكل ملحوووظ وشوفي بروفايل اخي انل anl وشوفي بالصور بعد شلون راح السرج مارك وتر يختلف من بشرة لبشرة ومشكووورة موضوع مفييييييييييييييييييييد | |||||||||||
|
| | |||||||||||
|
18-01-2011, 07:51:45 AM
| رقم المشاركة : [12] | |||||||||||
|
بجد موضووعك رااائع واتمنى ان يتم تثبيته عشان كل البنات تقراءه وكل كلامك صح 100% والله عمري ما اقتنعت بخلطات وخرابيييط مع احترامى لكل البنات الى يحطون خلطات ويبيعونها واكتر شي كان يرعبنى لما اقراء واحدة عمله خلطه من مراهم من الصيدليه وطبعا البنات ما بيفكرووا انه يمكن يكون خطر على بالهم انه شى طبي يبقا مش مضر وبالعكسسسسسس الخووف كله من التفاعلات الكميائيه الى بتحصل بين المواد ومعلومتك عن تفاعل الكريمات مع بعضها صح وحتى الادويه الى بتتاخد عن طريق الفم الدكاترة دايما يقولوا ماتخدوش حاجة مع حاجة وحتى الاعشاب والاشياء الطبيعيه زى ما ليها فوايدها ليها اضرارهااا انا الحمد لله بحاول على اد ما اقدر استفسر من دكتور قبل ما استخدم اى شى اوو ما استخدمهووووش بارك الله فيكي وجزاكى كل خير على موضوعك واتمنى تقولى لنا اكتر واكتررر | |||||||||||
|
| | |||||||||||
|
18-01-2011, 08:11:41 AM
| رقم المشاركة : [13] | |||||||||||
|
بالعكس الشيا و الكاكاو وااااااااايد زينين للسترج مارك واغلب البنات فادت معاااااهم وشوفي تجربتي بموضوعي عن لترج مارك وجهاز المساج الحمدلله انا ما اكتب خلطه الا مجربتها على نفسي وموثقتها بالصور | |||||||||||
| | ||||||||||||
|
| | |||||||||||
|
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
| |
| تابعينا على كويتيات | ||
| تابعينا أول بأول على تويتر وانستقرام كويتيات | ||
|
| ترتيب كويتيات عالمياً |
|
|
|
موضوع منتديات 
العرض العادي
