 | |
|  |
|  |  |
|
| |||||||||||||||||
|
| |
 |
| |
| |
| |
| فعاليات منتديات كويتيات النسائية | |||||||
|
|
| |||||||||||||
| الحياة الزوجية لمناقشة الجوانب المتعلقة بين الزوجين من افكار وخبرات ومشاكل وحلول |
| تابعينا على كويتيات | ||
| تابعينا أول بأول على تويتر وانستقرام كويتيات | ||
|
|
| ||||||||||||
 | Tweet |
| | أدوات الموضوع | انواع عرض الموضوع |
17-10-2010, 10:29:32 AM
| رقم المشاركة : [1] | ||||||||||||
|
السلام عليكم ورحمة الله وبركاته بنات انا مليت من المشاكل مع اهله يدخلون بحياتنا امه وابوه وخواته !! في شكلي ولبسي واسلوبي !! باالاختصار ماقمت اقعد معاهم بعيد عن المشاكل صرت رسميه وايد معاهم وكله ساكته ومطنشه سنين ! السنه الثالثه اذا نغزوني او سوولي حركه انفجر و اصرخ واستخف على ريلي المقرود وفوق هذا بنفاسي خدامتي سافرت وعندي بيبين !!! الكبير سنه ونص !!!! خلااااص نفسيتي وايد تعبت صرت ما اقدر اسكت وأطوف مثل قبل ! ما اقدر اصبر ! تغيرت 180 درجه رحت عند استشاره نفسيه وقتلها عني قالت انتي الحين بمرحله انفجار خشيتي في قلبج لما انفجرتي وهذا غلط لازم تفضقضين وريليج لازم يخفف عنج بس ريلي يزيدني .. صرت مجنووووووونه لدرجه اني ابي افتك منهم كرهتهم وكرهت بيتهم حتى عيالي يتني فتره كرهتهم !!!!!!! ضغط ضغط ضغط روتين بحياتي مليت .. زهقت الحين صارلي شهر ونص نفسيتي الحمدالله وايد زينه وصرت اسكت اذا عصب واذا شفت حركه من حماتي او خالتي اطووف بس المشكله اهوا !!! صار عصبي يصرخ ! كله يقولي انتي مايبين بعينج .. شنو اسويلج ماتشكريني ! اذا موعاجبج اخذي اغراضج روحي بيت اهلج ! كرهتيني فيج !! اقوله كل هذا من اهلك هو خربو حياتنا من كنا في قمة السعاده لحد التعاسه ! (( سبحان الله حماتي توها متزوجه ماصارلها شهرين كله مشاكل مع حمولتها ونفسسسس اللي سوته فيني صارت فيها )) شفتو يابنات الدنيا دواره شرايكم بنات ادزله مسج اعتذر له ؟؟؟ شنو اقووله ؟؟ سالفتي كلها ضغووووووط نفسيه واتمنى القى حل وتريحووني عسي ربي يريحكم في دنيا والاخره | ||||||||||||
| | |||||||||||||
|  | ||||||||||||
  |
|
17-10-2010, 10:42:18 AM
| رقم المشاركة : [3] | |||||||||||
|
حبيبتي انتي شكله كل ماقال شي ولا عصب قلتي من اهلك .. اهلك سوو جذي وجذاك لين كرهج الرياال ع العمووم انتي ابدي معاه بمسج حبيبي انا اسفه ع الي صار وانا كنت مضغوطا نفسيا وكنت ابيك تحس فيني وانت قلبت الدنيا فوق راسي مع ان راحتي وسعادتي قربك وحضنك ومن هالحجي لووول يعني الحين لاتشيلين غل ولا شي بقلبج عن اهله وتعوذي من شيطان وصلي ادعي ربج .. وروحي فضفضي لريلج ع سنع مو تصبين ع الحريق غاز لووول خوش تشبيه يعني كلميه بهدوء ومو تزيدون مشاحنات اهلك وواهلك وريلج انتي ماتشكرين وانتي وانتي لااااااا حاولي تقولييين له شنو المضايقج وبعدين قوليله شنو مضايقك مني ؟؟ وانهي الموضوع واكيد راح يفهمج .. | |||||||||||
| | ||||||||||||
|
| | |||||||||||
|
17-10-2010, 10:42:23 AM
| رقم المشاركة : [4] | |||||||||||
|
الله يعينك حبيبتي و يريح بالك روحي البحر وايد سبحان الله ترتاحين و شوفي افلام كوميدي <---- من صجي والله بالنسبه لزوجك جربي ابعثي له من خط الاهداءات شعر رومانسي و حب مووو عتب والله يسخره لك قولي له ودي افتخ معاك صقحه جديده | |||||||||||
| | ||||||||||||
|
| | |||||||||||
|
17-10-2010, 10:59:56 AM
| رقم المشاركة : [8] | |||||||||||
|
من غير مسج اعتذار ولا شي ، إذا رجع بعد شوي قعدي معاه وتفاهمي شوفي شنو يبي منج وشنو تبين منه ، من غير ما تييبين سيرة أهله ديري بالج تحطين أهله بالموضوع ، حتى إذا أهو تكلم وقال أمي وأختي وأهلي قولي له أمك مثل أمي والله الشاهد ، وهذا آنا كافة خيري شري عنهم عشان لا أسمعهم كلام مني ولا أسمع منهم كلام !!!!!!!!!!!!!!! وروح بعيد وتعال سالم ، مهما كان هذيل أهله ما يرضى عليهم ، وإذا تكلم ولا ياب سيرة أهله قولي له آنا أبي حل حق هالمشاكل ولا أبي تييب سيرة أهلك بالموضوع وبعدين أهلك مالهم شغل باللي قاعد يصير بيني وبينك ......... | |||||||||||
| | ||||||||||||
|
| | |||||||||||
|
20-10-2010, 09:45:06 AM
| رقم المشاركة : [11] | |||||||||||
|
لا لا انتي غلطانه لا تخلين مشاكلج مع اهله تاثير ع نفسيتج معاه والله حرام راح تكرهين الرجال فيج حبيبتي انتى لازم تسوين كنترول ع نفسج اول شي حاولى تبتعدين عن اي شي ممكن يسبب مشكله بينج وبين اهله والافضل اخذيهم بالطيب والحسنى ثانيا حاولى ما تشتكين لزوجج شكله مل مسكين ترى اهو في صراع بينج وبين اهله ثالثا تعلمى تسوين تمارين ريلاكس ترى صج لها تأثير مفيد على ردة الفعل وابحثي بالنت بقوقل وكتبي تمارين ريلاكس وشوفيهم رابعا حبي نفسج وحبي عيالج وحبي زوجج وخلي نظرتج للحياة متفاله لا تخلين صغائر الامور تأثر فيج ودائما تذكري مميزات زوجج والاشياء الحلوة اللى بينكم تعلمى تراضينه لا تخلينه يزعل واجد وخصوصا اذا كنتى السبب ترى الرجال بسرعه ينحرف هههههه الله يستر في ساعات الصفا بينج وبينه قولي له كلام حلو وانك حبيبي وما استغني عنك وقوليله خل نتفق انا وياك اللى يزعل الثاني بسرعه يراضيه وما يخليه يطول بالزعل واسهل شي المسجات ما فيها مواجهه  والله يوفقج يا رب ويصلح ما بينكم | |||||||||||
|
| | |||||||||||
|
20-10-2010, 11:23:55 AM
| رقم المشاركة : [15] | |||||||||||
|
حاولي تنسين اللي قبل ولا تجيبين طاري اهله نهائياا ترا طاقه الرجال وتحمله مو نفس المرة بسرعه يزهق ويكرهج اقري قران داايماا لانه يهدي بالج ويوسع صدرج واستغفري داايم وابتسمي بوجهه بسج لووم ونكد تلاحقي عمرج برأي لو تدزين له كلمه وحده تكفي دزي له (( احبك )) او ذكريه بسالفه سبشل بينكم بايام حلوووووة واتركي اللوم والعتب الله يسعدكم دوووووووم | |||||||||||
| | ||||||||||||
|
| | |||||||||||
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
| تابعينا على كويتيات | ||
| تابعينا أول بأول على تويتر وانستقرام كويتيات | ||
|
| ترتيب كويتيات عالمياً |
|
|
|
موضوع منتديات 
حبيبتي انتي لازم تكلمينة وتصكرين امورج عدل والتفاهم معاه فقط ولاتنسين شوية دلع وغنج عشان تصلح الامور والله يسمح دربج
العرض العادي
