ما في طريقة نعرف فيها اذا حامل او لا قبل موعد الدوره ؟؟؟

معلمه متميزه · 15-08-2010, 10:16:38 AM

قوه بنات شلونكم ..

بغيت استفسر ما في طريقه او تحليل تعرف فيها الوحده اذا حامل او لا عقب التبويض باسبوع .. و قبل الدورة ..

وتسلمون ..

ام بشبش · 15-08-2010, 12:00:53 PM

التحليل المنزلي يبين جربي موجود بصيدليه

fofowa_q8 · 15-08-2010, 12:07:15 PM

حبيبتي انا حللت قبل موعد دورتي بيومين او 3 مو متذكره

بتحليل كليربلو الديجيتال والحمدلله بين معاي

وفي طبعا الطريقة الاضمن انج تسوين تحليل هرموني بأي مختبر

وراح يبين ان شاالله

نور الكوثر · 15-08-2010, 12:09:03 PM

اي الهرموني بسرعه يبين

فاقده حنان ابوه · 15-08-2010, 12:15:28 PM

سوي تحليل هروموني وتحليل المنزلي

موفقه ان شالله حامل

أم لولووأخواتها · 15-08-2010, 12:57:14 PM

للرفع

اخت فايز · 15-08-2010, 03:00:39 PM

والله حبيبتي انا عرفت اني حامل هلمره من قبل موعد الدوره بفتره

اول شئ طلعت حبوب ابوجهي وبطني ع ايام التبويض اول مره تطلع لي

ثاني شئ شعري صار يطيييييييح حيل اكثر من اول

ثالث شئ يجيني نفس الشد بالبطن تحت صوب الارحام

رابع شئ بس ابي اناااااام وما اشبع نوم

طبعا هلاشياء كلها لاحظتها فجأه ومع بعض خلال نفس الشهر

وهم في علامه ثانيه بس مالاحظتها بحملي هذا بس كنت دايم الاحظها بحمالاتي وهي تغير لون البول وريحته وخاصه الصبح

وسلاااااااامتج

جذابه بنت ذيابه · 15-08-2010, 03:09:17 PM

بنات مو شرط تحليل هرموني لان انا سويت تحليل هرموني ومابين
الا بعد الدوره بعشر ايام لان تبويضي كان متاخر

انتي لاتسوين شي انطري للدوره وشوفي

الصبر زين ..
والله يرزقج يارررب

"*آآآنؤؤؤقهـ*" · 15-08-2010, 03:17:46 PM

حبيبتي

روحي الصيدليه واشتري تحليل الديجتال يبين

ومافي طريقه نسويهاا بالبيت يبين انج حامل اولا

والله يرزقج ياارب

معلمه متميزه · 15-08-2010, 03:48:43 PM

تسلمون بنات بس انا قالولي العكس التحليل المنزلي ما يبين الحمل مبجر والهرموني ممكن والله بدق على مختبر باجر اسئلهم .. مشكلتي اني صارلي اسبوع بس عقب موعد التبويض وما فيني صبر ودي اعرف ..

بس الظاهر مالي الا الصبر .. شنسوي ..

الحين على هالاختراعات الي توصلول لها ما طلعولنا شي نحلل فيه عن الحمل بسرعه بدال ما ننطر الدوره تتاخر يالله بعد ناس يبين عندهم وناس ما يبين .. الصبر عذااااب

تسلمون بنات ..

معلمه متميزه · 15-08-2010, 03:51:24 PM

اقتباس:

المشاركة الأصلية كتبت بواسطة جذابه بنت ذيابه

بنات مو شرط تحليل هرموني لان انا سويت تحليل هرموني ومابين
الا بعد الدوره بعشر ايام لان تبويضي كان متاخر

انتي لاتسوين شي انطري للدوره وشوفي

الصبر زين ..
والله يرزقج يارررب

حبيبتي متى سويتي التحليل الهرموني ؟؟ تهقين بعد اسبوع ما يبين ؟؟

معلمه متميزه · 15-08-2010, 03:54:44 PM

شيشتوني بروح باجر اشتريلي تحليل دجيتال والله كريم ان شاء الله يبين ..

mona1983 · 15-08-2010, 04:24:33 PM

ان شاء الله تكونين حامل

خليفة العظماء · 15-08-2010, 05:21:22 PM

بحليل المنزلي او الهرموني

آجمل نسآء آلدنيآ · 15-08-2010, 05:47:30 PM

آلـدم يبيـن آكثـر من آلبـول ..
وآلهـرموني آضمـن مـن آلـدم آلعـآدي و آلبــول

آللـــــــــــــــــــه يـرزقــج بتــوآم

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري