افكار لمسابقات حركيه وثقافيه

[حلم السنين]

بنات تكفووون عندي اليمعه اليايه حفله صغيره وابي افكار حلوه ومسابقات احلى بليييييييييييييز ماماتي

والمسابقات حق الامهات وعيالهم وابي اصير توب وافكار جديده


لاتطنشوووووووني صج متوهقه :eh_s(16):

 

[حلم السنين]

:eh_s(1): :eh_s(1):

طلبي صعب لي هالدرجه :eh_s(22):

كل اللي ابي شغلات غريبه اتفنتق فيها :eh_s(13):

 

[.]

اممممممم..

افكر وارد..

 

[.]

رديت

لعبوا لعبه التخمين يعني لعبه الصندوق يبي قوطي حطي فيه شغله وخل البنات يتوقعون شنو اهيه..

بدون كلام..

سوق عكاظ يكون لبيت شعر او اغنيه اخر حرف منهم يكون اول حرف لاغنيه او البيت الثاني..

التقليد..

الاختلافات يعني يبي صورتين مثل الشي وخليهم مقاس اي3 ع الاقل وخل يطلعون الاختلافات اللي بينهم..

لعبه الاكل يعني ام مغمضه توكل بنتها روب مثلنا عشان ماتقص..

لعبه منو عنده ؟ 10 فلوس مثلا ..

لعبه التفاح علقي تفاح بخيوط وخلي البنات ياكلونها بدون لا يمسكونها..

لعبه الهديه الضخمه غلفي هديه صغيره مثل ميداليا بكذا غلاف او جريده وحطي اغنيه او نشيده وخلي الهديه تفتر ع لي قاعدين واللي تبطل اخر غلاف فايزه بالهديه...

لعبه الكره مثل طريقه لعبه الهديه تفتر ع القاعدين بس اللي توقفين الموسيقى اللي عندها الكره تطلع بره اللعبه وجذي ليما يخلصون..


وووايد افكار بس هذول اسهل شي..

شرايج؟؟

 

[حلم السنين]

مشكووووووووره رونه

واطمح بأفكار بعد

 

[.]

هلا حلم..

شكلهم ماعجبوج؟

انتي قولي شلون تبينهم ؟

حق اي عمر بالضبط؟

وانا اساعدج ان شاءالله..

 

[حلم السنين]

افكاااااارج حلوه ودونتها عندي

 

[Filakawyia]

في وحده تدقين عليها اتييج تسويلج مسابقات و اتحطلج ديجي و الهدايا من عندها

تحل لج هالمشاكل كلها​

 

[Filakawyia]

اخذي اربع عودان . . . و اختاري 3 بنات مثلا و قوليلهم شكل معين . . مثلا مربع و اللي تسويه اول و كل شوي قولي شكل غير

خلي 4 حريم واقفين و كل وحده تختار نوع فاكهه و انتي قولي قصه انج رايحه جبره الخضرة و اللي تطرين اسمها تقعد و اذا قلتيه مرة ثانيه ترد توقف و اللي ماتغلط تفوز

خلي 4 حريم يلعبون . . . كل وحده تختار نشره اخبار معينه مثلا وحده تختار الرياضيه و وحده الجوية و وحده الاقتصادية و وحده الانباء العربية مثلا. . . و اذا اشرتي على وحده تبدى تتكلم تقول النشره و اشري على طول على اللي وراها و بجذي تكونين نشره اخبار تضحك و حلوة . . . عاد تلقين اللي تقول قووووووووووووووووووووو . . . و تقاطعها وحده تقول ارتفاع الموج مادري جم قدم و ترد اول وحده تكمل ووووووووووووووووووووووول هههههههههههههه تونس​

 

[حلم السنين]

هههههههههههههههههههههههههههههههههههههه رووووعه يبيله