اعوذ بالله
ترى وايد ازواج يهتمون بحريمهم ويغرقونهم دلع بهدف انها ما تشك فيه
يعني يمسكها من حبل الثقه
على اساس يلعب بأحبال ثانية مع ناس برا
انا وايد اعرف حريم انخانوا
واغلبهم ماشافوا شي من ازواجهم يعني دلع سفر حب رومنسية
وبالاخير يسوي هذا كله بهدف ما تشك فيه وتثق فيه
والله حرام !
الله يخليهم لبعض
واللي مثلها يمكن رجعت بس عشان الولد والابو
ويمكن صارت عندها ردة فعل
يعني يمكن هالموقف بروحه = صدمات مو صدمة
يعني اللي عنده صدمات يصير عادي يجرب كل شي ويرجع يجرب ويشوف صار عنده
درع او مقاومة فمهما مرت الايام مازال جرحها ينزف لانها قوية بحقها
لكن مبين انه انسان يهتم بمظهره قدام الناس ( رياء )
والظاهر يحاسب على اسم ابوه و يمشي على طبعه خوفا من ابوه او على اسم العايله
بينما الواقع
هو اللي شافته اختج بالسياره جوالات وكلام قذر
يعني هذا الجانب الثاني اللي مايقدر يظهره قدام الناس خوفاً من السمعة وتشويهها
الله يستر عليهم وفعلا يمكن اتعظ وتاب خاصه وان اللي حسيته ان فعلا يحبها
يعني ذل نفسه ذل عشان يرجعها لانه اكيد يشوفها دره ونادره بهالزمن مشالله عليها
واللي يأكد هالشي صبرها سنه !!
هههههه الحين اللي تصبر شهر نادره!
ومبين انه فعلا شاريها !
وبالنسبة لبنت خالة امج فعلا ما تنلام اختج لما ما صدقتها لانها اول شي متجرعه منها
وثاني شي تدري ان حسادها وايد على قولتك
وثالث شي واهم شي انها واثقه فيه بناء عاللي تشوفه منه وتحسه و عايشه فيه
من كل النواحي ما تنلام !
والحسد ترى يبعث بالشيطان لابن ادم
يعني من حسد الناس عليها وعاللي ماخذته احس انها حوباتهم طلعت بهالرجال
يعني من يصدق ان هالشخص ينزوي للحرام ! يعني على كلامج ان صيته عند الناس انه كفو ونزيه
يعني ممكن الحسد ادى الى هالشي
لكن اختج ذكيه بصراحه
لا ونست الحساد ولا ونسته هو
نقعته سنة وكفو عليها
وكذلك مافرحت العذال بالانفصال
قاست واختبرت مشاعره و كرامتها ومدى رغبته فيها !
عيني عليها بارده
الله يهدي سرهم ويجمعهم على كل خير ويبعد بنات الحرام عنهم
