كويتيات
منتديات كويتيات النسائية
التقارير السياحية المصورة
أم عزيز في ميونخ (ألمانيا) 2009





العودة   منتديات كويتيات النسائية > منتديات كويتيات السياحية > التقارير السياحية المصورة
حساب موعد الولادة
حساب الوزن المثالي
تاجرات مول
[ um_yoyo ] مواليد و اطفال
مهادات وملابس الاستقبال للمواليد ,مصاصات على اسم المولود,شنط اغراض المواليد ,باندات الشعر الامريكيه
[ [ Kirsten storms ] العناية بالجسم
منتجات وخلطات للعناية بالبشرة والجسم
[ ام عفاف الكويت ] رومانسيات وملابس
رومانسيات وملابس اكسسوارات
[ حيادر ] تخصص خلطات
خلطة دلع حيادر للرموش- سنفرة الهردة المبيضة-مجموعه البياض الشامي -الحنة الخمرية- مجموعة بلاك بيوتي والمزيد من الخلطات
[ ( المـلاك ) ] تخصص خلطات
خلطات طبيعية 100 % للبشرة و الجسم و الشعر
[ ms strawberry ] لانجري ورومنسيات
لانجري ورومنسيات والعاب زوجيه
[ ranh ] تجميل وملابس
انقاص وزن,علاج حب شباب وشعر,نفخ خدود وشفايف,كريمات اساس bb,اعشاب وفيتامينات فوريفر ليفينج,اطقم تلبيسة دباج
[ موريا آدم ] اطقم ضيافة
مصممة الديكور موريا آدم.أطقم ضيافة راقية/استقبال مواليد مبتكرة (توصيل لجميع الدول )
[ ^Grass^ ] منتجات تجميل
شيا-كاكاو-مانجو-افوكادو-الوفيرا-صابون افريقي اسود-خلطات للشعر-خلطات تبيض للوجه والجسم
[ lamsety ] مستلزمات الضيافه
سكر مغلف / بسكويت / شوكولاته / توزيعات / هدايا / منتجات متنوعه
[ rainbow77 ] مستلزمات الاثارة
لانجري والبيبي دول وقمصان طويلة + منتجات الإثارة الزوجية + ملابس داخلية واكسسوارات
[ لينا لانجري ] للسعادة الزوجية
لانجري مثير وقمصان نوم وببدول وتنكري وفساتين وترينغات وبدلات رقص ورومانسيات ومنتجات زوجية طعم مثيرة وعطورات مثيرة وفناتق زوجية وألعاب زوجية
[ *ماي ورداسم يستحق الثقه* ] عالم الجمال
اسم رائد في عالم الجمال الطبيعي والخلطات المجربة والمضمونة
[ ريانـــــــــــه ] متخصصه بالطبخ
سلطات أطباق رئيسيه حلويات ورق عنب
[ ام عمار ] أطقم ضيافة
أطقم الضيافة باسم المولود .. العائلة ..الزوجين
[ الريان ] مركز صابونتي
صابون طبيعي (صناعه يدويه منزليه)يحتوي على زيوت واعشاب طبيعيه خالي من المواد الكيماويه, صابون المره بالشوفان ,صابون القهوه بالشوفان والعديد من انواع الصابون الطبيعي
[ فجر_الكويت ] تجاره عامه
نغوص بأعماق التجاره لنجلب لكم الأفضل
[ shaehana ] خلطات ومنوعات
خلطات ومنوعات المنزل
[ ستــ ريما ــايل ] منتجات امريكيه
منتجات امريكيه وسويسريه واجنبيه
[ RoOoz ] رومانسيات ومنظمات
عالم روز للرومانسية ومنظمات المنزل
[ المصممه حراير ] تخصص ماركات
تخصص ماركات ,, فاشن ستي
[ sharoo_e5 ] تجميل وملابس
حبوب كيرفر يو لتكبير المؤخرة والأرداف وحبوب ايفوري كابس للتبيض وحبوب تطويل الشعر وتكبير الصدر والعديد من المنتجات
[ متخصصة بالاعشاب ] اعشاب وخلطات
بودرة التضييق اليمنيه لتعودي بكرا كما كنتي, بودرة نفخ الخدود والموخرة , اعشاب الرشاقه والتخسيس, علاج العقم , زيت الشعر, علاج البرص والبهق والاكزيما والثعلبه
[ خبيرة لبنانية ] تجميل و تنحيف
حبوب تبييض-تنحيف وشد الجسم - ازالة الكرس وشد البطن- تكبير الصدر والمؤخرة -نفخ الشفاف
[ خبيرة اعشاب ] خلطات نسائية
برامج أعشاب للنفاس , الدورة و تأخر الحمل
[ دبدوبة الكويت ] مواد تجميل
عالم التجميل بين يديكي
[ ranh ] منتجات فعاله
استشارات طبية.بي بي كريم.فوريفرليفينج.نفخ خدود وشفايف وصدر.تنحيف.تجميل.علاج شعر وبشرة.ملابس
التسجيل التعليمـــات التقويم البحث مشاركات اليوم اجعل كافة الأقسام مقروءة

التقارير السياحية المصورة تقاير مصورة لرحلات واستكشافات حول العالم


تابعينا على كويتيات
تابعينا أول بأول على تويتر وانستقرام كويتيات

اذا كنت مشتركة في اي منتدى آخر
اكتب موضوعاً و انسخ الرابط التالي اليه !
رابط الموضوع المباشر
انسخ وارسل الرابط لصديقك الآن !
موضوع منتديات كويتيات النسائية : كويتيات أم عزيز في ميونخ (ألمانيا) 2009
  أم عزيز في ميونخ (ألمانيا) 2009
  كلمات مفتاحية : لا يوجد

إضافة رد
 
أدوات الموضوع إبحث في الموضوع انواع عرض الموضوع
قديم 30-07-2009, 01:19:12 PM   رقم المشاركة : [1]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات أم عزيز في ميونخ (ألمانيا) 2009


وعدتكم أكمل لكم تقرير سفرتي
اخر تقرير نزلته عن سويسرا وبالتحديد زيورخ
بس ما كانت اخر محطه

اخر محطه لي في سفرتي كانت ميونخ في ألمانيا
قعدت فيها 5 ايام بفندق ستي سنتر هولدي إن
صراحه الفندق جدا عادي وتعامل الموظفين معانا كان بايخ ونفوسهم شينه
واللوبي جنه سوق اليمعه من الزحمه والصيحه وكله عرب وخليجين

طبعا اكتشفت ان اذا الواحد فينا حاجز عن طريق قروب يعطونه اردى الغرف !!
واللي حاجز عن طريق النت او ياي بروحه يعطونه احسن غرف
وللأسف هذا اللي صار معانا لما طلبنا منهم سرير طفل قالوا ما عندنا
قلنا لهم زين سرير إضافي قالوا هم ما عندنا ؟ قلنا زين نبي مخده ولحاف زياده
قالوا ما عندنا !!! تخيلوا ؟؟ شنو هالفندق الفاشل اللي حتى لحاف ومخده زياده ما عندهم
طبعا احنا كنا يايين من سويسرا بالباص 4 ساعات تقريبا او اقل شوي فكنا وايد تعبانين ومالنا خلق ننكد على نفسنا بسبة الفندق

اول يوم اقترح علينا القايد ان نروح السوق في محطة (مارين بلادز) ووافقنا لأن الجو مطر وبرد مو مال تمشي كلش وهم احنا واصلين الساعه 5 يعني ما يمدينا نروح مكان
ورحنا السوق وبصراحه ما مداني اصور وايد من المطر ماشاء الله تبارك الله


الحين راح اعرض لكم التقرير

طلعنا من زيورخ الساعه 9 ونص تقريبا ومتجهين لميونخ
وقالنا القايد بالطريج ان راح نمر على حدود النمسا علشان نقدر ندخل ميونخ
عاد احنا استانسنا على الأقل شفنا حدود النمسا

وهذي صوره من حدود النمسا






وهني خلاص دخلنا ألمانيا



بعد ما وصلنا الفندق واخذنا غرفتنا وحطينا الجناط رحنا السوق
وماشاء الله كان المطر قوي والجو بااااااااااااارد
وهذي صوره من السوق والمطر قاعد يطق علينا




وبعد ما خلصنا تمشي في المجمعات والسوق قالنا القايد اشرايكم اوديكم مطعم ايراني ؟؟
واحنا صراحه مشتهين عيوووش واكل اسلامي لوووول
طبعا من غير اعتراض وافقنا ورحنا محطه المترو عشان نروح المطعم الايراني




طبعا المطعم حلو وملموم والشي اللي يونس فيه انه فيه قعدات أرضيه وفيه قعدات على طاولات
وسعره وايد حلووو صراحه والأكل روعه
وبعد الأكل ايبون لكم قلاص جاي مجانا
وخوووش جاي صراحه بشهادة زوجي لأني ما اشرب لا جاي ولا قهوه




هذي القعدة الأرضيه



وهذا المطعم من بره



وبجذي خلص اول يوم ورجعنا الفندق وحطينا راسنا ونمنا استعدادا حق ثاني يوم في ميونخ


توقيع » أم عزيـز الحمدالله على عطية الرحمن

عرض البوم صور أم عزيـز     رد مع اقتباس





قديم 30-07-2009, 01:23:06 PM   رقم المشاركة : [2]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


طبعا ثاني يوم في ميونخ قايدنا قال اشرايكم أوديكم ليقو لاند (مدينه ملاهي فكرتها عباره عن تركيب)
وقالنا اوديكم بالقطار ووافقنا لأني ساعه عندها وايد وشايفتها بالنت

طبعا ركبنا القطار والجو كان حلو وقاعد يطق مطر خفيف
وهذي صور من المناظر اللي مرينا عليها بالقطار







وبعدها وصلنا المحطه ونطرنا باص يودينا حق ليقو لاند
وهذي صورة محطة الباص




واحنا بالمحطه زاد علينا المطر وهذي بنتي مستانسه بالمطر لوووول



واخيرا يه الباص وصعدنا واحنا بالطريق ندعي ان يوقف المطر علشان نقدر نلعب لووول



واخيييييييييرا ليقو لاند



بنات المدينه اتينن تستاهل انكم تروحون لها وتتمتعون فيها فكرتها وايد حلوه الكبار والصغار يستانسون فيها
طبعا اول ما وصلنا كان المطر خفيف حيل واول ما نزلنا من الباص والا يزييييييييييييد لوووول






بس اشوه بعد 10 دقايق خف المطر ووقف والجو صار غيم و رووووووووووعه









طبعا عيالي وايد استانسوا فيها وانا بعد استانست
وهني قاعدين يلعبون يعني يبون يطلعون السيف من الصخره




وهني صعدنا البرج اللي يفتر ونشوف المدينه من فوق





يتبـــع ،،،،


عرض البوم صور أم عزيـز     رد مع اقتباس

قديم 30-07-2009, 01:25:04 PM   رقم المشاركة : [3]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


المدينه كلها من الليقو شوفو حتى القرش مسوينه من الليقو والربيانه



وهذي اللعبه لعبوا فيها زوجي وعيالي وطلعوا متسبحين ماي والسبه كل من عنده مسدس ماي ويرش عليهم من كل صوب اشوه اني ما ركبتها والا جان علوم لوووول







وبعدها دخلت مع عيالي لعبه مثل الأكواريوم
اول شي حطو لنا فلم قصه بالألماني ومترجمه بالإنجليزي عن شخصيه ليقو رايح في غواصة حق اتلانتس
وبعدها ندخل الأكواريوم ونشوف السمج وخواصات ليقو وشخصيات حلوه من الليقو
صراحه وايد حلو الجو داخل الأكواريوم
عاد كان ممنوع التصوير بس انا كشت فيهم وقمت اصور لوووول














وهذا سمج قرش صجي مو ليقو



وبعدين طلعنا وهذا جانب ثاني من المدينه




يتبـــع


عرض البوم صور أم عزيـز     رد مع اقتباس

قديم 30-07-2009, 01:26:19 PM   رقم المشاركة : [4]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


شوفوا مسوين اينشتانين من الليقووو حده روووووعه









وفي عندهم شخصيات حلوه من الليقو مثل هذي العيوزه
والشيف اللي يم المطعم






المدينه كبيره وحلوه ويبيلها على الأقل 5 ساعات بس احنا كان وقتنا ساعتين ونص
لأن اخر باص يرجع المحطه يمشي الساعه 7 واحنا بروحنا واصلين الساعه 4 العصر
يالله قدرت العّب اليهال 5 لعبات بس الحمدالله استانسنا

وطبعا وقتنا كله ضاع بالباص والقطار ورجعنا الفندق وانتهى ثاني يوم لنا في ميونخ


عرض البوم صور أم عزيـز     رد مع اقتباس

قديم 30-07-2009, 01:26:28 PM   رقم المشاركة : [5]
كــويــتــيــة فــعــالــة
 
الجعده غير متواجدة حالياً
افتراضي كويتيات رد: أم عزيز في ميونخ (ألمانيا) 2009


وااااااى الجو عجيييييييييييب خلف الله علينا سموم وغبار وهم وغم يالله فوز الاخره


عرض البوم صور الجعده     رد مع اقتباس

قديم 30-07-2009, 01:28:40 PM   رقم المشاركة : [6]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


ثالث يوم لنا في ميونخ اقترح القايد علينا يودينا أوت لت يوم كامل !!!
طبعا انا قلت حق زوجي ماني رايحه معاهم
وقلناله لا تحسب حسابنا بنروح بروحنا
واتفقت انا وزوجي نروح الحديقه الأولمبية والإنجليزية وفي ناس من القروب قالوا نبي نيي معاكم لأن ما يبون سوق
وفعلا نزل زوجي وسأل الريسبشن عن الحديقه الأولمبية والحديقة الإنجليزية وخط سير الميترو
والحمدالله شرحوله كل شي والساعه 10 الصبح كلنا كنا جاهزين حق هالرحله
وفعلا ركبنا المترو والجو كان وايد حلو ووصلنا الحديقة الأولمبية






وهذا البرج موجود في الحديقة ذكرني في برج التحرير لوووول



وهذا معرض البيأم بس ما دخلناه صورته من بره



وهني في بحيرة كلها بط استانسوا عليهم عيالي وقعدوا يوكلونهم
بصراحه شكل البحيره وايد حلو والبط تارسها












وبعدها رحنا بنفس المكان الملعب الأولمبي ماشاء الله وايد كبير وشكله حلوو



وهذي اكبر بيبي فوووت موجوده داخل الملعب



وهذا الملعب من داخل صوب المدرجات



وبعدين صعدنا البرج وشفنا ميونخ من فووق المنظر وايد كان حلوو







عرض البوم صور أم عزيـز     رد مع اقتباس

قديم 30-07-2009, 01:29:56 PM   رقم المشاركة : [7]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


وهذا النادي لأولمبي اللي كنا فيه قبل شوي صورته من فوق البرج



وهذا البرج من داخل



وبعدين طلعنا من الحديقة الأولمبية وزوجي كان بخاطره يروح ملعب بار ميونخ
وفعلا رحنا الملعب ووصنا شباب كانوا معانا بالقروب وحجزنالهم تذاكر جوله داخل الملعب
وهذا شكل الملعب من بره







يتبـــــع ،،،


عرض البوم صور أم عزيـز     رد مع اقتباس

قديم 30-07-2009, 01:32:15 PM   رقم المشاركة : [8]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


بعد ما خلصنا سألنا العايله اللي معانا بالقروب اذا فيهم شده يكملون معانا هالجوله
والحمدالله قالوا لنا احنا معاكم وفعلا كملنا جولتنا ورحنا الحديقة الإنجليية

الحديقة كانت حلوه وكبيره وخضره وفيها مراكب لتأجير وتأجير قواري
وهم بط يااااااااادي البط
عيالي استخفوا على البط خفت لا يطلع لهم ريش من كثر ما جابلوا البط لووووووووووووووول


هذي صورة من داخل الحديقه




وفيها حنطووووووووووووور ياخذكم في جولة وتتحنطرون



وهذي بنتي وسط البط



الحديقة كبيره وشرحه ويبيلها جوتي رياضه لووول لأن فيها مشي وايد





أيضا عيالي مع البط









عرض البوم صور أم عزيـز     رد مع اقتباس

قديم 30-07-2009, 01:34:10 PM   رقم المشاركة : [9]
**مشرفة قسم العروس&وطن النهار**
الصورة الرمزية حناينq8
 
حناينq8 غير متواجدة حالياً
افتراضي كويتيات رد: أم عزيز في ميونخ (ألمانيا) 2009


الصور حدهم روعه ماشالله
متابعه معاج


توقيع » حناينq8

انستغرام

hnayen_kwt




**
الصمت زين والسكوت سلامة فإذا نطقت فلا تكن مكثارا فلئن ندمت على سكوتك مرة فلتندمن على الكلام مرارا




بأبي انتي وأمي يا عائشه يا ام المؤمنين



**
عرض البوم صور حناينq8     رد مع اقتباس

قديم 30-07-2009, 01:34:15 PM   رقم المشاركة : [10]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


هني البطه عصبت على ولدي كل ما تبي تمد بوزها وتاكل يوخر إيده
اخر شي طلعت من الماي وياتله لووووول




وهني تأجير قوارب



صوره من داخل القارب اللي أجرناه



وصراحه انهد حيلنا من المشي في هاليوم واستانسنا وشبعنا
هذي صورة من داخل الحديقة لما بغينا نمشي




وهني لما رجعنا المحطه علشان نرد الفندق



وانتهى ثالث يوم وكان الحمدالله وايد ممتع والجو روعه


عرض البوم صور أم عزيـز     رد مع اقتباس

قديم 30-07-2009, 01:36:48 PM   رقم المشاركة : [11]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


رابع يوم القايد قالنا انه حاجز باص ويبي يودي القروب انس بورغ في سويسرا حق مصنع الشوارفسكي ويبي يوديهم قارمش بعد
انا صراحه قلت حق زوجي مانبي نبروح لأن قارمش فيها ثلج واحنا شفنا الثلج بسويسرا ماله داعي اروح له مرتين
وثاني شي معرض الشوارفسكي كله ما ياخذ ربع ساعه ليش اطق درب حق النمسا علشان معرض الشوارفسكي
طبعا القروب كلهم راحوا واحنا قررنا نروح منطقه (باد تولز) اللي فيها الزحلاقيات الصيفية وهذا كان اقتراحي من خلال بحثي بالنت وكان اقتراح موفق لله الحمد

زوجي حجز تذكره قطار حق منطقة باد تولز والمسافة بالقطار من ميونخ لي باد تولز 50 دقيقة يعني ساعة الا عشر

هني بنتي بمحطه المترو بنروح حق سنتر القطارات علشان ناخذ قطار حق منطقة باد تولز




وهني لما ركبنا القطار المتجه حق باد تولز وهذا القطار من داخل



وهذا منظر الطريج حق منطقة باد تولز





ووصلنا باد تووووز - المنطقه روعه وهاديه ونظيفه وشرحه ذكرتني في جو سيويسرا من كثر ما اهي وايد نظيفه وحلوه ومافيها ازعاج



وهني تكاسي علشان يوصلونا مكان السكي (الزحلاقيات الصيفية)
والتكلفه 10 يورو





يتبـــع ،،،،


عرض البوم صور أم عزيـز     رد مع اقتباس

قديم 30-07-2009, 01:38:56 PM   رقم المشاركة : [12]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


وصلنا الزحلاااااااااااقيات

طبعا علشان نتزحلق لازم نركب الكراسي المعلقه وتصعد فينا مسافه تقريبا 7 دقايق علشان نوصل قمه الزحلاقيه وناخذ مثل لوح بلاستك فيه تواير ونحطه على الزحلاقةي ونتزحلق عليه
وهذي الصور صورتها وانا بالكرسي المعلق من فوووووق








وفي استراحه فيها مكان حلو حق اليهال مثل حوض رمل ناعم وفيه العاب بحر خليت بنتي عند ابوها وقعدت تلعب فيه على ما اتزحلق وارجع وامسك بنتي وهو يروح يتزحلق بعدي





طبعا انا وايد عجبتني اللعبه ولعبتها مرتين انا وبنتي الكبيره لووول
وهني مصورين ريولنا لوووول يعني صاعدين فوق






تمينا هناك من الساعه 11 ونص تقريبا لي الساعه 3 وصراحه وايد استانسنا وبعدها قررنا نرجع
وهذا اسم المكان مال الزحلاقيات والفعاليات اللي فيه








هذا المنظر مقابل الزحلاقيات الصيفية وايد حلووو



وهني رجعنا محطه القطار وهذا اسم المنطقة اللي كنا فيها



ورجعنا الفندق رحينا شوي وبعدنا رحنا السوق (مارين بلاتز) لأن ما بقا لنا الا يوم واحد في المانيا ونرجع الكويت واحنا لين الحين ما تسوقنا

وهناك في السوق طراريين لابسين لبس وملونين ويهم
عيالي استانسوا عليهم وصوروا معاهم






تسوقت وبعدين رجعت الفندق ونمت لأن هم اخر يوم لي في ميونخ اخليه كله تسوق


عرض البوم صور أم عزيـز     رد مع اقتباس

قديم 30-07-2009, 01:40:52 PM   رقم المشاركة : [13]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


خامس يوم لي واللي اهو الأخير في ميونخ مثل ما قلت لكم مافيه الا سوق حق الصوايغ وهم قلت اشتري هدوم العيد حق عيالي من هناك دام سوقهم حلو وفيه خصومات حلوه والتاكس فري ينفعنا بالمطار

طبعا نفس الشي عيالي كل ما شافوا واحد لابس شخصيه ركضوا بيصورون معاه
وانا ما غير ماسكه الكاميره واصور واعابل بالجياس والأغراض اللي شاريتهم لوووول








وهذي صوره عامه حق مكان السوق







وهذي اخر صورة صورتها في نافوره حلوه جبالها مطعم ماكدونالدز عقب ما تغدينا قعدنا صورنا عندها



وبجذي خلص تقرير وخلص خامس يوم لي في ميونخ قضيته بالتسوق
اتمنى يكون التقرير حلو وخفيف ويعجبكم


عرض البوم صور أم عزيـز     رد مع اقتباس

قديم 30-07-2009, 01:44:16 PM   رقم المشاركة : [14]
كــويــتــيــة مــاســيــة
الصورة الرمزية أم عزيـز
 
أم عزيـز غير متواجدة حالياً
افتراضي كويتيات رد: أم عزيز في ميونخ (ألمانيا) 2009


اقتباس:
المشاركة الأصلية كتبت بواسطة الجعده مشاهدة المشاركة
وااااااى الجو عجيييييييييييب خلف الله علينا سموم وغبار وهم وغم يالله فوز الاخره
لوووول بعد شنسوي هذي ديرتنا وهذا جوها
ونحبها بغبارها وطوزها

بس اكيد الواحد بين فتره وفتره وده يروح يغير جو ويتمتع في الطبيعه


اقتباس:
المشاركة الأصلية كتبت بواسطة حناينq8 مشاهدة المشاركة
الصور حدهم روعه ماشالله
متابعه معاج
الروعه تواجدج حبيبتي
يشرفني تواجدج بالموضوع


عرض البوم صور أم عزيـز     رد مع اقتباس

قديم 30-07-2009, 01:45:06 PM   رقم المشاركة : [15]
**مشرفة ركن الطلبات**
الصورة الرمزية bambena
 
bambena غير متواجدة حالياً
افتراضي كويتيات رد: أم عزيز في ميونخ (ألمانيا) 2009


ماشالله ام عزيز تقاريرج تهبل مختصر مفيد عليكم بالعافيه

متابعه @@


عرض البوم صور bambena     رد مع اقتباس

إضافة رد
: تويتر الموضوع

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



تابعينا على كويتيات
تابعينا أول بأول على تويتر وانستقرام كويتيات

ترتيب كويتيات عالمياً


الساعة الآن حسب دولة الكويت : 10:34:28 AM.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179
 
Powered by vBulletin® Version 3.8.7
خدمات منتديات كويتيات منتديات كويتيات الجمالية منتديات كويتيات الأسرية منتديات كويتيات التجارية
اشتراك سيدة أعمال ركن الاستفسارات الجمالية ركن العروس كويتيات مول عروض متنوعه
دليل التاجرات العناية بالشعر والبشرة والجسم الحياة الزوجية بيع اكسسوارات شنط وعطور
متجر كويتيات لوكات المشاهير - المكياج و العطور نساء وحمل و ولادة - أولياء أمور الطلبة بيع منتجات العناية بالجسم والبشرة
تحميل صور ركن الأزياء و الإكسسوارات تأخر الإنجاب - التربية و الطفل بيع الملابس ومنتجات الحياة الزوجية
صور كويتيات منتديات كويتيات المطبخية منتديات كويتيات الأدبية بيع المنتجات الغذائية والتوزيعات
تصميم توقيع مطبخ كويتيات - الأطباق الرئيسية بيت القصيد - ركن الخواطر بيع جميع مستلزمات الأطفال
استعادة كلمة المرور - تفعيل الاشتراك المقبلات والمعجنات - حلويات القصص والروايات أرشيف السلع والمنتجات
الاتصال بنا عصائر ومشروبات - أطباق صحية ركن متاع القلوب تجارب العضوات مع سيدات الأعمال
المواضيع والتعليقات المنشورة لا تعبر عن رأي منتديات كويتيات ولا نتحمل أي مسؤولية قانونية حيال ذلك (ويتحمل كاتبها مسؤولية النشر)