تعليم الطفل على الحمام وتجاربكم

مربية اجيال قال:

انا الحمدللله ستنين فطعتي الحافضة بس انتي اول لازم تقطعين الممية وقبل النووم طبعا ما كو شؤال ولازم تروح الحمام عزج الله وانت قعديها بالليل دخليها الحمام وانشالله تفلح معاج انا ولدي اول ما علمته بكل زاوية في البيت بصم فيها لازم يطووون مسوي شي يال الصغيره ولا الكبية على ما تعلم اول شي بس النهار ماكو حفاضة والطلعات الطويله البسه واذا مكان قريب مثل الجمعية وجذي لا بدون لما شوي شوي عااد انتي كل ساع لازم تٍالنها تبين حمام فيج شي او من نفسج كل ساعه او ساعتين تدخلينها الحمام او حسب اكلها والله يعينج

أنقر للتوسيع...

مشكورة حبيبتي عالرد..
أنا جربت نفس الطريقة بس الظاهر يبيلها وقت على ماتتعود وانا قاطعتها من المميه من فترة، بس الموضوع يبيله صبر والله يعين..
وعلى قولتج في بصمة بكل ركن :dddds:

أم حيدر قال:

- متى بديتي مع عيالج تعليم الحمام؟ يعني تعتقدون متى السن المناسب للتعليم؟
انا بديت مع وليدي على عمر سنتين وشوي بس اول شي علمته على عزكم الله نومبر 2 وتعود مدة شهور يسويها بالحمام، اللي تعبني نومبر 1(البولة) سوري ، وانسب سن ان يتعلم الياهل فوق السنتين ونص

-شكثر طولت الفترة على ما تعلموا؟
عشان ينظف خير شر حتى بالطلعه والليل يبيلة حول الشهرين

-وبليل شلون كان تصرفكم؟ حفاظة وإلا تقومونهم حق الحمام؟
اول شي نطرت على ما نظف بالنهار خييييير شر وبالطلعه بعد يعني صار يمسك روحه عدل وصار بروحه يقول ماما بيبي ، بعدين قمت انتبه حق حفاظته الصبح لما يقعد من النوم ظل مدة اسبوعين تقريبا حفاظته الصبح ناشفة ، هني جازفت وقمت اشيلها بس ها شرط ان مايشرب حليب قبل لا ينام وان شرب يشرب بس كمية قليلة + اودي الحمام بالليل اذا طلب وكل ياهل وطبيعته

-شنو الأسلوب اللي اتبعتيه في التعليم؟

أسلوب الثوااااب وابتعدت عن اسلوب العقاب تماما ، لان العقاب يزيد الطين بلة
استغليت فترة اجازة الوضع مالتي وتعاونت انا وخدامتي عسى الله يبيض ويهها دنيا وآخرة، بمعدل كل ربع او نص ساعه ادخله الحمام، اشتريت البل أب مال دارلنغز وقلتلة شوف حبيبي بابا اشترالك صروال حلو عليه دبدوب لاتسوي فيه بيبي بعدين يتوصخ ،والصبرررررررررر ولاتصرخون كللللش موضوع دخلة الحمام كل 1/2 ساعه يطول بو أسبوعين بعدين يخف
عقب شهر قمت ألبسه الاندروير العادي انجااااااااز ، طبعا لااااازم يرشنا جم مرة رشة حلوة

بناات خلأعلكم على طريقة الطهارة حق الموكيت اذا بال الياهل عليه وهذا انا سائلة فيها شيخ دين :

تييبون 3 فوط نظيفة ، تكونون مبللين الفوطة الاولى وتمسحون مكان النجاسة عدل وتسمون وتصلون عالنبي، حطوها على جنب وكرروا العملية مع الفوطة الثانية والفوطة الثالثة.

واتمنى اكون فدتكم

أنقر للتوسيع...

مشكورة وايد أم حيدر على الرد الوافي ماقصرتي والله يخليلج عيالج.
وعلى فكرة أنا كل مشكلتي بنمبر وان ، والا نمبر 2 فديتها ما أذتني بسرعة تعلمت اسم الله عليها، والحين تقولي بروح الحمام عزكم الله، بس المشكلة مرات ماتمسك نفسها، وبليل أخاف اجازف وانومها بالأندروير، لأني جربت يومين كانت تقوم ناشفه بس اليوم أنا تأخرت بالنوم بسبب السهر ويا البيبي اليديد، فما قعدتها عشان ادخلها الحمام ولما قامت متأخر مسكينه قعدت تبجي عشان سوتها بالجمب إن.
وأنا الصراحة استخدمت اسلوب الثواب ما نفع وايد، بس أسلوب الزعل شوي نفع، وصج عورت قلبي بس قلت لازم تتعلم..
والله يعين إن شاء الله ماتطول على هالحال ..
ومشكورة على شرح طريقة التطهير