** وســـن **

السلام عليكم كويتيات









بغيت استفسر عن شغلة ممكن تساعدوني ؟






اختي سوت قبل ثلاثة ايام اشعة صبغة وكل شي على ما يرام الحمد لله بس تقول للحين ينزل معاها دم خفيف وقطع بنيه صغيره حيل وشغلات فاتحه كنها قطع شحم وما تدري شلون تطهر منها وزوجها يحن ويزن عليها يبي حقه يقولها ما صارت انتي تقولين يومين !!!

وهي متوهقه ما تدري شنو تسوي .. في شي تاكله او تشربه ينزل الدم بسرعة وينشفها؟؟

ومتى تنصحون يصير بينهم جماع لانها تقول اخاف تمر ايام التبويض وانا ما نظفت!!

اللي جربت اشعة الصبغة وصار لها نفس اختي تنصحنا ولها الاجر من رب العباد واللي ما تعرف ترفع الموضوع بدعوة يمكن الله يستجيب لها والدعوة لاخيك بظهر الغيب مستجابه

وعسى الله يرزقكم كلهم بالذرية الصالحة وتوأم بعد

sara_77

حبيبتى ما ادرى شنو تاخذ بس اذا ينزل عليها هالشغلات معناته شى زين اللى بالرحم قاعد ينزل والله يرزقها انشالله

Hello_kitty

حبيبتي انه سويت اشعه الصبغه وعادب نزل معاي دم خفيف

وبعدين اللي اعرفه ومتاكده منه ان الجماع ممنوع لي موعد الدوره اليايه عشان يتأكدون ان ما يصير حمل مو زينه الأشعه حق البيبي

وخل تاخذ مضاد حيوي تكتبلها الدكتوره عشان ما تصير معاها التهابات

وبالنسبه حق القطع اتوقع هذا شي زين يعني هذا وصخ كان مسكر النابيب ونزل مع الصبغه بس خل تستشير دكتورتها احسن

** وســـن **

الله يسمع منك ان شاء الله ومشكورة على الرد

** وســـن **

مشكورة هلو كاتي بس هي سألت الدكتورة عن المضاد وقالت لها مو لازم وعادي الجماع بعد يومين وكل اللي تعرفهم مسوين الاشعه ما نطروا لموعد الدورة اللي وراها ثلاثه منهم حملوا بعدها على طول

عالعموم هي مراجعتها يوم السبت وبتشوف شنو تقولها والله يكتب اللي فيه الخير

همة فوق الجبال

عادي هذا يكون مرات وسخ من الانابيب يالله الشهر الياي حامل قولي ىمين انا عقب شهرين منها حملت مع العلاج

توقيع » همة فوق الجبال

اللهم أعيذ ما في رحمي بكلماتك التامة من كل شيطان وهامة ومن كل عين لامة اللهم أسألك أن تحفظه وتجعله معافى كامل الخلقة دون زيادة ولا نقصان اللهم حسن خلقه وخلقه وسهل حمله ومخرجه واجعله من عبادك الصالحين آمين يارب العالمين

درابيل وحليب

الاشعة ما لها علاقة بالحمال . بس المفروض تكون نظيفة بعد يومين لانه مو موعد دورة و لا اهو مصمم لفتح
الانسدادات بس للكشف عنها فقط لازم تراجع الطبيب . و على فكرة كان لازم الطبيبة تعطيها مضاد قبل و بعد الاشعة علشان الالتهابات

** وســـن **

همة فوق الجبال

آمين يا رب العالمين

مشكورة حبيبتي على الرد وعسى الله يثبت جنينك ويتشوفينه بايدينك

** وســـن **

ان شاء الله بتروح لدكتورتها واما المضاد فقبل الاشعه كان فيها انفلونزا وخذت مضاد وسألت دكتورتها وقالت مو لازم

الحين تاخذ مضاد والا لأ؟

منووور

عسى اللـه يرزقها بالذريه الصالحه ويوفقها ويوفقكم

المن والسلوى

الله يرزقها يارب والشهر الياي نسمع انها حامل

توقيع » المن والسلوى

دعاء فك الكرب:
لا إله إلا الله الحليم الكريم، لا إله إلا الله العلي العظيم، لا إله إلا الله رب السموات السبع رب العرش العظيم

اللهم أرزق زوجي مع كل خفقة قلب وطرفة عين فرجاً..ومخرجاً..وعفواً..وأمناً..وإيماناً يا رب العالمين
".

hadooya_ali

حبيبتي انا سويت اشعة الصبغه ونزل علي دم خفيف وعطتني الدكتوره مضاد والجماع يكون بعد 4ايام الدكتوره قالتلي
وانا اللي اعرفه انا هذي الاشعه تنظف الرحم والانابيب المسكره

?Me

ربي يرزقها ان شاء الله بالذريه الصالحه

حبيبتي اتوقع ان هذا مثل ماقالو البنات ان هذاي انسدادات وانزلت
بس خل اتروح تراجع احسن وتقول حق الدكتوره لاتسكت عشان ترتاح نفسيا
وهم تسالها متى الجماع يكون

وبالنسبه حق المضاد انتي قلتي انها كانت تاخذ مضاد لان كان فيها انفلونزا
لاتاخذ الا باستشاره الدكتور لان كثره المضاد الحيوي تضعف مناعه الجسم
ومدام قالت لها ماله داعي اهي اخبر

ان شاء الله عن قريب تيين اتبشرينه بحمالها

توقيع » ?Me

وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً} [الفرقان: 74]

اللهم اني استودعتك ابنتي فحفظها بحفظك العظيم يامن لاتضيع ودائعه واجعلها من عبادك الصالحين ومن حفظة كتابك وارفع شانها في الدنيا والاخره ..امين

صمت ودموع

الله يرزقها الذريه الصالحه ويفرح قلبها امين يارب العالمين