coffee

على الرغم من اعجابي الشديد بالمنتدى .. الا ان هناك بعض العضوات تنطبق عليهم كلمة "امعه" يعني لاحظت المشاركات في الموضوع كلها تتاثر بالرد الاول..

يعني لو فلانه منزله موضوع واول عضوه شاركت ذمت الموضوع الكل وراها يتاثر بردها ويذم.. وحده امدحت الكل يمدح.. يا جماعه ما يصير جذي

اقرو الموضوع وحددو ردكم تالي اقرو ردود الباجين وبلورو ردكم اذا احتاج او خلوه نفس ما اهو مو كل وحده تقلد الثانيه بالرد جنه ماكو شخصيه.. وايد تنظلم صاحبة الموضوع والسبه هالاسلوب..

وترى كلمة مشكوره او يعطيج العافيه قبل لا تعطون رايكم حتى لو كان نقد بدون اساس، على الاقل تعطي انطباع حلو


وفي نقطه ثانيه واهي الحكم على الاشياء بدون منطق او تجربة!! ياليت اذا كان لكم حكم مطلق على شغله انكم اتدعمونها بحقائق او كلش كلش اتقولون هذا راينا الشخصي او من وجهة نظري.. لان في ناس ابتقرا مشاركاتكم وبتصدق !

وهذا ما يمنع ان اكو عضوات والنعم فيهم ورايهم مستقل وحلو..

عذروني بس شي يحر الوحده تشتط وتكتب واترجم "زي حلاتي" تالي اييج رد يخلي الوحده تقول عسى ماشر! ما سوا علي

والا شرايكم؟

سارا ديور

ساااعات تصدف ألاقي مثل هالنوعيه من العضوات

مو دايما

مشكوووره كوفي على هالملاحظه

توقيع » سارا ديور

الله يرحمج يا فوزيه ويغفر لج ويوسع منازلج ويجمعك ووالديك واحبابك بالجنه

اللهم آمين

coffee

حياج الله سارا اي طبعا ما انعمم


بس يعني من صفات الانوثه اللطف وفي عضوات اعوذ بالله تقولين داشه منتدى كويتين بالمذكر مو كويتيات! بس شنقول يعتمد على التربية في ناس ماكو ذوق .. حلاته نعطي صوره حلوه ويكون الحوار لطيف وهادف

واحشنى موت

أحترم راااايج اختى

توقيع » واحشنى موت

آَنَاَ أُنٍُـثََـُِـﮯ
لَسْتْ كَكُلْ الأنآثْ
خُلِقْتْ مِنْ كِبْرِيَاَءْ
وَصَلْ غُرُوُرِﮯ
حُدُوُدْ آَلْسَمَاَءْ
آُُعْذُرُوُنِـﮯ وَلَكِنْ هَذِهِ فَلْسَفَتِــﮯآَلْجَدِيِدَةَ

زيـنـه

ما تقدرين تتحكمين في الناس و نفسياتهم و البيئه اللي تربوا فيها .. بس يصدف احيانا ان الاراء في موضوع معين كلها تتوافق سواء بالمدح او الذم .. تاكدي اختي الغاليه ان البنات يقرون الموضوع كامل قبل الرد و يبدون رايهم فيه من وجهة نظرهم ..و ملاحظتج في مكانها ..و ان شاء الله تلقين كل التفاعل المطلوب في مواضيعج .. و يعطيج العافيه

توقيع » زيـنـه

من جد ..وجد

"الاراده .. تقهر المستحيل"

حكمة اليوم

الزيادة في العمر إلزامية .. ولكن الحفاظ على الشباب اختياري .. !

روزالكويت

حبيبتى اذا تقصدين رايي بالفوط الصحيه والله ماقصدت اقلل من قيمة مجهودج بالعكس يعطيج العافيه على راسي والله وبالعكس وظحتى لى شغلات كنت اجهلها بس كنت اعرفهاولاعمرى شفت طريقتهاوالله شاكرتلج بس احنا بنات المنتدى مابينا رسميات انا كنت اظن جذى وغير جذي ترى موذنبي ان البنات عقبى نفس الرد ميخالف المره اليايه امتنع عن التصويت.هههههههههههههاى

$الـــحـــلاوه$

انا معاج كووفي

ومشكوره عالملاحظات
واتمنى الكل يقراا موضوعج

توقيع » $الـــحـــلاوه$

؛

coffee

واحشني موت تسلمين والاحترام متبادل ودايما اردد " خالفني لكن باحترام" فالسالفه مو سالفة اختلاف اراء كثر ما اهي الاسلوب المتبع

زينه صاجه بس انا قلت اذكر اللي يغفلون عن هالشغله وتسلمين ومشكورين على المجهود الرائع في المنتدى

روز الكويت الله يعافيج حبيبتي انا قصدي موضوعي وباجي المواضيع بشكل عام لان الوحده تتعب وتيمع المعلومات والصور واترجم فحلو التدقيق بالاسلوب الحواري قبل ابداء الراي والسالفه مالها علاقه بالرسميات مسالة اسلوب خاصه في المواضيع الجاده اللي مو بقسم الفرفشه.. اكيد مو ذنبج ولا قلت ان ذنبج اساسا، ما فهمت شنو تقصدين بالتصويت وشاكره مرورج وتعليقج

الحلاوه تسلمين اختي والله اتمنى هالشي لان الكلمه الطيبة والاسلوب الراقي المستقل ما يكلف شي ابد وبالعكس يعطي انطباع حلو

سارا ديور

هاهاهاهاهاهاهاهاهاهاها واحشني موت أنا قريت ردج (( إحترمي نفسج ))

خخخخخخخخخخخخخخخخخخخخخ طلعت منهم ياويلي من كوفي هاهاهاهاهاهاهاها

سارا ديور

هههههههههههه

عيل شقول انا إللي كل سعاد تخييسني هههههههههههه وهم أحبها خخخخخخخخخخخخخ

coffee

سارا ههههه اسم الله عليج عسى خير هالضحك شكلج مكثره كاكاو لول على هالطاري انا من اشرب فرابتشينو من ستارباكس افصل!! شاكه بالمكونات

حبنا الله عليه

لاتضايقين عمرج coffee

وما اعتقد في موضوع بالمنتدى مانستفيد منه

يعطيج العافية وشدي حيلج

coffee

حبنا الله عليه تسلمين حبيبتي وكلج ذوق والله بالعكس ماني متضايقه بس حبيت انبه بعض الخوات على اسلوبهم واتوقع لو كانو في مكاني ماراح يعجبهم


ومثل ما اذكرو الخوات ما نقدر نتحكم باساليب الغير بس ما يمنع اني ذكرتهم واذا هذي طريقتهم بعد لاحول ولا قوه

همس الروح

توقيع » همس الروح

•.° ¦ ..!آن خآب ظنكـ بالرفيق الموآلي

_مآلك مشآريه على نآيد النآس¦ °.•

[ . . Jee Jee . . ]

سبحان الله والله العظيم حسبت بس آنا اللي ملاحظة هالشغلة ..

ساعات صج اترفز منهم ..

آنا اختي مصممه ولما تحط بالمنتدى اللي تشارك فيه بطاقاتها وجذي نفسيتها تتعب لما تلقاهم


كاتبين كلمتين " يعطيج العافية "


الا الناس اللي يعرفونها زين يتعبون روحهم ويردون عدل

بس صج شي يسوي احباط ويضيق الخلق

توقيع » [ . . Jee Jee . . ]

{ هَلْ أَتَاكَ حَدِيثُ الْغَاشِيَةِ }
أروع مقطع قرآني على يوتيوب // Click على الآية للمشاهدة.



Kuwait ... isnt the same since u'r gone