السلام عليكم ورحمة الله وبركاته

خواتي أنا الحمدلله بنت متربية على احترام الناس..وفي الجامعة أحنا جايين ندرس ونروح لبيوتنا..
المشكلة الله يسلمكم أنه فيه بنات ما أعرفهم معرفة شخصية بس أسماءهم بحكم أنهم معاي في جميع المحاضرات تقريباً وأسمع الدكاترة لما ينادونهم..بس هالبنات مشاركين في منتدى معروف عندنا خاص للطلبة وهذولي البنات حاطين أسماءهم فالبلوتوث نفس نكهم اللي المنتدى فكان من السهل أنهم ينعرفون..المهم أنه شكلهم عرفوني لإني دايماً أعارضهم في بعض الأفكار مع أني فالبلوتوث حاطه أسم ثاني ماله دخل..

ومن ذاك اليوم وهم يقطون علي نغزات ويعطوني نظرات سخيفة مثل وجوهم..وأنا مطنشة لهم بس من داخل قاعدة أغلي وحاسة راح أرتكب جريمة فيهم المهم أن الوالدة قالت لي طنشيهم ولا تعطينهم نظرات ولا نغزات مب ناقصين مشاكل أنتي رايحة تدرسين ولا رايحه هداده؟؟
المشكلة أني مقهورة خاطري أوقفهم عند حدهم وأخليهم ينحرجون بس بطرقة غير مباشرة ولا تدرون عطوني رايكم ما خاب من استشار..يعني هل اللي أسويه ألحين صح اللي هو أسلوب التطنيش..

المشاركة الأصلية كتبت بواسطة دموع-الاصايل ما فهمت شنو المشكلة؟؟؟ يعنى انتو متهاوشين بالمنتدى و اهما عرفو ان اللى بالمنتدى اهى انتى؟؟؟ معلية ابى افهم علشان اقدر اعطيج راييى و مع السلامة

المشاركة الأصلية كتبت بواسطة الفـارسـة أيوه أختي متهاوشين في المنتدى بخصوص أعتراضي عالأختلاط بجامعتنا وهم قاعدين يطبقونه بطريقة غير مباشرة مثل إجبارنا أحياناً على حضور ندوات عند البنين..