هدية لزوجي

السلام عليكم

اشلونكم بنات

انا ودي اشتري لريلي هدية

و بعد تفكييييير و حيييرة و اشتري هذا او اشتري ذاك

قررت شنو اشتري

ودي اشتري له مدالية او بوك

بس انا لاني وايد خبرة بالكويت و مناطقها ما ادل وين الاقي هالشغلات

يريت لو تساعدوني و تقولون لي وين اقدر الاقي بوك او ميداليات حلوة ؟

مشاركة: هدية لزوجي

جيفنشي يهبل تلقينه بمارينا ابواك الرياييل وايد حلوة ..

او دنهل بليلى غاليري ..

او اس تي ديبو عند تاناغرا ..

او غوتشي بالفنار ...

او بربري بجاشنمال او الراية ..

يالله عطيتج كذا مكان طبي وتخيري ..

مشاركة: هدية لزوجي

رفرف كفت ووفت

عندج بعد روائع جنيف حلو واسعاره مناسبة

مشاركة: هدية لزوجي

مشكورة رفرف ما قصرتي

الله يعطيج العافية

اماكن سهلة و الله بس ما ادري شفيني

تسلمين

مشاركة: هدية لزوجي

عندج بيضون+الماسه+كارتيه في محل علي طرف الساني بالسالميه اليديده يم احذيه ستبس هم عنده ماركات ديور غيرها بس نسيت اسمه

مشاركة: هدية لزوجي

ماشاء الله البنات ما قصروا

مشاركة: هدية لزوجي

عسولة الكويت .. سوري ما شفت ردج اول مرة

بنت الكويت

جارة القمر

الله يعطيكم العافية

مشاركة: هدية لزوجي

فكرة البوك حلوه بس شرايج تيبين موبايل نازله خوووووووووووش موديلات

مشاركة: هدية لزوجي

السلام عليكم بنات انا داشه عرض بس ابي اسال (على البال) شنو الموبايلات اليديدة صراحة انا بشتري حق زوجي موبايل بس ماادري شنو الزين ؟

مشاركة: هدية لزوجي

على البال ما اقدر اشتري له موبايل لانه خالتي ام ريلي قالت بتشتري له واحد هدية حق هالمناسبة

فانا ما اقدر اروح اشتري واحد ما ادري حتى لو اقول لها لا تشترين انا اشتري احسها مو حلوة خاصة اني احسها متحمسة انها تشتريله الموبايل

بس اقولكم شي و الا اخاف تذبحوني

للحين ما شريت شي بس للحين في وقت ان شا الله

مشاركة: هدية لزوجي

روحي تناغرا الصالحية سوالفهم حلوة وهم النبراس اللي بالمرينا حلو

مشاركة: هدية لزوجي

تصدقوون
انا بعد ابي اشتري هديه حق زوجي
بس مو عارفه ششتري
عيد زواجنا قرب

ولقيت هالموضوع نفس موضوعي قلت انا بعد وياكم
دلوني على شنو اشتري
شكرا

مشاركة: هدية لزوجي

انزين ابي هدية حلوة وبسيطة وما تكلف يالله بنات كويتيات علموني

مشاركة: هدية لزوجي

بما انكم اتكلمون عن الهدايا خل اقولكم انا اشسويت هديه حق ريلي .. بما اني امفلسه و الحين نص الشهر و الرصيد يصفر .. شريتله هديه قفص ههههههه .. لا تخترعون الحين اقولكم اشحطيت فيه و اذا صارتلي فرصه بصوره و احط اصوره

الله يسلمكم رحت محل للهدايا و لا عنده دثرة اغراض افتر راسي ... المهم
سويتله قفص و حطيت فيه :
- صورته رسم عالخشب وايد حلوه و ضابطينها ماشالله
- دبدوب اصغير و بيده قلب
- ورق البردي و مكتوب فيه بيت شعر سوالف امغازل ههههههه
- شموع اصغار و مكتوب عليهم كلمات مثل ( يا عمري .. حبيبي .. اعيوني .. قلبي .. روحي .. الخ )
- حلاو على قلب
- عطر و غلفته له ( شاريته من الهندي اب 3 دنانير ههههههه ) اششششششش محد يدري
- بخاخ معطر للملابس حلوه ريحته بو دينار .. هم من رفيجنا الهندي هههههههه
- كرت انيق و فيه حجي ابخط ايدي ( تسلم ايدي )

و بس سلامتكم

كل هذا كلفني حوالي 21 دينار و نص ...

طبعا غير الشغلات الثانيه اللي راح اسويها بالبيت من عشا و كيك و عصير و ورد

يعني كل الشغل ما يوصل ال 40 دينار الي ال 50 دينار
و بس سلامتكم

يعني الواحد يغير مو كله هدايا تقليديه يمل .. ما بقا ساعات و ما بقا ابواكه و ميداليات و موبايلات كل شي شرينا .. بس هذا الفكره غير اشوي و مميزه

مشاركة: هدية لزوجي

والله بصراحه خوووش فكره ماشالله
تدرين وانا اقرى ياتني فكره
بمان ان المناسبة عيد زواجنا
فكرت احط صورتي وصورته
يبيلي انا العب بالفوتوشوب اعرف اشوي
ومع صندوق او مثل ماقلتي اخليها بالخشب
وما ادري بعدين اتيي الافكار

مشاركة: هدية لزوجي

جزاها الله خير رفرف كفت ووفت
شرايج تاخذين لة مسباح بدال البوك
تراه حلوو بس يكون عليه القيمة مثل الكهرب
الله خير ريايلنا يموتون بالمسابيح
يلا لا تترددين اختاري وقرري على طول لانج راح ادوخين
ســــــــــــــــــعـــــــــــــــاد