النور الهادي

قوه

اليوم قاعده أقرأ مجله وعجبني موضوع فيها

كل وحده تقول شنو أحلى وأسوأ هديه مرت عليها؟؟؟؟؟؟؟؟؟؟؟


بالنسبه لي:
أحلى هديه من بنتي وكان عمرها سنه(ورده بمناسبة عيد الام)

أسوأ هديه ماعندي لأني أحب رمز الهديه حتى لو ورق فاااااااااااااضي


وأنتوااااااا يبيله مشاركه

جارة القمر

نجمة سهيل**


يقويج يا قلبي

ومشكووووره علي الموضوع الحلو

بالنسبة لي أحب الهدايا

ما عندي مشكلة

وأكيييد أحلي هدية كانت من زوجي خاتم ألماس بمناسبة عيد ميلادي


وأكييد من خواتي


وما في أسوأ للأني أحب الهدايا

توقيع » جارة القمر

يمنع وضع اي مسابقة بدون علم مشرفات القسم

قوانين قسم مائدتك يجب الإطلاع عليها قبل البدء

جوريه

احلا هديه ساعه من امي الله يخليها يوم كنت بالثانوي يابتلي صووغه من الحج ومعتززززززه فيها وماانساها
اسوأ هديه يتني من وحده بالثانوي كانت تبي تتعرف علي ومستحيه لما ياه يوم عيد ميلادي جان تقولي بييبلج هديه رحت البيت افتحهاااا بسرعه بسرعه ولا القى داخل العلبه ظرف وافتح الظرف الا حاطه فوطه صحيه خخخخخخخخخخخخخخخخخخخخخخخخخخخ مت عليها من الضحك صج دقرررررررررره

توقيع » جوريه

LajoOona

اسواء هديه يتني من خالتي بعيد ميلادي لما كنت صغيره وكانت قايلة لي عن الهديه قبلها بسبووع ومشوقتني على الهديه ولما يابتها لي بعيد ميلادي كان تغليفها حلوو وحجمها كبير ولما فتحتها ولا داخلها علبه ثانيه مغلفه المهم ليما وصلنا حق علبة تكرموون جواتي وحاطه داخلها قراطيس فاضيه اذكر اني قعدت ابجي وعصبت

واحلى هديه يتني من ابوي الله يرحمه قبل وفاته بأشهر تلفوون نقال وليلحين محتفظه فيه

توقيع » LajoOona

اللهم لا تذرني فردا وانت خير الوارثين

رفرف

وايد عندي هدايا حلوة وانا اعتز بالهدايا واحتفظ فيها ..
بس احلى هدية كانت قلب اكسسوار من ابوي يايبه من العمرة وكنت صغيرة بس واااايد احبه وليلحين محتفظة فيه بس حسافة مكسور يبي تصليح

وبعد ساعة البا من امي وايد احبها مع ان شكلها عادي بس عملية واحبها


اسوأ هدية ...... امممممممممممم بجامة Xl ريلي يايبها لي من امريكا حطمنيييييييييييييييي قلنا دبة بس مو Xl

توقيع » رفرف

اللهم اغفر لـ(طلال) وعمي (خالد) وارحمهما واعف عنهما وأكرم نزلهما ووسع مدخلهما
اللهم ان كانا محسنين فزد في حسناتهم وان كانا مسيئين فتجاوز عن اساءتهم واغفر لهما وارحمهما إنك أنت الغفور الرحيم

أوركيد

أحلى هدية.....


ساعة من يدتي الله يرحمها وبقمة يوم زواجي

ساعة ريموند وييل من أبوي الله يحفظة من أيام الثانوية ولليلحين اموت عليها

خاتم الماس من ريلي

وردة بعلبة ومعاها شعر من ولدي

خاتم من بو امية من ولدي....كافي انه ذكرني عند بو اميه ,,اكثر مكان تزوغ فيه عيون اليهال

بعد شنو ؟؟؟؟؟؟؟

أسوأ هدية...

مراااات ريلي ذوقه يصير عجيييب!!!ويشتري اشياء مضى عليها الدهر واكل وشرب فوقها بعد...بس ما اقدر ...

لازم اجامله واكشخ فيهم بس جدامه بروحه مو عند الناس

توقيع » أوركيد

MaYoOoma

احلى هديه من زوجي بعيد ميلادي يابلي سياره كانت بخاطري
وليلحين ماكو اسوأ هديه لاني احب الهدايا حتى لو مامنهم فايده

jolie_q8

خوش موضوع

بالنسبه لي انا اموت على الهدايا ... وتعني لي وايد

وايد عندي هدايا حلوه بس اغلى هديه كانت ساعه رولكس من امي اول مادشيت الجامعه

واسوأ هديه


مو ذاكره

توقيع » jolie_q8

عذرا ,, لا يمكنني الرد على الرسائل الخاصة
وفي حال وجود شكوى أو اقتراح ارجو تقديمه بالقسم المختص

جكورة

أحلى هديه سيارة من زوجي موديل السنه الجديدة.. لما راح الأمارات شرا لي صوغه تهبل ومنوعه ( ملافع , عطور , بخور , مكياج , دراريع , بيجامات , دهن عود) جنطة متروسه لي فقط............

أما أسوأ هديه ............









للأسف ماأذكر أحد هداني هدية سيئه لأني أحب الهدايا مهما كان شكلها وسعرها..
ومشكورة على الموضوع الحلو........

توقيع » جكورة

النور الهادي

جارة القمر:
يسعدني إنك أول المشاركات ياقمر
جوريه:
الله يخليلك الوالده0000
بس صراحه مقلب حلووووووووووووو000ههههههههههههه
LajoOona:
الله يسامح خالتج إلا الجهال حرام ينضحك عليهم لانهم يستانسوووووون بالهدايا
والله يرحم الوالد ويغمد روحه الجنه
رفرف:
الله يطول بعمر والديك ويخليك لهم
هو مايبي يحطمج 0000يبيج ترتاااااااااااااااحين (لازم ندور لنا عذر)
اوركيد:
مشكوره على المرور وفعلا الهدايا كثيره ونعتز فيها0000المهم معناها مو قيمتها

MayoOoma:مشكوره على المرووووووووور
jolle-q8: حياج الله
جكوره:مشكوره عزيزتي وهذا من ذوقج ياقلبي

سبائك

احلى هديه ساعه شوبارد من امي وابوي هدية زواجي
واسوا هدااااااااايا في والله كذا وحده عطوني هدايا يوم زواجي وعقبها ولادتي ومرات صوايغ بصراحه يفشلون....قلت بيني وبين نفسي لو مو معطيتني احسن

يعني شرايكم بوحده تعطي هديه بروش ابرته عويه.....يعني واااااااضح انه ملبوس من قبل اكيد(من مرت حماي يوم زواجي)
ولا شرايكم احد يهدي عروس ابجورات؟؟؟؟؟؟؟

توقيع » سبائك

النور الهادي

الله يخليلك أهلك كلهم

بالنسبه لإسواء هديه!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !لاتعليق

ومشكوره على المرور الحلو

كويتية بالغربة

احلىىىىىىىىىى هدية اسوارة من زوجي كان مسافر دبي وجابها لي وطبعا انا سمنت عليها بس عاجبتني وهم البسها
وهم اسوارة من عمتي يوم زواجي وراحت موضتها بس هم ماابيعها لاني احبها حييييييييييييل
وماعندي اسوأ هدية لاني احب الهدايا والحمدلله دايما كل ماروح الاهلي تجيني هدايا من خواتي ومن امي وعمتي وابوي واخواني

والهدية مهما كانت غالية عندي

توقيع » كويتية بالغربة

النور الهادي

يعطيج العافيه على المرور الحلو

بدرووووووووووه

احلي هدية كانت من انسان عزيز علي بوكية ورد كبيييييير كله جوري احمر وفيه وردة وحدة بالنص لونها اصفر بمناسبة عيد ميلادي الثامن عشر وهم ولد خالي مرة بعد ارسل لي بوكيه وردة وكانت اختي ايامها بالنفاس وعلبالنا الورد لها ولما قرينا الكرت ولا من ولد خالي لي علشان عيد ميلادي مسكين متذكرني وانا ولا مرة تذكرته ودايما انساه ههههههههههههه
اما اجكر هدية حدث ولا حرج من كثر ما اقدر اقول اي وحدة فيهم ابيخ من الثانية دايما متحطمة بالهدايا