 |
|
|
|
|
|
||||
|
|
|
|
|
|
|
|
|
|
|
|
|
|
|
|
|
|
|
|||||||||||||
الحياة الزوجية لمناقشة الجوانب المتعلقة بين الزوجين من افكار وخبرات ومشاكل وحلول
 |
| فعاليات كويتيات النسائية | ||||||||
|
|
|
||||||||||||
 |
|
|
LinkBack | أدوات الموضوع | انواع عرض الموضوع |
01-11-2005, 12:41:53 PM
|
رقم المشاركة : [1] | ||||||||||||
|
السلام عليكم ورحمة الله وبركاته اشلونكم خواتي حبيت تشاركووني في همي وحزني واحباطي (( بنات انا صارلي من تزوجت سنتين وياريتني ما تزوجت ما ادري اشلون وافقت اتزوج انا كنت ما افكر اني اتزوج نهائيا بس تفكيري اني انمي واطور من مهاراتي ونفسي بس لانه ريلي هذا تقدملي اكثر من مره فامي قالتلي شووفي عقب رديه على الاقل في سبب انج ماتبينه المهم عقب ماشفته ما ادري اشلون وافقت عليه انا ما انكر انه ريلي طيب وحبوووب وملتزم بس مع هذا انا وياه واايد نختلف طريقه تفكيري غير عن تفكيره بقولكم مشكلتي من البدايه انا اول ماتزوجت ريلي ما دخل عليي الا بعد اسبوع من زواجي !!! اسفه على صراحتي طبعا انا ما كنت ادري شالقصه وشسالفه على بالي انه اهو يراعيني مثل مافهمني بس عقب فتره عرفت انه ريلي مريض جنسيا واحتمال انه ما ينجب انا تحملت وصبرت معاااه وبالعكس شاريته معني اختلف معاااه مثل ما ذكرتلكم بطريقه التفكير بعطيكم بعض الامثله على الاختلافات الفكريه مثل ما ذكرتلكم انه ريلي ملتزم ابوي يزاه الله خير هديه زواجي عطاني الاجهزه الكهربائيه كلها من ضمنها التلفزيون يوم سكنت شقتي قالي ماراح يشتغل التلفزيون لانه حرام وما يجوز ؟!! حاولت افهمه واقنعه انه التلفزيون وسيله كاي وسيله ثانيه الانسان اهو الى يحدد شنو يبي هل يبي شغلات الايجابيه ام السلبيه مارضى يقتنع طبعا انا رضخت حق الامر الواقع قام يمنعني من حضوور المحاضرات الى تتكلم عن تطوير الذات واكتسااب المهارات والبرمجه العصبيه يقول كل هذا كلام فارغ!!!!!!!!!!!!!!! تبين تطورين نفسج اقرا سيره والقران!! عيزت وافهمه مالنا غناه عن السيره والقران وما يمنع اني اشترك واحضر مثل هذي الدورات ما اقتنع طبعا طلعه مع صديقاتي ما يرضى ولا روحه معاهم انا ما اطلب منه انه اطلع معاهم 24 ساعه لا على الاقل بالشهر مره وحده من باب تغيير الجو وكسر الروتين تملين اذا ريلج 24 ساعه مجابلج وخصووصا اذا كان من النوع البيتووتي وقاعدلج على الوحده مصيبه بعدين تطورت السالفه يقولي عروس ماتحضرين تكرمون الجوتي القعب ماتلبسينه لانه حرام وما يجوز مع العلم اني ما احب البس القعب الا بالمناسبات والايام العاديه تكرمون كله جواتي العاديه بدون كعب يقولي اذا رحتي استقبال بالمستشفى ينسمع صوت الكعب وهذا شيء حرام انااا ما قدرت اتحمل الصراااحه انفجرت المهم قعدت ابجي وبليل ما قدرت انام من باجر ولا يقولي روحي بيت اهلج تخيلوو بنات!!! المهم انا رحت بيت اهلي وتميت عندهم اسبوعين محد اتصل من اهله او اهو اتصل قبل عمليته بيوم اتصل عليي ضايق خلقه انا ما اقدر استغني عنج وابيج تيين باجر الصبح قبل لا ادخل غرفه العمليات انا كسر خاطري ورحت مع امي حقه المهم اول ماشفته اخنقتني العبره عليه ولو اني كنت شايله عليه ولا يقولي عقب ما اطلع من المستشفى ارد الشقه ولا قتله لاااا انا ما ارد الشقه الا بشرووووووط انت صارلك اسبوعين ماتدري عني الحين دريت عني !!!! اذا طلعت من المستشفى تعال تفاهم مع ابوووي ولا يقولي ماا ابي ايي تخيلوووو؟! قتله كيفك خلاص مابيني وبينك شيء عيل من اليوم عقب ما طلع من المستشفى بثلاث ايام اتصل يعني يكون زعلان الاخ ويهدد يقول حق امي اذا ماردت الشقه خلال هاليومين بفضي الشقه عاد امي احترت كافي اني متحمله مرضه وبلاويه كله ويهدد بعد ولا امي تعصب وقالتله سووو الى تبي اتسويه وصكت التلفون بويه وكانت حيل متنرفزه منها قالت احنا نعلمه علشان مره ثانيه يعرف منو قاعد يتعامل معاه والحين نروح نشيل اغراضج كلهم رحت شقتي وشلت كل اغراضي ماخليت ولا عوووووووود عقب يومين اتصل ولا يقول ابي اشووف عمي الى اهو ابوووي قلناله حياك الله المهم يه بيتنا ولا ابوي يقوله انا ماتوقعت منك هذي التصرفات نهائيا شنو تمنع بنتي من تلفزيون ولا من محاضرات ولا من عروس وكعب وهالسوالف التافهه؟!! بنتي تحملت شيء كبير الى اهو مرضك انت كنت تدري انك مريض ولا سمعو يا بنات المفاجاة ولا الاخ يقول قبل لا اتزوج رحت الطبيب وقالي انت عنده ضعف في العضو الذكري تخيلو يعني كان يدري عن مرضه شفتو الصدمه ابوي انصدم حده ولا يقوله بدالك تدري وغشيتنا مرتين اول مره بمرضك وثاني مره بتصرفاتك هذي يوم ما كنت تبي تلفزيون وهذي سوالف جان قلت يوم الخطبه انك ماتبي البنت شوف تلفزيون ولا تحضر محاضرات ولا تروح عروس ليش ماتكلمت فالحين غصبن عليك تحط لها الى تبيه انا ما اقدر اغصب بنتي على الطلاق اذا كانت شاريتك بس انت لازم ترضخ حق رغباته المهم اهو عصب ومارضى على كلام ابووووي وقال مابي اسوي اي شيء من هذا القبيل وطلع ابوي عصب عقب هذي السالفه بيوم اتصل عليي وقالي انا خلاص راضي اني اشغل التلفزيون وتروحين محاضرات وعروس قتله كلم ابوي لاتكلمني انا المهم كلم ابوي وافق قبل لا ارد شقتي طلعت وياه نتمشى ورحنا مطعم ولا قتله انا ماتوقعت اهلك جذي ليش ماتصلو ولا سالو شنو سويتلهم انا سمعو يا بنات المفاجاه ولا يقولي اصلا اهلي مايبي يشوفونج ولا ابوي يبي يشوووف ابوج تخيلوووو؟!!! انا حدي انصدمت قتله انا بعد ما ابي اشوف اهلك ولا مو بس جذي قايلين عني نسره تخيلوووو معني مو عن امدح بنفسي بس انا من النوع الهاديه وقبل كل ما روح حق بيت عمي خالتي ام زوجي تقعد تحرني طافكم الفيلم الفلاني ولا التمثليه الفلانيه تخيلوو ويموتون قهر اذا شافوني كاشخه يحسبوني ذابحه ولدهم بالمصاريف مع العلم ان والله مايعطيني اي مصرووووف ابوي وامي اهم الى يعطوني مصرووف قلت حق اهلي عن موضووع انه مايبي يشوفوني واني انا بعد قررت اني ما اروحلهم ولا لي شغل فيهم ولا يقولي كيفج اذا انتي تبين الريال تحملي ولو انه يابنتي مستقبلج مظلم مع هالناس الى لاتعرف لا الاصول ولا الواجب بدال لا يراعونج ويخلونج يادهينه لاتنكتين جذي يسوون فيج قتلهم ميخالف بصبر ورديت حق زوجي طبعا يوم رديت ريلي كان حده متغير الطيبه الى كنت متعوده على تلاشت اكتشفت انه شخصيته ضعيفه حده ويسمع كلام اهله باي شيء سيء عني اني نسره يروح يصدق اني نسره ماتذكر وقفتي معاهه ولا اشلون كنت ارفع من معنوياته ولا موقف اهلي معاه بعمليته الاولى يوم سوه عمليته الاولى كانو اهله مسافرين انا واهلي الى قمنا فيه كل شيء يبناله بالغرفه كفر والشاي والقهوه والورد وكل شيء والمره الثانيه الى سوه في عمليته كنت انا وياه مزعلانين يوم اروحله مع امي تخيلو حتى الكفر موحاطيله بجامه حقه موحاطين له امه الى اهي امه ما زارته بالمستشفى؟!!!!! شووفي اشلون الفرق بالمعامله حتى اهو يقولي حسيت بقيمتج انتي واهلج يوم دشيت المستشفى اشلون كنتو معاي وما انسى وقفتكم معاي حتى زوجه صديقه كانت تتصل علي تقنعني اني اغير رايي واردله وكانت تقولي انه حده متحسف ومن هالكلام المهم عقب ما رديتله طبعا اهله ماتصووو ولا ادري عنهم وانا نفس شيء ما تصلت ولا ادري عنهم عقب 4 اشهر اتصلت عليهم اباركلهم برمضان فقط لاغير ومع هذا يكلموني بنفس !!!! بدال لا يستحون على ويهم جذي يتعاملون معاي اليوم يابنات صارلي موقف مع ريلي اول مره يصير بنااات اليوم ريلي يطقني تخيلوو اول مره يطقني !!! ليش انا كنت حاطه تمثليه ولا يقولي غيري قتله مابي شووفه معاي مافيه شيء ولا يعصب عليه ويدزني وياخذ الريموت من ايدي ويغير ويحطله برنامج ؟!!! انا عصبت ولا اصك التلفزيون قتله ماشوفه مثل ما انت ماتبيني اشوف حتى انا ما ابيك شوووف ولا يعصب عليي ويدزني ويطقني بنات يقولي ترى والله الحين اييب العقال واطقج فيه تخيلووووو ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!! انا المعززه المكرمه بيت اهلي جذي يسوي فيني مع العلم انه من رديت حق ريلي اهلي امي وابوي كله يقولي ماينفعلي ولا يصلحلي وحرام تظلمين نفسج معاه وضيعين عمرج فشسوي عقب هذي الاهانه ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!! فيدوني عفي لاني حدي محتره كافي اني متحمله مرضه وبلاويه ولا من زود الدلال الى مدللني اياه ولا من زود الطلعات والروحات بس الى يشفعله انه طيب وملتزم بس لا الطيبه انفعت ولا الالتزام نفع مد ايده عليي |
||||||||||||
|
|
||||||||||||
|
|
|
|
01-11-2005, 12:52:57 PM
|
رقم المشاركة : [2] | |||||||||||
|
الله يكون بعونج يا اختي .......والله احزنتيني بصراحه نصيحه يا اختي استخيري واستخيري واستخيري واللي يبين معاج سويه ومافي احسن ولا افضل من استشارة رب العالمين اللي اعلم بحالنا والله يعينج .......اخاف انصج بشي ثاني وبعدين اتحمل مسؤلية امام الله الاستخاره والدعاء والله يفرج كربج ويرفع عنج يا ربي يا كريم |
|||||||||||
|
|
||||||||||||
|
|
|
|||||||||||
|
01-11-2005, 01:49:18 PM
|
رقم المشاركة : [4] | |||||||||||
|
ريان حبيبتي قومي توضي وصلي ركعتين واذا سلمتس قولي دعااء الاستخاره هذا افضل شي محد يعلم الغيب الا الله سبحانه وتعالى والحين احنا بالعشر الاواخر من رمضان قومي صلي القيام وخشعي حق الله وادعيله بسجودج صدقيني راح يفرج همج |
|||||||||||
|
|
||||||||||||
|
|
|
|||||||||||
|
01-11-2005, 03:18:14 PM
|
رقم المشاركة : [7] | |||||||||||
|
عزيزتي ريان الله يفرد همج وغمج ويجلي الشاكلمن حياتج وحياتنايارب عزيزتي انتي الحين بمفترق طرق وعليج انتي انج تختارين بالنهايه تراهي حياتج وانتي للوحيده اللي بايدها الرار الهائي انتي شنو شايفه؟ شايفه انج تحبينه حيل واهو يحبج حيل وي مجال للاصلاح ؟ والريال ينشرا؟ ويستاهل؟ استمري معاه وحاولي قد ماتقدرين بايدج وريوج وضروسج انج تغييرينه للاحسن والاحس وانشاله يهدي سركم حاولي فيه قد ماتقدرين ولاتياسين هذي حياتج وانتي بايدج تقررين ونجحينه اما اذا كان مافي صلاح منه اهني اوقفي وحططيحد والخسائر الين احسن من عدين يعني طلعي بروحج من التجربه احسن من ما تطلعين وعلي جتفج ياهل تشيلين همه طول عمرج عدل؟ انتي شايفه بريلج بذره خير؟ ريلج منه صلاج؟ ويحبج من قلبه؟ ممكن تعيشين وياه؟ اوقفي وفكري بعد عشر سنين شنوتشوفي الوضع؟ شلون قايل؟ عندج الصبر والتحمل والقدره؟؟؟ شغله ثانيه كلمي اهلج ترا موضوع الطق مو هين نهاااااااااااائيا اهو اعتذر كمج يه وكلمج؟ ولانسين الدعاء والدعاء والدعاء |
|||||||||||
|
|
||||||||||||
|
|
|
|||||||||||
|
01-11-2005, 04:49:18 PM
|
رقم المشاركة : [9] | |||||||||||
|
اختي ريان كل الريايل جذي مايحبون التلفيزيون وهم بعد مو ملتزمين بس انتي غلطتي يوم قالج غيري جان غيرتي وسايرتيه ترى الريال نفس الياهل بالمسايس وراح يمل ثانيا اهله اذا حبوج هو راح يحبج ويحطج على راسه حتى لو غلطتي او زليتي نصيحتي لاتسرعين وسايسه وبهدوء فهميه انج اتحبينه ومتحملته وانه صابره عليه ولاتلومينه يمكن هو نفسيته تعبانه من المرض حاولي انتي بنفسج اتعالجينه .. انا ريلي اول شي كل جذي اوامر اومر وانا متحمله وساكته اخر شي مل .. |
|||||||||||
|
|
|
|||||||||||
|
01-11-2005, 06:35:38 PM
|
رقم المشاركة : [10] | |||||||||||
|
تسلمين اخت ريماس كلامج كله عدل بعدل زوجي كان جذي وصبرت وتحملت وكسبته بالطيب واهله الله يهديهم ويسامحهم طوفت منهم اشياء كثيره وكان يسمع لهم وموقفي ضعيف لاني تاخرت بالحمل سنين طويله واكتشفت العيب مني ومنه ولمن يجيني زعلان من امه او ابوه او اي احد منهم اقعد اقنعه بوصل الرحم والله اني ماقد تشكيت له منهم ولا جبت طاريهم الا بكل خير اسمع واطوف واخلي بقلبي سنييييييييييين وبالاخر قال يابنت الحلال انتي ذهبه اشوف اهلي يقولن عنج وانتي شلون تحببيني فيهم وتبين رضاهم وهو جرب الزواج من قبل وشاف زوجته الاولى شلون كانت تكره اهله ومحسره فيه وفيهم مع هذا خذاله سنيييييييييييين على ما فهم الوضع وقدر الضروف مع اني ماكنت مجبروه اصبر لاني والحمدلله صغيره ومزيونه بشهادة الجميع والكل كان يتمناني والحمدلله الحياة ماشيه خصوصا بعد اول طفل الحياة تتغير ويصيرلها طعم واغلب المشاكل تنحل ماشالله الحين حياتنا غييييييييير صح ان الحياة مستحيل تكون كلها تفاهم ووناسه وطلعات وتمشي لازم الوحده اتنازل شوي وتكسب قلب زوجها بطاعتها له وحرصها على رضاه انتي بس خلي رضا الله بين عيونج واحتسبي الاجر بكل شي تسوينه له وصدقيني الله مايضيع تعب احد ولاتنسين طاعة الزوج وااااااااااجبه الا بمعصية الله |
|||||||||||
|
|
|
|||||||||||
|
02-11-2005, 12:58:54 AM
|
رقم المشاركة : [11] | |||||||||||
|
مشكوورين خواتي على ردووودكم عفي ادعولي لاني حدي مصدومه بريلي؟!! كوين لا عتذر ولا تاسف نهائياااااااااااااااا ولا الاخ مخلي روحه اهو الى زعلان فوق شينه قواه عينه مثل مايقولون لانه يدري اني احبه بس مو معناته توصل انه يمد ايده عليي شنو الدنيا فوضى !!!!!!!! ريماااااااااااااس انا متابعه التمثليه كنت قاعده اشوفه تقريبا لي نص يه اهو وقالي يالله غيريها قتله شوفها معاي قالي ماابي المشكله ياريماس اهو على مزاجه يطالع تمثليات ريلي وحتى المسرحيات الكويتيه القديمه كلهم حافظهم على مشتهاته ومزاجه الاخ قتله مابي اغير ولا يعصب عليي وياخذ الريموووت مني ؟!! وصك التلفزيون عقب دقيقه ولا يفتحه ويحط البرنامج الى يبيه قتله تغيره مابي اشوووفه ولا يعصب علي ويطقني؟!!! دزاني ومسك ايدي حيل؟!!!!!!!!!!!!!!!! ليش كل هذا وين الالتزام الى يعرفه؟!!! وبالنسبه حق اهله انا من مشكلتي الاخيره ويااه مالي شغل فيهم نهائيا وحتى اهم بينوو على حقيقتهم الى هذي الردجة كانو مايحبوني ويغارون مني معني والله بالعكس ياريماس قبل كنت كله اقول حق ريلي خل اييولنا بالشقه وياللة نطلع طلعات جماعيه واليمعه حلوووه وناسه بس شوفي شنو كان موقفهم معاي؟!! بدال لا يحمدون ربهم ويشكرونه اني صابره ومتحمله ولدهم لا شايفين نفسهم ما ادري على شنو وانا الى موزينه وانا الدلوعه وانا النسره؟!!!!! تخيلوووو ومرت حماي الثاني ماخذه حقووقه كلها وزياده وبالاخير اهي الهاديه المهديه اهي الزينه |
|||||||||||
|
|
|
|||||||||||
|
02-11-2005, 02:20:29 AM
|
رقم المشاركة : [13] | |||||||||||
|
الله يكون بعونج شوفي حبوبه انا عندي نقطه وحده انتي قلتي انه عنده ضعف جنسي هل هذا معناه انه ما يقدر ييب عيال اذا جذي اقولج اياها و اعذريني انتي لو تحبينه بس مسالت العيال ترى مو هينه يعني الوحده اشتبي بهالدنيا غير عيال يشولونها لي كبرت يعني لا تتنازلين عن حقج هذا اما اذا فيه ضعف و ممكن معالجته فمادري يمكن يطول بالعلاج و اهني انتي راح تكبرين فنصيحتي لج انج تفكرين بهالمساله عدل اما سالفت المعامله و تغيرها و الاعصاب و الطق فهذا شي عادي مو قصدي انه عادي انه يعصب و يطق و اشياء ثانيه بس اقول عادي ان كل الرياييل جذي مره فوق و مره تحت و احنا علينا الصبر بس اهم شي فكري عدل بسالف العيال اذا ما يقدر ييب عيال تدرين ان لو المره ما تقدر تييب عيال الريال علطول راح يفكر يتزوج ماراح يفكر بحب و غيره بس اذا الريال تلاقون المره تضحي و هذا انا اعتبره غلط لانها بالنهايه راح تحس بغلطتها و تتحسف فنصيحه فكري عدل و نصيحه ثانيه سمعي كلام اهلج ترى الاهل دايما صح و يشوفون شي احنا ما نشوفه الله يوفقج و يهديج على الطريج الصحيح |
|||||||||||
|
|
||||||||||||
|
|
|
|||||||||||
|
02-11-2005, 01:20:02 PM
|
رقم المشاركة : [15] | |||||||||||
|
مشكووورين بنات على ردووودكم بالنسبه حق سفيرة منتدانا عدل كلامج لو المره فيه عيب سيده راح يفكر انه يتزوج وتصدقين هذا الكلام قالته لي امي قالتلي حطي نفسج مكانه وانه انتي المريضه راح يصبر عليج ويتحمل؟!!! طبعا لاا راح سيده يفكر انه يتزوج لانه هذا الهدف من الزواج بناااااااااااااااااات ادعولي انه الله ينووور بصيرتي وبصري عفي |
|||||||||||
|
|
|
|||||||||||
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
| ترتيب كويتيات عالمياً |
|
|
|
اشتراك سيدة أعمال
موضوع منتديات 
العرض العادي
