! بنت العاشره !

حياكم الله








هلا حبيباتي ابي كل وحده تقول اذا عندها خبره شلون تعرف اذا حامل بنت او ولد بدون لا تسوي سونار




يعني مثال يقولون اذا سمرتي حيل ولد

واذا بضتي وصفت بشرتج بنت


وفهمتو موضوعي


يلا خنشوف تجاربكم وطلعت صح او لا


وعلى طاري في وحده من العايله موتتني ضحك تعرف إذا الوحده حامل

تدرون شلون

تقول انا اعرف الحامل لو من شهر الاول انها حامل

من عيونها

لوووووووووووووووووووووووووول


ناطره تجاوبكم

ام منــى

يعطيج العافية .. بس شدتني جملتج الاخيرة مالت وحدة من العايلة لأن انا بعد صار معاي نفس الشي سبحان الله وحدة من العايلة قالتلي مبين من عيونج انج حامل وبعد جم اسبوع حللت والا طلعت صج

ليالي نجد

قسما بالله عندنا وحده نفس الشي اتعرف الحامل من عيونها قبل لا اتحلل

المهم انا حملاتي كلها نفس الشي وماتفرق معاي بالبنت والولد
يعني بناتي وحاهم مختلف مو مثل بعض ومره سمرت حيل ومره فتحت مو باين بالضبط؟؟
انا عندي مايبين

مشكورة عالموضوع الحلوووووو

بسبوووسه

هيهيهيي و انا بعد صار فيني جذي وحده معاي بالدوام اهيه كانت ماخذه اجازه و اول ما داومت و شافتني قالتلي روحي حلليلي انتي حامل بسم الللللللللللللللللللللللللللللللله الرحمن الرحيم و حللت وصج انا حامل اخترعت منها

mamlakatal7ob

أنا بعد مسئولتي ماكنت بقولها لأن الطالع الوحده على كلشي حتى حركة ايدج تراقبها

بس عرفت إني حامل وأنا بأول الشهر الثاني يعني مايبين علي

شلون عرفت ما أدري

و أنا بولدي صج سمرت قربتي وبطني أكثر من لما كنت حامل في بنتي بس ما يبين إلا من الشهر السابع تقريبا

الفرس الاصيل

حتى انا عندي وحدة بالدوام اتعرف انج حامل من غير ما اتحجين !!!!!!!!
بس انا لحد الحين ما صادفت وحدة اتعرف اذا اللي فيج ولد و الا بنت
احس صعبة ,, ما ينعرف الا بالسونار
و بعدين لا يعلم ما بالارحام الله سبحانه

! بنت العاشره !

يعطيكم العافيه على ردودكم العسل


بس طلع صج تعرف من العيون


والا انا واختي كلا نضحك عليها سبحان الله شلون



المهم انتوا يمكن ما فهمتو قصدي من الموضوع

مثال ثاني اعطيكم يعني يقولون اذا حركه الجنين من اليمين ولد واذا من اليسار بنت


وهكذا يلا لحد يبخل على بشئ يعرفه


حتى من شكل البطن يعرفون

Brounzi_girlly

آنا في بنتي وااايد صرت أحلى هالمرة لا الحمال هادني ومبين إني مصوفرة بس آنا توني بالثالث مايبين جنس البيبي
أهم شي الصحة والعافية آنا سمعت إن الي اييها عوار ظهر ولد وبطن بنت
مع التحية........................

*دانة الخليج*

انا سمعت من شكل البطن اذا مدور ولد واذا بالعرض بنت

والله اعلم

omelnoor

انا سمعت ان اللي تحب المالح فيها ولد واللي تبي الحلاة فيها بنت والله أعلم .

ضحكة الدنيا

انا فرقت معاى بالنسات احس نسات الولد اخف من نسات البنت

شمس و قمر

انا اعرف اني حامل من عيوني يعني قبل احلل


بس الولد ولا البنت مادري

الفرس الاصيل

شمس و قمر شلون اتعرفين من العيون ؟؟؟؟؟؟؟؟؟؟؟ !!!!!!!!!!!!!!!

التجارة شطارة

انا امي تعرف من راس الجاهل

يعني لو تلاحظون راس الولد من ورة بالنص قرعة خفيفة صح لو هذا القرعة جت هالفتحة على اليسار يعني فيج ولد

ولو هالفتحة جت بالنص يعني فيج بنت

وتاكدو من عيالكو وشووفوا كلامي اقصد كلام امي صح ولا لا

الحور

والله انا في بناتي كل وحده غير عن الثانيه وحده كان حملي فيها ثقيل والتانيه خفيف والثالثه غير عنهم كلش