عيون غزال

وصفات حلوووووه للشعر مارح تندموا إن شاء الله ..

هلا حبايبي كيفكم أنا عضوه جديده حبيت أشارككم في المنتدى وهذي أول مشاركة لي أتمنى تعجبكم ..


::قناع للشعر

وهو مفيد لنمو الشعر ولتكثير الشعر ..

المقادير .. برقوق ,, بيضه ,, ملعقه زيت اللوز ..

_ اهرسي البرقوق بالشوكة أو بالخلاط الكهربائي وأضيفيله البيضه والزيت ..


_حطي هذا القناع على الشعر كامل ..

_ غطي الشعر بالبونيه البلاستيك واتركيه لمدة ساعتين .. وخليه ينشف زين ..

_ثم تغسليه وتنشفيه

للشعر الضعيف والجاف

المقادير :: ملعقتين كبار من زيت دوار الشمس ,, ملعقتين كبار من زيت إكليل الجبل ,, ملعقه زيت زيتون ..

_اخلطي المقادير مع بعضها ,, ثم دفئي الخلطه شوي

_ادهني شعرك من الجذةر إلى الأطراف مع التدليك الكامل .. ثم لفي شعرك بمنشفه دافيه مع إعادة تدفئتها كلما بردت ..

_بعد ساعتين من الوصول لمرحله التعرق يغسل غسلس شعرك بالشامبوا والماء وينشف ..

أتمنى أعجبتكم هالوصفتين وإن شاء الله حكمل الباقي عن قريب لأني مشغوله والوصفات كثيره ::

عيون غزال

أهلين هذا هو الباقي ..


::للشعر الباهت المتساقط

المقادير:: اخلطي قليل من زيت الصبار ,, وزيت الثوم ,, وزيت الجرجير ,, وزيت الخروع ..

:: تخلط الزيوت مع بعضها بمقادير متساويه ..

:: ممكن تحطينها يوميا لمدة خمس ساعات على مدى أسبوعين ..

:: ثم مره كل أسبوع لمدة ثلاث ساعات ..

:: ملاحظه ::
إذا حطيتي الخلطة دلكي فروة الراس وأطراف الشعر بس الخلطة لازم تكون دافيه ..::

لتقوية الشعر وزيادة لمعانه

المقادير :: _ كاس حنه _ نصف كاس ماء ساخن أو شاي غير مغلي ..

:: تخلطي الحنه مع البيض وتتركينها لمدة نصف ساعة ثم تحطينها عليها ماء ساخن ..

:: تدهني شعرك بالخلطة وتتركينه لمدة ساعتين ثم تغسلينه ,,::

علاج لتساقط الشعر وتقويته ..

_ إغلي شوي من الكزبرة الخضراء مع ماء وصفيها ثم اغسلي بها شعرك ..

:: لتقوية الشعر الدهني ..

_ اخفقي مقدار من البيض حسب طول شعرك ..

_ بللي جذور شعرك بالبيض ..

_ البسي البونيه لمدة ساعه واغسليه ..

:: لجفاف الشعر ..

_ شوي من الحبه السوداء _ كاس لبن رائب ..

_ اطحني الحبه سوداء ثم اخلطيها بالبن ..

_ ادهني بها شعرك مع تدليك الجيد ..

_ البسي إيشارب مع التل ثم حطي على أذنك قطعة من القطن ..


_ إغسلي شعرك بعد ساعتين من وضع الخلطه بالمويه الدافيه والشامبو ..

أتمنى إنها أعجبتكم وإن شاء الله حكمل الباقي .. عن قريب ..

عيون غزال

:: زيت الصبار

هذه الوصفه مجربه ومفيده مرررررره لذ وات الشعرالشعرالضعيف والمقصف والجاف والباهت..ويفيد في إنبات الشعر من جديد ويوقف الشعر المتساقط ...

-- جيبي ورقه صبار عريضه وكبيره و شقيها نصفين بالعرض ..

-- اكشطي اللب داخل الورقه المجوفه والمبلل بالمويه ..

-- حاولي إنك ما تتركين شيء من اللب والمويه وحطيها في طبق ..

-- حطي مقلاة على النار وفيها من 3-4 كاسات زيت جوز الهند ((النارجين)) أو أي زيت ثاني تفضلينه ..

-- اقدحي الزيت ثم حطي فوقه لب الصبار واغليه حوالي من ثلاث ساعات إلى خمس دقايق ثم حيصير لونه غامق شوي ..

--طفي النار من تحته وانتظري لين يبرد ..

-- فرغي الزيت في زجاجه بلاستيك عشان تستعمليها للدهن أو حمام الزيت ..

::لتطويل الشعر ..

--اخلطي نسبه متساويه من :

-- بذور القراص وجذور الجرجير (مقدار قبضة اليد) ويغلى مع لتر زيت زيتون ,, ثم تصفينه وتفركين فروة راسك ..

:: اللبن با لعسل ..

-- اخلطي ثلاث ملاعق من العسل في كاس لبن زبادي أو كاس لبن رايب ..

-- ادهني منابت شعرك بالخلطه ..

-- اعملي مساج خمس دقليق لفروة الراس ..

-- صبي باقي الخليط على بقية الشعر ..

-- دلكي شعرك كويس .. ثم لفيه وارفعيه على قمة الراس .

--بعد ساعتين اغسليه بالمويه بس إذا كان شعرك نظيف قبل ماتحطين الخليط وإذا ماكان نظيف بالمويه والشمبوا ..

::القرنفل (يزيل القشره ويقوي الشعر)--


اطحني شوي قرنفل حسب طول شعرك ..

-- ثم اخلطيه مع الحنه واتركيه على شعرك مدة ساعة ..

هاذي هي الوصفات أتمنى إنها حازت على رضاكم .. أنتظر ردودكم ياحلوين ..

$& بنت السعوديه &$

مشكوره حبيبتي على الوصفات

النور الهادي

بصراحه وصفات مبين عليها حلوه بس عندي سؤال عن زيت الصبار

شلون من 3 ساعات إلى 5 دقائق!!!!!!!!!!!!!!!!!!!!!!!!!!؟

عيون غزال

ألف شكر لك يا ((دلوعة الشرقيه)) على مرورك ..


أهلين ((نجمة سهيل)) مشكوره على مرورك وبالنسبه لسؤالك انا آسفه كنت

مستعجله وما كتبت كويس .. هي من ثلاث إلى أربع ساعات .. إن شاء الله ماتكونو زعلتو

علي عشان الخطأ ..