 |
|
|
|
|
|
||||
|
|
|
|
|
|
|
|
|
|
|
|
|
|
|
|
|
|
|
|||||||||||||
الحياة الزوجية لمناقشة الجوانب المتعلقة بين الزوجين من افكار وخبرات ومشاكل وحلول
 |
| فعاليات كويتيات النسائية | ||||||||
|
|
|
||||||||||||
 |
|
|
LinkBack | أدوات الموضوع | انواع عرض الموضوع |
11-10-2005, 03:00:50 PM
|
رقم المشاركة : [1] | ||||||||||||
|
مرحبا حبايبي في مشكله بس مو عني لان الحمدالله للحين ماتزوجت  بس عن وحدة متزوجة وقعت هالمشكلة حديثا و الحين الزوجة في بيت اهلها و ماهي عارفة شن تسوي ... و يمكن نلقى الحل عندكم تقول الفتاة : عمري 23 عاما تزوجت زواج تقليدي بشاب يكبرني بأربع سنوات زواج بدون سابق معرفة خطبة أهل عادية و قبلت فيه لان سألنا عنه و مالقينا في شي غلط تزوجنا و في بداية حياتنا عشنا حياة هادئة و تقليدية و كان طبيعة عمله أن يقعد بالبيت يومين و بالدوام يومين و ماكنت أتضايق لان كنت عايشة مع أهله و في الايام اللي يكون فيها زوجي عندي يحاول يطلعني و مايخلي عليي شي لكن دايما كنت أحس أن في شي غريب بداخلي .. شيء من الخوف مادري شنو المهم بعدها بكم شهر حملت و فرح زوجي كثيرا بحملي و عندما كنت في الشهر السادس كنت أتجول مع زوجي في أحد المجمعات التجارية و بعدها قامت فتاة بالاقتراب من زوجي و نادته باسمه حاول زوجي تجاهلها لكن كانت تصر على أن يسمعها و لما وقفنا : صرخت بوجهه و قالت له كلام أخجل أني أقوله و كانت البنت تقريبا بنفس عمري و أخذت تقول لزوجي كلام و الله أني دخت منه عرفت من كلامها ان لها علاقة بزوجي للأن و أنها تفاجئت فيني و أن أهو متزوج و أن الولد كان معشمها بزواج و كل مايجيها خطاب يقولها صبري لان أهلي مو موافقين عليج و أن العلاقة بينهم من سنوات و في شغلة غريبة قالتها أنها ماتقدر تتزوج غيره ( عاد أنتوا فهموا ) و أخذت تصرخ و تبكي و تدعي عليه و تقول حسبي الله و نعم الوكيل عليك و فوق هذا زوجي ماتكلم و لا قال أي كلمة و الناس قامت تتفرج علينا و مع هذا ماحاول حتى يسكتها و لا يوقفها عند حداها و مشت و قالت له أنا راح أظل أدعي عليك بكل صلاة على اللي سويته فيني حسبي الله و نعم الوكيل فيك و بعدها رحنا على السيارة و ماحاول يقولي شي و ظل ساكت و بعد ما وصلنا البيت قالي ان هذي وحدة محترة عشان خذتك و هي كاذبة طبعا هالكلام مو منطقي أبدا قلته ليش و شلون تكلمها ؟؟ و متى ؟ و ليش ؟ لا تحاول تنكر بعد محاولات عرفت أن البنت فعلا كان يحبها و ماتزوجها بس مايقدر يستغنى عنها و لا راح يهدها طبعا أنا انهرت و قعدت أبكي و رحت بيت أهلي شنو تسوون لو كنتوا مكانها هل ترجعون له و تقبلون العيش مع أنشان من هالنوع او الاتفصال احسن حل و شلون أعيش مع واحد مسوي جذي بنت الناس و شدراني اذا كانت هذي اول وحدة و لا أخر وحدة مسوي فيها جذي ؟ شتنصحوني فيه ؟؟؟ يالله حبايبي هذي المشكلة و بما أنكم متزوجات شتسوون فيه ؟أنا عن نفسي ممكن أأذبحه خخخخخخخ |
||||||||||||
|
|||||||||||||
|
|
|
|
11-10-2005, 03:26:17 PM
|
رقم المشاركة : [2] | |||||||||||
|
نووو وي اعيش مع واحد جذي لاا وفوق هذا وذاك مو مستعد يقطع علاقته فيها فيه اكثر من جذي اهانة للمرأة والي غدر بذيح مو بعيدة يغدر عن هذي بعد الله يستر علينا وعلى بنات المسلمين |
|||||||||||
|
|
||||||||||||
|
|
||||||||||||
|
11-10-2005, 03:31:02 PM
|
رقم المشاركة : [3] | |||||||||||
|
صراحة الله لايبلانا بس مااقدر اقرب منه مرة ثانية لانه ... واسفة ماني قادرة اوصف من الصدمة اكره ماعلي الخيانة والحرام والليسواه من الكبائر الله يبعدنا عنها والله يصبرها على بلواها |
|||||||||||
|
|
||||||||||||
|
|
||||||||||||
|
11-10-2005, 04:16:20 PM
|
رقم المشاركة : [4] | |||||||||||
|
لا تخرب بيتها بيدها خصوصا انها حملت منه .. خل تخلي اهلها يتدخلون بالموضوع ويشرطون عليه ان ما يكلم البنت هذيج ولايكون علاقات مع احد وانه يبطل من خرابيطه وخل تدعيله بصلاتها ان الله يهديه ان شاء الله وخل هي تترس عينه عشان ما يطالع بره .. وان شاء الله زله وما يرجع مره ثانيه .. وخل هي تتكلم معاه تقوله احنا بيينا ياهل وانت شناوي تسوي تستمر معاي وتصون بيتك وتكرس نفسك لاسرتك ولا تبي تستمر بالخرابيط مع بنات الناس .. وخل تخوفه تقوله كما تدين تدان مثل ماتسوي ببنات الناس الله باجر بيعاقبك ببناتك .. خل تعطيه فرصه يفكر شناوي يسوي ويرد عليها وعلى هالاساس تتخذ قرار ترجع له ولا تنفصل عنه .. وبالنهايه الاستخاره زينه .. والله يعينها .. هذا بلا وامتحان من الله لها خل تصبر وان الله مع الصابرين ..وبعدين مبين من كلامج ان الرال يحب مرته بس متذبذب ومو عارف شيسوي خل تعينه وتجذبه لها لاتصير عدوه له على الاقل عشان البيبي الي بيي حرام ينولد بدون ابو ..والله يعينها .. وتسلمين |
|||||||||||
|
|
||||||||||||
|
|
||||||||||||
|
12-10-2005, 12:57:43 AM
|
رقم المشاركة : [7] | |||||||||||
|
الصراحه موضوع صعب حيل حيل حيل ويبله وقفه وتفكير عدل مايبله تسرع وانفعال لان هذا الشي يحدد حياتها وحياه الياهل اللي ياي اللي ماله ذنب اول شي خل تتحتسب مصيبتها عند ربها ثانيا خل تقعد وتفكر هل تشوف عمرها تقدر تستمر معاه العمر كله؟ هل اهو ابو مناسب؟ في مجال انه يتعدل او لا؟ تقعد وتمسك ورقه وتكتب السئات والايجابيات وتحسبها صح هذي حياتها مولعبه ويفضل انها تشرك احد عقلاني وياها بالهشي خل تقعد مع احد تثق فيه وبرايهه مثلا امها او اختها العوده او احد تثق برايهه وتحسبها معاه شلون حياتها مع زوجها وشلون حياتها بدونه وهل اهو قابل للاصلاح او لا وتفكر بالياهل هل البيئه مناسبه لتربيته او لأ هل وضعها كمطلقه بهالسن وسط اهلها وصديقتها وبيئتها ممكن يمشي او هالشي راح يسكر كلش ي ابويها بعدين يفضل تشاور كبار العيله وانصحها تصلي استخاره وثيام الليل والخيره فيما اختاره الله انشالله اذا كان رجعتها خيره له الله انشالله بيقدرها لها ويكتبها وتصير حياتها للافضل وعليها بقيام الليل وصلاه الحاجه وتكثر من الدعاء وفرصه الحين رمضان وتدعي ربها يكشف لها الامور انا لو مكانها الله لايقوله ولايحط احد بمكانها انشالله وانشالله يهون عليها جان اكلمه بس عقب مابيتدي احسبها صح وغير جذي اكلم البنت ابي اشوف اي نوع من الرياييل اهو ماراح اصدق كل كلامها بس علي الااقل اعرف اهو وين واصل وشنو نوعه واذا متعدد العلاقات والا لأ |
|||||||||||
|
|
||||||||||||
|
|
||||||||||||
|
12-10-2005, 11:48:19 AM
|
رقم المشاركة : [9] | |||||||||||
|
مدام اهي باول الطريج افضل انها تنفصل منه حتى لو كان في بيبي ولد واحد احسن من باجر يصيرون 3 او اربع تتوهق فيهم لان بصراحه انسان مخادع مستحيل تقدر تامن على بيتها ونفسها معاه واذا تنيذل على بنات الناس فمو بعيد انه يتنيذل عليها واهي بعد خل تستخير وتشوف وضعها اهلها مستعدين يتقبلونها ويتقبلون ولدها ولا لا ؟ والله يعنيها ويفرج همها انشالله |
|||||||||||
|
|
||||||||||||
|
|
||||||||||||
|
12-10-2005, 02:58:09 PM
|
رقم المشاركة : [10] | |||||||||||
|
واحد ماعنده ذمه وعمل عملته مع البنت ودمرها "ولو انها غلطانه" لكن اهوه يعتبر من انذل الناس معقوله تكافأه بإنها تظل معاه ؟ شلون بتأمن على مستقبلها معاه؟ عبالكم الله ماراح يجازيه ببناته اوخواته او وحده من اهله؟ هذيل عبالهم الدنيا لهم وكأنهم مخلدين من جذي مايخاف ربه حسبي الله ونعم الوكيل فيه وشغلت انه البنت انهارت جدام الناس ماظن انه في وحده تفضح روحها بهالطريقه الا اذا كانت فعلا ضايعه الله يستر عليها ويسامحها ويهديها |
|||||||||||
|
|
||||||||||||
|
|
||||||||||||
|
12-10-2005, 03:16:12 PM
|
رقم المشاركة : [11] | |||||||||||
|
اللي فهمته: ان الريال غلط مع هالبنت قبل الزواج واتوقع سوالف مراهقة وطيش شباب وارتكب غلطته وتوهق عقب اهو غلطان وستين غلطان والبنت غلطانه ما اختلفنا بس ما اعتقد انه نذل الريال حاس بالذنب تجاه البنت ومضطر انه يسايرها وما يستثير غضبها لانه ضميره مانبة من ناحيتها وهذا سبب سكوته واستمراره معاها بهالعلاقة شكله متوووووووووووووهق وطبعا بيفكر يتزوج ويبدا حياة يديده فتزوج ولكن ما كانت عنده الجراة انه يصارح زوجته الظاهر ان ترك الامور على حالها وظن ان الوقت بيحلها الحل اهو ان الامر ينحسم روحتها بيت اهلها غلط اولا اهي حامل ثانيا السالفة بادية من قبل لا يتزوجها الظاهر يعني خان ربه ونفسه بالاول قبل لا يخونها تتفاهم معاه تكلمه وتقول له هالموضوع ينحسم وتطلب منه انها تكلم البنت بهدوء وتتفاهم معاها وتقول لها انها غير مسؤلة عن اللي صار معاها ومو ذنبها ولا ذنب البيبي انها تتحمل نتيجة غلطتها معاه اذا البنت طلعت بنت حلال بتسكت وتبتعد والله يستر عليها ةيهديها واذا شغل هلاقة خل تولي وتفهم ريلها ان هالموضوع انتهى والشي اللي بينه وبين هالبنت خلاص ينقطع واهي مستعده تسامحه انا هذا رايي الله سبحانه يتوب عالانسان ويغفر اذا كانت توبته نصوحه وسالفة الطلاق مو سهلة ترى والزواج هذا ميثاق غليظ يمكن اهو متهور طايش عديم احساس غلطان وستين غلطان بس في اولويات وانا رايي السالفة بالمرحلة الحالية تظل بيناتهم اذا ودها ان الامور ترد بينهم وتمسك بيتها اذا ناوية على طلاق ومعزمة تدخل احد بالموضوع لان خاصة هالموضوع حساس وايد وشكلة متووووووووووهق لا اكثر بالبنت علشان جذي ما قال لها انه تزوج وعرف حجم غلطته فوعدها بالزواج لانه خايف من ردة فعلها |
|||||||||||
|
|
||||||||||||
|
|
||||||||||||
|
12-10-2005, 03:32:36 PM
|
رقم المشاركة : [12] | |||||||||||
|
اختي نفيشه جذي يطلع من السالفه ويعيش حياته طولها بعرضها لو يتوب صج يستر على البنت الثانيه يعني شرايج شتسوي البنت الثانيه؟؟ يبه خل ياخذها لانها نفسه ونفس الغلط غلطوه مع بعض زوجته ليش تدفن عمرها معاه ؟ |
|||||||||||
|
|
||||||||||||
|
14-10-2005, 04:45:44 AM
|
رقم المشاركة : [13] | |||||||||||
|
نفيشة 
مع احترامي لج جذي أهو راح يرتاح و يطلع منها بعد ماسوا سواته مع البنت و شلون أصلا يصير هالشي اذا كانت غهي تبي تتزوج الأيام اللي طافت و كان يقولها لا نطريتني بقنع أهلي عشان أخذج ( طيب ليش مايخليها تروح بنصيبها أخر شي يفقدها عذريتها عشان يضمن أنها ماتروح و تظل عنده عغلى طول ) هذي مو قمة النذالة و الحقارة مو شي مقرف و مقزز حيل البنت حييييييييييييييييييييييييل غلطانة بس بالأخير إهي ضحية مثل الزوجة و الحين الزوجة على وشك و لادة و عند أهلها أهني القهر |
|||||||||||
|
|
||||||||||||
|
15-10-2005, 03:07:05 AM
|
رقم المشاركة : [15] | |||||||||||
|
مو انا قاعده اقول ان البنت مضطرة تضحي علشان هالياهل اللي ببطنها ترى صعبة يطلع من غير ابو مو علشان سواد عينه اكيد وما اختلفنا انه غلطان بس عاد شنو كانت نيته الله يعلم انا قاعده افترض انه طيش وشي ما كان متوقع عاواقبة وبلحظة ضعف علشان البنت تقدر تتقبل انها تعطيه فرصة ثانية اذا طلقها وخذا رفيجته اوكي حليتوا مشكلة رفيجته بس الزوجة الحامل شنو وضعها؟؟؟ انا اشوف حرام ينتهي الزواج ببساطة وبنيهم ياهل ماله ذنب بس اذا السالفة فيها نوايا مخفية يعني خبث وخطط ويبي يضرب عصفورين بحجر بلعنته انا ما ادافع عنه بس انا ودي تطلع زوجته باقل الاضرار والبنت اللي لعب فيها تروح تسوي ترقيع مثل كل هاللي قاعدين يسوون مو الحل ان زوجته تتحمل نتيجة غلطتهم الاثنين واهم يعيشون بسبات ونبات واهي تتطلق وتشيل ضناها على قلبها بروحها وتقعد تدودي لا ريال ولا ظهر جذي عطته اياها بارة مبردة وشدراكم وحده تتزوج شريف روما وباجر ما يقعد يخوره من وراها وهم بتقولون خل تتطلق؟؟؟ عزت الله محد تزوج عيل يبا زمننا غير زمن اول الحين المرة لازم تقدم تنازلات وتعدل الوضع مو تنحاش منه انا ما احب السلبية شنو تترك له الجمل بما محل وتروح تصيح ببيت ابوها؟؟؟ لا يبا تعال وصير خوش ريال وامسك عيالك شنو فوضة الدنيا؟؟ |
|||||||||||
|
|
||||||||||||
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اقنعه لجميع انواع البشره (ماسكات) | جوريه | العناية بالشعر والبشرة والجسم | 15 | 28-06-2007 01:59:40 AM |
| ترتيب كويتيات عالمياً |
|
|
|
اشتراك سيدة أعمال
العرض العادي
