احم احم .. ..

شلوونكم .. شخباركم ..

بصراحه ماادري شقولكم ؟ لاني اول مره أحط

موضوع أكل وجذي وتوني يديده على المنتدى ..

المهم ماعلينا ..

يبتلكم سلطة عجيبه وعن تجربه أنا مجربتها ..

*********************************

سلطة طبقات الخضار ..


طبعا هذي اهيه الصوره يمكن موواضحه

بس امبينه شوي لاني مصورتها من النقال وامنزلتها
لان ماعندنا سكنر يعني اعذروني ..

**************************************

المقادير ..

2 شرائح توست أسمر (( بس أنا عادي حطيت أبيض ))

1 كوب شرائح لهانه بيضاء ( ملفوف )

1 كوب شرائح لهانه حمراء (نفس الشي ملفوف )

1 كوب شرائح جزر

نص كوب بقدونس مفروم

انيي حق الصلصه واهم شي

1تحتها رقم ثلاثه يعني ثلث صح لووول كوب مايونيز

3 ملعقة أكل خل أبيض

شوية سكر

ملح وزيادة أنا حطيت ليمون شويه وروب مع الصلصه طلعت لذيذه ؛)

*********************

الطريقة طبعا سهله ..

تقطع شرائح التوست مربعات صغار وتحمص بالفرن بس انا قليتها بالزيت ..
يعني في طريقتين ..

تخلط مقادير الصلصة مع بعض جيداً ..

واول شي مثل ماانتوا شايفين اتحطون الجزر اول طبقة في قاع اناء التقديم
الزجاجي ثم
تغطي بطبقة من اللهانه البيضاء ثم الحمراء ثم البقدونس ..
بعدين اتحطين عليها الصلصه وتخلينها لمدة نص ساعه بعدين تقطعين التوست

مثل ماقلنا و اتزينينه فيها ..

***********

ملاحظه ..
( الصلصله حطوها تدرون شلون ..
أول شي حطو الجزر وبعدين الملفوف انزين بعدين حطوا نص الصلصه موكلها
واذا خلصت عادي سووو وحده ثانيه .. بعدين حطوا باجي مقادير السلطه بعدين
حطوا الصلصه كلها .. )

*************

وسلامتكم وان شالله تعجبكم