ام ناييف

راح اكتب المقادير مع الطريقه واتمنى يعجبكم

اولا اسلقي الدجاج ببهارات حب ورق غار هيل دارسين مسمار (تجي مرات جاهزه مكتوب عليها بهارات برياني

ارفعي الدجاج واحتفظي بالماي

جيبي قدر الطبخ احمسي بصل شرائح بزيت ثم اضيفي الخضره بقدونس واشبنت وكزبره وكرفس مفرومين عدل واضيفي بازلاء وبطاط مقلي مكعبات صغيره


اضيفي البهارات المشكله حسب الرغبة مع اضافة الهيل والدارسين البودر والكزبره والملح

واذا توفر عندك معجون بهارات راجا للبرياني اضيفي ملعقه كبيره
وحركي الخضره عدل
اضيفي الدجاج المسلوق يكون مقطع احسن
اضيفي عليه ربع كوب ماي ورد بزعفران وشوي لون الزعفران
صبي عليهم 1-2 روب حسب كمية الدجاج كل دجاجه 1 روب

لا تحركينه اذا صبيتي الروب خليه شوي على النار 2 دقيقة طفي النار وغطي القدر وخليه على صوب كل ما طول كل ما تسبكت الدجاجه عدل

في الوقت هذا اسلقي العيش بماي الدجاج واشخليه
ردي قدر الدجاج على النار خلي الخلطه تغلي شوي كبي عليها العيش المشخول
ورشي على الوجه شوي سمن و ماي الورد بالزعفران اقل من ربع الكوب
خليهم على النار لما ينضج البرياني

عند الغرف طلعي الدجاج بحذر بره القدر واخلطي العيش مع بعض عدل
وشوفي الطعم والريحه

وعليكم بالعافيه وكل عام وانت بخير

توقيع » ام ناييف

"رَبِّ اشْرَحْ لِي صَدْرِي وَيَسِّرْ لِي أَمْرِي "

حــســبــي الله عــلــى اللـــي بــلانـــي*** انا ارجي اللي من ترجاه مايخيبه
عــالــم الــظــاهــر ومــابــيـن ضـلعانـي ***يجلي هم بقلبي تزايد لهيبه
ويـريـح بـالــي ولا يــفــرح عـــدوانـــــي***يبين الحق والظالم ظلمه يخيبه

^^دموع الكويت^^

تسلم ايدج

توقيع » ^^دموع الكويت^^

بيتزا بيتزا بالخطوات من دموع الكويت & مبارك عليكم الشهر & جديد رمضان 2011

خبز العروق من دموع الكويت بالخطوات جديد رمضان 2011

معكرونية بالمشروم مع الكريمة بالخطوات من دموع الكويت

جديد رمضان 2011

لقيمات من دموع الكويت بالصور جديد رمضان 2011

معكرونية السبانخ بالمشروم مع الدجاج بالكريمة بطريقتي ((حياكم)) جديد رمضان 2011

موقع اكلات دموع الكويت بالصور حياكم الله

اللي تحب تشوف كل مواضيعي

http://www.zzrz.com/mlion.htm

فروحة توحة

تسلم دياتك يا ام نايف عاد بناتي يحنون يبون بريالني

توقيع » فروحة توحة

bnt q8 in usa

تسلم ايدج الطيبه

توقيع » bnt q8 in usa

توكلت في رزقي على الله خالقي وأيقنت أن الله لا شك رازقي
وما يك من رزق فليس يفوتني ولو كان في قاع البحار العوامق
سيأتي به الله العظيم بفضله ولو لم يكن مني اللسان بناطق
ففي أي شيء تذهب حسرة وقد قسّم الرحمن رزق الخلائق

jolie_q8

تسلم ايدج..شكله صج لذيذ