دندونة

السلام بنات ... الصراحة كل ما امر صوب صوالين الرقعي ....... استغرب من كثرتها ... يعني العمارة الوحدة فيها 4 او 5 صوالين لدرجة اني اخاف ادشها. المهم بما انهم بهالكثرة اكيد احد فينا جربهم..... فاللي جربت منهم شي تقول لنا . ودي ساعات ادش اتطمش واشوف يمكن يجوز لي شغلهم. المهم اني دخلت التالي وبقول اللي شفته ويا ليت بنات اللي جربت شي تذكره عشان يصير مرجع لنا بالذات اللي بيوتهم قريبة عالرقعي.
1. لمسة فن ..... شفت مكياج يهبل وتسريحات الصراحة رووووووعة وما توقعت
انهم يضبطون التسريحات شذي.
2. مرة دخلت فجر العهود........ وشفت بنات حاطين مكياج يهبل بس منو اللي حط لهم
ما دري.
3. الوردة البيضاء.......هم مكياجهم حلو
4. بروفيشنال ...... شفت وحدة صابغة عندهم وتهبل صبغتها..... بس من زمان.
5. الخطوط............. شفت وحدة حاطة مكياج عندهم ورخيص على 15 ويهبل
تفاجات من خطتهم.

الزبدة في صوالين حلوة بس ضايعة بهالزحمة يا ليت نتعاون ونقول كل اللي نعرفه عنهم.

قماشه

ما ادري انا اخاف منهم مره دشيت وشفت ان المسؤوله تقرا فنيال (فنجان) للزيابن وخفت

دندونة

مرمر اي صالون هذا؟؟ انا مثلك اخاف ادخلهم من كثرهم. بس اللي دخلت لهم وعجبوني لمسة فن ...... بس الصراحة ما تكشين منهم الصالون متروس حريم والموظفات خوش بنات.

فناااتك

انا اخاف من الصالونات اجيب وحدة للبيت اضمن

توقيع » فناااتك

هاليوزرنيم مشترك بينى وبين اختى سوسو

دندونة

جهراوية ....... اي ميخالف تجيبينها حق حف وشيرة وهالسوالف...... بس اذا صبغ .استشوار .... تسريحة. مكياج . شلون؟؟؟ لازم تروحين.واذا تبين تسوين هالشغلات بالبيت ما يطلعون لك الزينة .لأ يطلعون اللي شغلها نص ونص . الزينة يبونها حق اللي عندهم بالصالون.

حبنا الله عليه

انا وخواتــي مرابطين عنـد ( فجر العهود )

احسن منيكير وبديكير عندهم .. جربت شكثر بس اهم غير


والحف والشيره والمساج والقص وتنظيف البشرهــ

بس ميك اب وتسريحات صراحهـ مانحب الا خبيرات كويتيات

وعندج ( لمسة فن ) حفهم حلو بعد

اما الباجي مايعجبوني كلش ملش

:: عائشه بقلبي ::

ديروا بالكم

من صالونات الرقعي

دعاره ومصائب


وبالذات صالون زورينا

تري تدخل ولدها ريال شكبره

يطالع الحريم

قطيعه اللي علمتني فلبينيه

قالت ماما ديري بالك تروحين الصالون

لانه فيه ريال

عندكم الزين وسمعتهم زينه

ماربيلا فجر العهود لمسة فن

توقيع » :: عائشه بقلبي ::

ايرانية عسل

اي والله يخوفون الصالونات الحين بس للأمانة صالون الخطوط هم بعد سمعتهم نظيفة
لأن صاحبة هذا الصالون نفسه صاحبة صالون الجابرية اللي عند وردة وايد حلو مكياجهم
روعة انا اذا صارت عندي مناسبة أحط عندهم وسلامتك

توقيع » ايرانية عسل

وبشر الصابرين

*** دلــــع الكــويـت ***

السلاااااااااااااام


مشكووووووورين


انا جربة

صالون الجوهره بالاس

ماكياجهم روووووووووووووووعه يخليونج عروس
واحسن وحده امينه وفوزيه


ولمسة فن حيييييييييل يمدحونه بس الامانه عمري ماجربت ماكياجهم

بس تسريحاتهم الكل يمدحهم وسيشوارهم هو حلو

وصالون شيك ليدي هم روووووعه ماكياجهم عن تجربة بنات خالي شفته عليهم رووووووووعه




اما الباقي ماجربتهم

واللي يعافيكم اللي تعرف رقم صالون الخطوط تعطيني الرقم او مكانه ؟؟؟؟




وشكرا على الموضوع الروووووووعه


دلــــــــع الكـــــــــــويـــت

توتو الحلوة

كلهم بوطقه

مرح

لمسة فن أحلى شىء وبذات مكياج رشا

دندونة

( الخنساء ) .. انا شقلت لك اول الموضوع اقول كثرتهم تخوف بس اكيد في منهم الثقة والزينين. بس تعالي اشفيه صالون ( زورينا ) انا شاكة فيه تدرين ليش؟؟؟؟؟؟؟ مرة يكتبون اسمه زورينا ... مرة روزيتا............مرة روزينا........ كل شوي يصكر ولما يفتح يغيرون الاسم. وضعهم مو طبيعي. الخطوط خوش صالون واللي يشتغلون فيه مضبوطين والمدام صاحبة الصالون شديدة وخوش مرة . ماتحب المياصة والدلع والخرابيط انا كنت اتعامل معاهم . جربت حفهم واستشوارهم بس من زمان. وفجر العهود وماربيلا امدحوه لي كم وحدة وخاطري اجربه. ( دلع الكويت) الله يسلمك ومشاركتك هي الاروع. لمسة فن شغلهم روووعة وشوف عيني ماحد قالي. والخطوط ما عندي رقمه بس بادوره لك. وترى العمارة اللي اهو فيها عالشارع بسطرة فجر العهود وهالصوالين بس عمارته على داخل شوي يعني مو نفس اللاين لا رادة على داخل شوي والزين فيه ان الصالون درو ارضي . انا اخاف اصعد باي عمارة.وترى لوحته كبيرة وواضحة. وان شاءالله البنات ما يقصرون يوصفون لك احسن مني. وشكرا.............

عمري الكويت

نات انا معاكم عندكم صالون لمسة فن وفجر العهود والدار البيضاء وفي صالون أتعامل معاه للحف سلسبيل وايد حلو وثقه حتى صاحبته مره كبيره في سن وملتزمه وعندكم بروفشنال حلو وليدي شيك انا ما جربته بس شفت مكياجهم على خواتي يجنن والله حلو والخطوط جربت مكياجهم من زمان وايد حلوو .

الأميرة

لمسة فن خوووووووش صالون بروحله هاليومين مكياجهم وتساريحهم ولا اروع انا زبونة عندهم
الدار البيضاء حق الصبغ روعة و عندهم وحدة اسمها جيني تحط مكياج يهبل بعشرة لا يقصون عليكم يقولون ب15
هالصالونين هم اللي دايما اجيهم اما الباقين اخاف منهم بصراحة

توقيع » الأميرة

دندونة

الاميرة........ منو احسن وحدة جربتيها .للتسريحات .عندي مناسبة شهر 9. الصراحة انا شفت بالفرع القديم اكثرهم يسوون تسريحات حلوة بس انا شقلت.اذا تعرفين وحدة مميزة ابروحلها على يوم واطالعها واحجزها..... تدرين انا اموت عالتسريحات بس عمري ما سويت تسريحة..... اخاف اسوي احس يطلع مو حلو او ما يضبطون اللي في بالي.