راقيه بأخلاقي

السلام عليكم بنوتات ..
إشلونكم؟؟

أتمنى تكونون كلكم بخير


طبعا كل بنات المنتدى حلوين و زي القمر عشان جذي قلت للحلوات فقط لأنكم كلكم حلوين لكن الأحلى اللي بيجاوبون علي

بنات كل وحدة تقولنا شنو أحسن عمر مناسب للبنت حق الزواج؟؟؟؟

وشنو الأحسن تخلص دراستها بعدين تتزوج والا تتزوج بفترة دراستها ( أقصد اذا كانت بجامعة أو معهد مو الثانوية) ؟؟؟



يالله بنات نبي آرائكم .. وخصوصا المتزوجات خل يفيدونا

نفنوف كشكش

انزين والجياكر مالهم رب

انا مومتزجه بس اذا ماقطيت ويهيي يومي ماراح ايعدي علا خير فرايي اتحلص دراستها عشان ماكو شي يشغلها علاموود تتفرغله تفرغ تام

الغلاااااااكله

صراحه اللي اشوووفه ومن رايي

انه لو تـقدم لها شخص ملتزم ويستحق عادي تاخذه
حتى لو في الجامعه

لو قلنا نخليها حتى تخلص الدراسه
ماينفع ويمكن مايجيها مثل اللي ردته

بعدين الحين مدرسات ومتزوجات وشغلهم

اكثر تعب من اللي تدرس

ولكن ماتكون في الثانوي
لانها صغيره

اول ماتخلص هالمرحله

عاااااادي

والارزاق بيد الله

مشكوووره عالموضوع

.
.

.

أم ملاك

انا مع الغلاااااااااا كله باللي قالته وحبيت اضيف انه ماكو قاعده على اساسها نحدد اي عمر مناسب لان هالشي يختلف من وحده للثانيه اذا اهيا قادره تتحمل المسئوليه البيت والريال والعيال وتحس انها قادره وفي بنات صغار بس عقولهم كبيره ويفكرون احسن من الكبار يعني عندج مثلا حليمه بولند مو صغيره لكنها دايما تذكر انها للحين مو متحمله المسئوليه واهي طفله ما تقدر تربي طفله ومن هالكلام العمر مو مقياس والعقل وحسن التصرف وتحمل المسئوليه هو المقياس لكن احيانا يقولون صغيره وايد ما يصلح على اساس جسمها ما يتحمل الحمل والولاده ومن هالامور ..


اما بالنسبه للدراسه فهو نفس العمر انا اعرف بنات تزوجوا واهم يدرسون تعطلوا بالدراسه وتاخروا ولا ماكملوا بعد وفي ناس كان هالشي دافع خاصه اذا كان الريال متفهم ويشجع اعرف وحده بالجامعه بعد ماتزوجت تفوقت وارتفع معدلها والحين خلصت ....

توقيع » أم ملاك

ظلال القرآن

عن تجربه مأساويه

لا والف لا للزواج قبل التخرج

بنوتة عسل

اعتقد ان سن الزواج المناسب 20

وذا قبل يعني 19 او 18 بعد زين بس مو قبل

لان في سن 17 تكون البنت بعدها صغيرة

ومو مشكلة اذا كانت تدرس في الجامعة يعني مخلصة ثانوي

تحياتي

bnt_kwt

البنت حلاتها تخلص الثانويه وتتزوج
يعني 18 او 19 سنه عمر حلو ومناسب
ودراستهات الجامعيه تكملها واهي متزوجه عادي
كلنا سوينا جذي لانه الدراسه على حسب البنت اذا كانت اتحبها او لا ما تحبها
ومالها خلق الدراسه فتحط الزواج عذر لها انها موقادره توفق بين الزواج والدراسه
وانا من رايي عادي لاني انا تزوجت وكملت دراستي والحمدالله

توقيع » bnt_kwt

اعتذر عن قله تواجدي بالمنتدى بسبب ظروف خاصه

نفيشه

انا اشوف ان هالشي نصيب والنصيب الفرص الزينة ماتتكرر يعني الواحد مايرد بحجة العمر والدراسة
لا اللي يرفض علششان شي بالاخلاق مثلا ولا ابلدين ولا بالاصل ولا شي معقول
لكن العمر مو حجة
وهم يختلف النضج العقلي من شخص للثاني ناس مشالله تقولين اكبر من عمرهم وناس مهما تقدم فيهم العمر سفهه وجهلة

الزواج عموما ما يخضع لقانون ثابت

توقيع » نفيشه

اللهم ارحم طلال و وليد وخالد وعافهم واعف عنهم واكرم نزلهم .. اللهم اجعل قبورهم من رياض الجنة
اللهم اشف فيصل والبسه لباس الصحة والعافية واجره في مرضه يارب

رونه

انااا عندي تخلص درااااستهااا ووتزووج وعااادي تملج وهي تدرس او انهااا تتزوج بشرط مااتحمل الا بعد مااتتخرج...

توقيع » رونه

*سبحان الله بحمده ** سبحان الله العظيم *

MY BD 11-2-1987
مطلوب





البلوق عالم جميل..

http://trendygirl87.blogspot.com/

راقيه بأخلاقي

مشكورين بنات ويعطيكم ألف عافيه على تجاوبكم

بعد خنشوف باجي الآراء

رفرف

انا احس ان احسن عمر من 22 سنة فما فوق ...
البنت تكون نضجت وعقلت وثقلت وتكون مخلصة دراستها او قريب اتخلص ..

ترى حتى لو كانت البنت تتحمل المسئولية بس اذا استلمت المسئولية من وهي صغيرة وبيت وعيال بتحس ان عمرها يركض وانها ما عاشت عمرها لأن اللي اتييب عيال وتهتم فيهم صج وايد وايد تتعب ولازم تكشت بروحها وتتخلى عن اشياء وايدة علشان بيتها وعيالها ...
فالأفضل ماتكون صغيرة حيل تكسر الخاطر خخخخ (مجرد وجهة نظر)

توقيع » رفرف

اللهم اغفر لـ(طلال) وعمي (خالد) وارحمهما واعف عنهما وأكرم نزلهما ووسع مدخلهما
اللهم ان كانا محسنين فزد في حسناتهم وان كانا مسيئين فتجاوز عن اساءتهم واغفر لهما وارحمهما إنك أنت الغفور الرحيم

مطفوقه^ملقوفه

أنا أول ميييييييييته أبي أبي أتزوج عقب ما اخلص الثنوي لأن أبي عيال بسرعه ومايكون بيني وبينهم فراغ كبير علشان أفهمهم
لأن بيني وبين أمي فراغ وايد كبير مع خواتي غير فيها شده أنا لأ لما وعيت ابي أطلع وابي تكون امي صديقتي وتونسني وتفرفر فيني أهي خلاص شبعت وكبرت ما تبي
مو معناته أمي مو متفهمه بالعكس بس ظروف السبن علشان جذي قلت ابي عيالي ورا بعش وأييبهم صغيره
تخرجت من الثنوي أولا ما ياني نصيب للحين بعدين صرت متردده علشان دراستي والسبب لي طموح اكمل دراستي فلازم بالجامعه اييب معدل لكن ان ياني واحد ما ينعاب وزين وما يتطوف ممكن أملج واقعد عند أهلي لين اتخرج وطبعا اهو حر سواء وافق أو رفض او مثل ما قالت رونه بدون عيال
ورايي من راي البنات الزواج ماله سن معين كلللللش وايد صغار وعقلهم كبير ووايد كبار وعقلهم صغير
على الوحده اللي تتحمل مسئولية بيت وريل وعيال وربى عادي ماكو مانع وتره اللي نسوا البنات يذكرونه الريال له دور وااااااااايد مهم يعني في رياييل عقلهم صغير وفي يحبطون المره وفي يشجعونها ويفتحون عقلها ويكبرونه لها وبجذي يلعب الريال دور بتغيير مرته ويخليها تتحمل المسئوليه
أدري قرقتكم بس هذا رايي

ومشكوره عالموضوع الحلو

توقيع » مطفوقه^ملقوفه

يا مثبت القلوب ثبت قلبي على الأيمان وطاعتك يا رحمن وأغفرلي ولذوي وأرزقني بزوج صالح يخافك ويهابك واجعلني من المستظلين بظلك يوم لا ظل الا ظلك برحمتك يا ارحم الراحمين واجمعني مع من أحبهم فيك بأعلى درجات الجنه
اللهم آمين














[IMG
2005/w6w_20050618022640f418e0d4.gif[/IMG]
رقم التسجيل((62))

طوق البنفسج

انا من لراي اتخلص دراستها احسن عشان تكون متفرغه تماما و عموما مثل ماقالوا البنات الموضوع كله نصيب يعني ياما بنات مايبون ايتزوجون اصغار تزوجوا اول ما خلصوا الثنوي و بنات احنا لي تخرجنا من الثنوي بنتزوج الريل اهو الاهم و توموا قاعدين لي الحين بدون زواج فالمساله كلها قسمه و نصيب نصيبج ايصيبج على قولتهم

توقيع » طوق البنفسج

اللهم ان عمي نزل بك و انت خير منزول به
اللهم قه فتنه القبر و عذاب القبر
وجعل اللهم الجنه داره و مستقره و مثواه


{ وَلا تَيْأَسُوا مِنْ رَوْحِ اللَّهِ إِنَّهُ لا يَيْئَسُ مِنْ رَوْحِ اللَّهِ إِلا الْقَوْمُ الْكَافِرُونَ }

معلمه متميزه

رايي من راي الغلا كله .. اذا تقدم للبنت شاب يعتبر فرصه وما يتطوف اذا كانت بالجامعه تاخذه صراحه وتكمل دراستها حتى لو طولت ما يضر ..

ا

توقيع » معلمه متميزه

عوضي عليك يااااارب

" استغفر الله الذي لا اله الا هو الحي القيوم واتوب اليه "

under shadow

سبحان الله كل وحده لها رايها الخاص بس انا عن نفسي افضل الوحده تتزوج بعمر ال24 لأنه انسب عمر خير الامور اوسطها وتكون موظفه

فأنا وحده تزوجت عمري 23 وموظفه والحمدلله لأن حصلت على الوظيفه قبل زواجي كان لهشي تأثير على حياتي فزوجي تعود على استقلاليتي وان عندي رفيجات وان دوامي مختلط وان وان وان ..
وعندي رفيجات تزوجوا قبل مايتوظفون بسنه وكان ايضا له تأثير سلبي وزوجها كان يتدخل في كل أمورها حتى المعاش وعندي ايضا رفيجات تزوجوا بعمر ال18
ففي الوقت اللي انا توني متزوجه فيه وأجهز اهم كان لهم 9 سنين زواج وعيال ودوووخه وشكلهم اكبر من عمرهم وكانوا يقولون لي ياحظج والله هذا احسن عمر البنت تكون واعيه فيه
وعندي ايضا رفيجات تزوجوا بنفس الطرقتين السابقات وايضا مرتاحين ولا ازواجهم يصرفون على لبسهم وشغلهم

يعني اهي مالها عمر محدد بس الزواج على كثر ماهو حلو واستقرار نفسي
على كثر ما هو متعب ويبيله طوله بال وحكمه في كثير من الامور

ومثل ماقلت خير الامور اوسطها يعني 24 وتكونين موظفه

توقيع » under shadow

uNdeR shAdoW