جـرحي نسـاني الـسماح .. واقعيه

robe قال:

nice bdaya tshweg kamlay mo twgfen etha ma lgety rdod l2na elbnat busy m3a elemte7anat 3la ma a'6n woo thanx

أنقر للتوسيع...

لا ان شاءالله ماني موقفه
حياج الله حبي

مرت ايام ومرت شهور ودشينه ب سنة 2012

لا مكالمه .. لا شوفه .. ولا شي من حسن

نسته .. اي نسته !



-



اليرموك .. الساعه 4 العصر



دخلت البيت وهي تصرخ : ميرييييييييييي ميرييييييي

ميري طلعت تركض من المطبخ : يس ماما

منار : وين بابا !

ميري : بابا فوق شغل ماكو يجي

منار استغربت : انزين روحي حطيلي غدى بسرعه وسوي جاي وقهوه ماما مروه يجي بعد ربع ساعه

ميري هزت راسها ودخلت



" اعرفكم على منار .. حساسه .. دلوعه .. بسرعه تزعل .. بس بسرعه تنسى الزعل .. بشوشه .. ابتسامتها دايم بشفايفها حتى لو كانت متضايقه .. محترمه .. تكره الجذب والخيانه .. جسمها مليان بس متناسق احلى مافيها خدودها وغمازاتها شعرها كستنائي طويل لي اخر ظهرها " ماتحبه قصير " بيضه بس مو ذاك البياض .. اخر سنه لها بكلية التربيه .. عمرها 24 سنه .. خطبوها وايد ناس وكله ترفض وبدون سبب " من بعد حسن عافت الرياييل " امها متوفيه من وهي كانت 15 سنه عايشه مع ابوها "

عبدالمحسن" "



صعدت غرفتها وبدلت ملابسها ونزلت تحت تتغدى

رن تلفونها " احس الشعر مايكفي ولا توفيغلاه سطور ياما سكن قلبي وهو يملي دواويني يا كل الحب لو طال الزمان اقول لك مشكور على قلبك على احساسك على نبض الشرايني ..

شالته بملل : هااا

مروه : ويعاه تويعج قومي فجي الباب انا بره

منار : منو وياج ؟

مروه : محد عيالي عند ابوهم

منار : لااااااااا ليشعااد

مروه : لعانه خلصي فجي الباب احترقت خيسه

منار سدته بويها وهي منقثه صرخت " ميري فجي الباااب "



" مروه بنت خالة منار "

" مروه عندها خالتين .. منيره واميره .. اميره ماعندها عيال غير احمد الي يدرس بره وراحت معاه لمه يخلص دراسته اهي وريلها .. منيره عندها مروه وفوز و ساره وخالد و مشاري .. اكبر عيالها مشاري عمره 30 سنه متزوج من 5 سنين عنده بنت وحده اسمها لجين عمرها 3 سنين ومرته حامل الحين .. خالد عمره 28 مو متزوج يسافر ويروح ويرد ويطلع وعايش حياته براحته .. مروه عمرها 25 سنه متزوجه من 6 سنين عن حب طبعا كان عمرها وقتها 19 سنه عندها بنت ( دلال سنتين ) و ولد ( فهد ثلاث سنين ) .. فوز وساره توأم اعمارهم 18 سنه توهم متخرجين من الثنويه "



دخلت مروه البيت وسلمت عليها وقعدو يتقهون وخذتهم السوالف ،



مروه : اقول منوور

منار : ورا هالمنور شي ! شتبين؟

مروه : تعرفين بنت عمي رهوف؟ الي متزوجه وعندها عيال

منار : اي شفيها؟

مروه : شافتج ذاك اليوم بعرس محمود وقالت لي تبيج حق ولدها

منار : مابي

مروه : منور والله خوش واحد مايطوف

منار : قلت لااا

مروه بتجري : منور الله يخليج لا تفشليني شنو عايبه ياخي جمال وجسم و وظيفه و حبوب و سمعته وايد زينه

منار : قلت لا يعني لا خلاص مروه لا تحنين

مروه قامت بقهر : الله ياخذ هالحسن ولا يوفقه

منار : مروه!!

مروه : شوفي منار حالتج كلش ماتقبل بدشين ال 25 ومو متزوجه وشكثر خطبوج و رفضتي شناقصج قوليلي؟ جمال ؟ عندج وظيفه بتتوظفين هالسنه ان شاءالله وبعدين شدراج حسن مو متزوج شدراج انه مانساج وعاش حياته مو كافي سنه لا دق ولا دز مسج ولا سأل و

منار قاطعتها : خلآآآآآآآآآآآآآآص!!!!