اللي مجربين ليزر لعلاج الندوب(الفراكسل-الفراكشنال-الاكتيف-الموزاييك) تعالوا ضروري

السلام عليكم

صارلي يومين

مع العم قوقل ابحث لعلاج يكون حق الحفر والمسامات واثار حب الشباب

انا عانيت مدة سنتين او 3 قبل ادش الجامعه

من حب شباب قوي

مع ان قبل اول مراهقتي والمتوسطه واول الثانويه بشرتي صاااااااااااااافيه

ولا حبه

وبيضه بعد وفيها نضااااره

ظل دكتور الجلديه يعالج فيني بالكريمات سنه ( فيوسيدسن- زنيريت - حبووب مضاد حيوي - دفرين - اكرتين - الفاكورت - ومن هالانواع )

وظل يطلع فيني حبوب كبار

ما ينقطع الحب

وعطاني حبوب روكيوتان

جففوا بشرتي حيييييييييييل وكنت مهمله الترطيب

ظليت على الحبوب 5 شهور

واخر الشهور حيل جفت بشري وانقطع الحب لدرجه من اهمالي للترطيب

تحفر وجهي

وظليت مع هالمعاناة الحفر من الـ 2009 واخر الـ 2008

استعملت طين البحر الميت مدة سنه يمكن وشوي خفف الحفر كنت احطه ماسك 3 مرات بالاسبوع

ماركته كانت beauty secrets

كنت اشتريه من وحده مصريه تشتغل بصالون لان ما كنت القاه بالاسواق ولا اي مكان

وفعلا خفف

وكان يسحب الدهون من بشرتي يعني لما كنت استعمله بشرتي انا دهنيه فكانت المسامات نظيفه واحس كان يشد وجهي لذلك كنت الاحظ انه مافي حفر حيل وانها خفت

اهملت بشرتي وانقطعت عن طين البحر الميت

وقلت استعمل شي بالعيادات

سويت بعيادة cmc جلسة تنظيف بشره بالاوكسجين بـ20دك وظل وجهي يلمع اسبوع ع اساس ابدي جلسات تقشير الكرستال ولاسباب ماديه وهم ماكان عندي وقت ما كملت ولا بديت جلسات تقشير الكرستال هي جلسة تنظيف وبس سويتها عندهم

رحت بعدين لمركز الجهراء التخصصي اللي فوق سوق كرز عند مدام فاديه والدكتوره نانيس

قالت لي الليزر هو العلاج للحفر انا عندي جلسات تقشير تساعد شوي بس مو حل نهائي

وسووا لي عندهم جلسة تقشير الماسي مع جلسة تبييض تقريبا بـ50دك

وعقب لما داومت بالجامعه

كل من شافني منهبل على شكلي

رد وجهي فيه حياه وصار افتح وتقريبا اللون توحد

ولكن يافرحه ما تمت باسبوعين او 3 ويمكن اقل

ردت بشرتي مثل ما كانت

ظليت افكر واجد وقلت اجرب الليزر انا قبل رحت العرف سنة 2009 وكان ماعندهم جهاز الفراكسل ونطرت واجد واجد

وماجابوه

وانا سمعت بالاعلانات انه في بالريان كلينك

رحت الريان كلينك

الدكتور ماقدر يبدى الليز الفراكسل معاي

لان وجهي حبوب طلع

وعطاني ادويه عاديه

نفس اللي قبل كانوا يعطوني الحكومه قبل استعمل الروكيوتان
وعطاني موعد بعد اسبوع وجيته وهم الحبوب ماراحت
وقالي استمر على علاجاتي واجيه بعد اسبوعين وجيته وهم حبوب وغير لي كريمات

المهم اني قطعته والتهيت بامتحانات الفاينال هالكلام اخر شهر 5 واول شهر 6 انا جيت الدكتور اخر شهر 4 واول شهر 5

عقب لهيت فاينلات وتسليم بحوث

وخلصت على خير بدا الصيفي خفت اسوي فراكسل بهالظروف وانا اداوم صيفي وجهي يحترق وقلت لما اخلص صيفي

الحين انا اخر يوم صيفي 1/8

يعني تقريبا باقي 10 ايام

نسيت اقولكم اختي مغامره مع انها تداوم وعندها دوام بهالشموس

سوت جلستين من الفراكسل اخر شهرر 5 واخر شهر 6 وجلستها الثالثه بعد ايام قليله

وهم سوت عند الريان كلينك

صراحه اللي لاحظته ببشرة اختي
صارت بييييييييييييييييييييييييييضه حييييييييييييييييييييييييل

وهي اساسا بيضه جسمها ابيض بس وجهها كان مصوفر وهم فيها ندوب ع الخدود والحنج

اللي اشوفها جبتها من اول جلسه صارت تلمع حيل وصاااااافيه ووجها شد بس لما اركز ع الحفر للحين اشوفهم ما راحوا

هو الفراكسل قالها الدكتور انه يحفز الكولاجين بالبشره ويبين ويفرق حيل معاها على ثالث جلسه

والغريبه اختي تقول ماتقشر وجهها ولا قشره

وبس يووم واحد ما حطت مكياج وعقب ثاني يوم داومت وحطت مكياج

المهم

ما ادري حسيت انه الفراكسل خفيف

وودي بشي اقوى قريت بالنت عن تجارب البنات بمنتدى حواء ومنتدى الفراشه ومنتدى سيدات الامارات وهم منتدى كويتيات

في وحدها كان نكها لولي وواجد مثلها بمنتدى كويتيات خلصوا جلسات الفراكسل وكانت نسبة التحسن 40%

الفراكشنال في وحده بتجمع اهني بمنتدى كويتيات حق البشره المندبه انه نفعها واقوى من الليزر الفراكسل وفي قريت اهني انه في دكتور بالمواساه يسوي الجلسه بـ250 وهو بالغالب جلسه او جلستين وخلاص

ومدة اثره على البشره 3 سنين

على عكس الفراكسل حده 7 او 8 شهور لما تخلصين جلساته ويرجع جلدج نفس ماكان
وهم قريت عن الليزر الاكتف اف اكس

اللي سوته ام جراح 2 عند د عماد نجاده وهي كانت تعاني من الكلف والتصبغات والمسامات واحترق وجهها

واللي فهمته منها انه الاكتف يعادل 4 جلسات فراكسل واقوى

وفي تجارب بنات اهني سووا الليزر الاكتف اف اكس عند د مشعل الغريب بالسلام وسعره من 450 الى 600

ويقولون انهم استفادوا

وقريت بمنتدى سيدات الامارات واجد تجارب تشجع على الفراكشنال

وعلى الليزر الاكتف اكس

ومحتاره بينهم

هو انا قاطه فلوس قاطه بس ابي استفيد وابي شي يظل يدوم

مو بس 7 او 8 شهور وخلاص نفس الفراكسل

في بنت قريت لها رد بموضوع لولي اللي صار نكها احاسيس دافئه ان في دكتور بمركز زهير الطبي قالها راح يسوي لها جلسات بشي يبطط جنه ابر ع اساس يشيل الحفره من جذعها وخلاص ينب جلد جديد ونسيت شنو اسم هالدكتور بس هي عضوه جديده بس لها مشاركتين بالمنتدى وما قالت شنو اسم هالتقنيه هل هي الديرما رولر او شنو بالضبط



بنات انا محتاره شنو تنصحوني

اسوي جلسات تقشير

والا اسوي ليزر

واي نوع

اللي مجربين بليز اكتبوا تجاربكم

نبي نخلي هالصفحه تجمع حق اللي يعالجون الحفر acne scarsبتقنيات العيادات سواء ليزر او ديرما رولر او تقشير ممكن يفيد وهم سمعت عن الليزر موزاييك بس ماشفت عنه تجارب بمنتدى كويتيات

انا تعبت من بشرتي

وخلاص مو قادره اتحمل

ان شاء الله هم يستفيدون وانا استفيد وتعم الفايده

http://www.q8yat.com/t336047.html

هذي تجربة ام جراح عند د عماد النجاده بالليزر اكتيف

تجارب الفراكسل

ام منصور

http://www.q8yat.com/t119391.html

تجربة سويت هارت عند انتر ناشونال كلينك

http://www.q8yat.com/t509968.html

تجربة العضوه غرور عند د ماجد تقي بالفراكسل فيها تصبغات
http://www.q8yat.com/t1030878.html

هذي تجربة العضوه لولي اللي صار نكها احاسيس دافئه
http://www.q8yat.com/t107668.html

هذا رد غاليه على ابوها باخر صفحه بموضوع لولي والفراكسل

http://www.q8yat.com/t107668-38.html

غاليه على ابوها قال:

السلام عليكم


باركولي يا بنات أخيرا وصلت لأخر صفحه


لولى انا حبيت تجربتج وصراحتج حييل وكنت اتابع خطوه بخطوه

وانا لى تجربه مع مركز زهير الطبي حاليا وما زلت مستمره مع طبيبي

راح احاول أوضح عده أمور بس اتمنى الكل يعرف انه كلامى بناء على تجربه شخصيه بعد ما مريت بتجارب سوده بعيد عنكم

بالاول اشرح لكم بشرتى أنا سمره مو حيل تقدرون تقولون برونزيه شوى يعني لونى حلو فديتينى

وكنت اعانى مثلج لولى ندب وأثار حب الشباب باحجام مختلفه

المهم رحت من سنين لدكتور لطفى عبدالحميد مصرى بمستشفى السلام عشان الليزر

وطبعا تجربه رهيبه مريت فيها واحترق وجهى والظاهر برفسور اي كلام لانه ما صارحنى ان الليزر للبشره السمره

خطر ويغير اللون وطبعا ليزر زمان مو مثل الحين اتكلم عن عشر سنوات

خلال السنوات هذى ما خليت تقشير ما سويته وسافرت مصر سويت تقشير بماي الذهب و و و و

لين مليت عمرى وقعدت اعالج البقع السوده الى للحين ترا موجود اثار لها ونسيت الامر وتعايشت مع بشرتى

وبعدين سمعت عن جهاز الفركسل بمركز زهير

شفت كذا مو وضع وتشجعت بصراحه اسويه مع انى متردده بس قلت دام ان جتنى الجرائه لاعاده التجربه مو خسرانه شي

هى بشرتى خاربه خاربه يا تصيب يا تخيب

ورحت مركز زهير سالت عن الفركسل وفتحت ملف ودخلت على دكتور مصري اسمه هشام

لما شاف بشرتى وشرحت له قالى وانتى مصممه على الفركسل قلت له انا ابي من الاخر يعني افضل شي الحين بسويه وخلاص

تتوقعون شنو قالى وصارحنى فيه وهذا الى خلانى اثق فيه بصراحه الله يتممها معاي على خير

قالى انا اقدر اسويلج الفركسل بس بعد 7 او 8 شهور راح تردين لى وما راح تخلصين من الجلسات ورمي الفلوس

وبشرتج تعبانه ويبيلها اعاده بناء

لما قلت له والحل ؟؟ قالى راح اسويلج شي بالكويت ما حد يسويه غير 4 دكاتره فقط وقاله بالانجليزي ما اذكر شنو

بس بأول موعد لى راح اسئل عن اسم العلاج الى يسويه لى واكتبه لكم وادخلوا النت واقروا عنه افضل

المهم الجلسه مو غاليه بحدود 100 وفى ناس قالو لى احنا دفعنا 130 يعني ما تزيد عن السعر هذا

قالى راح تحتاجين 3 او 4 جلسات

خذيت موعد وتوكلت على الله ورحت له

المهم يا بنات الجلسه ما استعمل فيها اجهزه عباره عن ابره باخرها مشرط صغير حيل مدرى اشلون صايره

طبعا حطلى بنج موضوعى بعدين حقنى ببنج بخدودى وبدى يشتغل

خلال شرحه قالى انا ادخل بالابره هذى لكل حفره واشيل الجزع الى طلعت منه الحبه ومضمور داخل خدك وخلال ايام راح تنبني

الانسجه الجديده بس اهم شي الوقت لا تساليني عليه يبيلج طوله بال معاي لانى بسويلج شي دائم

يعنى بعالج البشره من الداخل وهذا المهم عندى

طبعا بعد ما خلص تشريح فيني ههههههههههه لا تخافون ما حسيت باي عوار والحمدلله

شفت بالمرايا وجهى الله لا يوريكم متفوخ طبعا ومكان الحفر ازرق على احمر يعني شي ما ينشاف

وصف لى كريم الفسودين الاحمر 3 مرات يوميا وكريم كدمات لونه اخضر راح اشوف اسمه واكتبه لكم ومضاد حيوي لمده اسبوع

المهم خذيت موعد بعد اسبوع كان الانتفاخ خاف والحمدلله والالوان خفت وطبعا ممنوع تشيلين واكس او تحفين وجهج

تحت كل حفره حسيت بشي مثل الانتفاخ الصغير مثل الخرزه طبعا منهم فوق سطح البشره بشوى ومنهم احس فيه لما احرك صبعى مكان الحفر

وللأمانه وربي شاهد علي انا عندى عيال وبكلمكم بكل صدق والى تبي تشوفنى ما عندى مانع تكلمنى عالخاص

ولولى يا ريت ما تشوين بالجهاز الجديد وتعالجين البشره الداخليه الجلد اول الفركسل كان جايب نتيجه بالاول عشان الوجه بيتم منفوخ فتره طويله وبعدين مثل ما قلتى بعد كم جلسه حسيتى بتحسن 40 بالاميه

انا وربي الشاهد ما اقدر اقولكم 40 بالميه من اول جلسه راح اقولكم 30 بالمائه طبعا ملتزمه بالادويه الموصوفه

وكل اسبوعين اروح له لان بين كل جلسه والثانيه شهرين عشان يلتئم الجرح الداخلى وتنبني الخلايا الجديه وتكون البشره

ارتاحت من ضغط المره الاولى الحين انا تقريبا صارلى شهر مسويه الجلسه الاولى ويوم 25 مارس قالى راح اسويلج ليزر

بس حق البقع والندبات البسيطه بتروح

طبعا تبون تعرفون شنو النتيجه

راح اكون صريحه وراس عيالى مثل صراحه الحبوبه لولى واسفه لولى كتبت تجربتى بموضوعج بس والله ما ابي وحده تخسر فلوس ومبالغ وتتسرع بقرارها

طبعا فى حفر تقريبا لا وجود لها والحفر الكبيره صارت صغيره وباقى كم حفره مثل ما هم وانتم تدرون ما حد راح يعرف ودارس وجهه اكثر من الشخص نفسه

مشكلتى الحين بالبقع واللون لان بشرتى صعبه يعني بسرعه تبقع وبصعوبه تروح اثار البقع

بس كل ما اكلمه يقولى لا تهتمين بلون بشرتج الحين لان ما زالت فى جلسات ثانيه وراح ترد بشرتج تزرق وتبقع وكل هذا مع الوقت بيروح ومع الكريمات النهائيه الى راح اوصفها لج بعد اخر جلسه وتلتزمين فيها

طبعا للحين ما ادرى الله وين قاضنى ولا ادرى الليزر هذا عباره عن شنو وراح يعالجنى شنو بالظبط بس شكله مشاء الله فاهم وحيل محترم وجدى لابعد الحدود يعني حتى لو تبين تستخفين دمج وتاخذين وتعطين ما تشوفين ضحكته هههههههههه

مجرد ابتسامه يجاملج وحمدى ربج لو شفتيه الله يستر عليه وعلينا

المهم يا بنات طلبت منه انى احط مكياج لان كانت عندى مناسبه ولازم اروح ووجهى بدون مكياج صعب جدا

وتفاجات لما حطيت المكياج كانت بشرتى روعه روعه وربي يعني الى بيدقق راح يشوف مثلا منطقه غامقه و كم حفره

بس لو الاضائه مو عاليه وعاديه والله يبين فرق السما عن الارض

استانست بصراحه وقبل بحياتى ما اطلع ببودر لازم كريم الاساس الحين عادى احط كريم واقى من الشمس وانتظر شوى بعدين

احط بودر ومشاء الله مرتاحه نفسيتى


انشاء الله بعد جلسه الليزر راح اقولكم شنو فايدتها بالظبط لان ما مدانى افهم منه شي تقدرون تقولون سلمت له نفسي ووثقت بشغله لان من اول جلسه مشاء الله نفسيتى ارتاحت

طبعا بدون مكياج مو شي الى مخرب بشرتى الوان قوس قزح

نسيت اقولكم الحفر الى كانت تحتها الورمه او الخرزه باخر مراجعه حقنى فيهم بكل وحده حقني وقالى عادى خلال يومين

راح تروح وفعلا خفت حييل منها الى راح والملمس صار عادي وفى الى ملمسها شوى تحسين فيه وقالى هذى نتيجه الضغط عالبشره ومع الايام تروح نهائي

واتمنى من رب العالمين تدعون لى لانى فعلا تبهذلت كثير مع اطباء البشره واتمنى من كل وحده تقرا عن الجلسات هذى لما اروح مراجعتى يو 25 راح اكتب لكم اسمها حتى قالى عن اسم دكتور مشهور يسويها بعد انا الزهايمر عندى الله يستر يعني سامحونى لو مو متذكره الاسامى والسوالف هذى راح اكتبها لكم المره القادمه باذن الله

واسفه جدا مره ثانيه يا لولوى بس انا حبيت افيدكم والى تبي تروح مركز زهير تسال عن دكتور هشام ياسين

وتقعد معاه وتفهم منه احسن وعلى فكره انا مصوره وجهى قبل ما اسويها واثناء البقع وما عندى غير كل يوم والثاني مصوره بالاي فون خلقتى ههههههههههههه بس والله النتيجه بالنسبه لى مرضيه والحمدلله واتمنى من ربي يتممها على ويريح نفسيتى

واشوفكم باذن الله المره الجايه ولو وحده فيكم تبى اي شي انا حاضره تراسلنى بالخاص عشان لا اتعدى حدودى اكثر على لولى العسل واسفه لو طولت بس من الحره لانى قريت من صفحه 1 للاخر وجايه ركض ما صدقت اوصل واقولكم الى ببالها شي تأجله شوى لين اجمع لها المعلومات الى تبيها


اتمنى ربي يريح قلوبكم وكل وحده توصل لمناها واتمنى الشفاء العاجل لبنيتج الحبوبه يا لولى والله يبعد عنكم العين والحسد

ويكفينا واياكم شرور الانفس

وبااااي حبيباتى​

أنقر للتوسيع...

هذا موضوع لولي سابقا احاسيس دافئه حاليا عن الفراكشنال قالت راح تقول تجربتها واختفت

http://www.q8yat.com/t537314.html

وهذا رابط تجمع اللي يعانون من البشره المندبه وفي كلام وتحارب عن الفراكسل والفراكشنال والديرما رولر

http://www.q8yat.com/t1026448.html

رقة الاحساس

شراح تعطيج حق الاثار

راح تسوي لج تقشير حق الاثار ؟؟؟؟؟؟؟؟

التصبغات اللي عندج شنو هي كلف نمش او اثار

وشنو الكريم اللي عطتج حق التصبغات ؟؟

سعاد لطفي احسها ثقه وشاطره

اساليها عن الفراكشنال كم يبي جلسه وشنو يسوي بالضبط لان قريت عنه انه جلسه وحده او جلستين ويظل اثرها 3 سنين

مشكله رقة احساس

اغلب العيادات اهني شفط فلوس

ومافي نتيجه هاللي الواحد غصب يحتار ويخاف يسلم نفسه اي دكتور واخر شي ماكو نتيجه

لللرفع

... بكرره بروح اسوي بعيادة cmc تنظيف بشره

وبشوف شيقولي الدكتور شكلي بسوي تقشير خفيف وبالشتا ابدي فراكسل او فراكشنال اللي يصير

ع الاقل التقشير يشيل لي الاثار والالوان بوجهي يساهم شوي

للـــــــــــــــــــــــــــــرفع

رقـة الاحسـآس قال:

عطتني كريم اسمه ميلانو ينحط فليل
و هالكريم يقشر بس خفيف و الهدف منه يشل التصبغات اللي هي اثار الحبوب
وقبلها مثل ما قتلج عالجت الحبوب
يعني كل شي لازم تبدينه خطوه خطوه و علاج الويه ياخذ وقت واايد ويباله صبر
سعاد لطفي احبها هالانسانه و مش استغلاليه تخبرج اللي ينفعج و اللي ما ينفعج

بصراحه ما سالت وايد عن الفراشكنال لان بعدني عن هالخطوه
برجعلها ان شاءالله بعد ما اخلص الكريم اللي عندي

اعتقد عدد الجلسات يختلف على حسب حاجه بشرتج

انزين ليش ما تعالجين فالحكومه
ماشي دكاتره زينين؟

اسالي و دوري عدل و الاهم من بعدها يوم ترسين ع حد الاستمرار و الصبر

ويارب نوصل لبشرات بيبي تجنن

أنقر للتوسيع...

شوفي حبيبتي

انا حاليا وجهي

مافيه حبوب

انا عالجت حب الشباب القوي اللي طلعلي زمان

بالحكومه ايام ماكنت بالمدرسه اقدر استاذن عادي واروح من المدرسه للعياده

اما بالجامعه صعب الغياب الدكاتره يحاسبون عليه

الدكتور اللي بالحكومه د حسين ما قصر

عالج لي سنه الحبوب بالكريمات بعدين لما شاف انه الحبوب ماقاعده تنقطع

عطاني حبوب روكيوتان كورس كامل 5 شهور

وبالنسبه للندوب والاثار اللي خلفها حب الشباب

قالي هذا مايروح الا بالعيادات الخاصه لانه عندهم اجهزة وجلسات تقشير يعني بالحكومه مافي علاجات للندوب ولافي جلسات تقشير

وقالي بعد 8 شهوور من انتهائك من كورس الروكيوتان

راح تقدرين انج تقشرين بشرتج

وعطاني مجرد كريمين مرطبين واحد نسيت اسمه وواحد اليكا

وقالي بعد ماخلصت كورس الروكيوتان ان بشرتي صارت حيل جافه وماينفع معاه علاج تقشير

بس اظل استمر على الكريمات اللي ترطب وبعد 8 اشهر ابتدى بسوالف التقشير حق الاثار والندوب

لذلك لجات لمنتجات البحر الميت مع الترطيب وكانت بشرتي جدا جافه كنت اصرف واغير واجد بكريمات الترطيب القويه من الصيدليه لحد بعدين بعد 8 شهور رجعت بشرتي مرطبه طبيعي ورجعتها لطبيعتها الدهنيه والحبوب ماتطلع الا قليل

يعني خفت شدة الحبوب

يعني انا مرات حبه حبتين صغار بوجهي ويروحون

الحين الحمدلله وجهي مافي حبوب حتى ماحطيت عليه كريمات ولاشي

اليوم قاعده اركز بوجهي بالمرايه

ندوبي اغلبها مو ندوب تصبغات وفوقها ندوب سطحيه

ندوبي مو عميقه مبينه كأنها مسامات

بس احس بخدودي الوان تحت الجلد او تحت هذي الندوب

رقة احساس

تكفين اسئلي د سعاد لطفي عن جلسات الفراكشنال والفراكسل والاكتف ؟

وشنو الفرق بينهم ؟؟

وايهم احسن ؟؟

وشلون نتيجتهم ؟؟

ياليت ع الاقل تاخذين منها فكره عامه

هي دكتوره معروفه بسمعتها الزينه واكيد ماراح تقول شي خطأ

ومشكووووره للتواصل

up up up

باربي

شنو انواع التقشير

اللي جربتيهم عند اوباجي

وشنو الكريمات

ياليت تعلمينه ونستفيد

الزنود ارحم من الوجه

الوجه بالواجهه

والزنود منو مفتشهم