هذي ثاني مشاركة لي اسها من اول نظرة اتمنى تعجبكم
في ليلة من الليالي و في ساعة من الساعات و لمن العقل يكون سرحان بالقلب بس هالمرة لولو الي عمرها 23 و اصغر اخوانها و توها متخرجة و صارلها فترة ادور على شغل تكون سرحانة بنظرات جاسم رفيج يوسف اخوها العود و عمره 26 و يشتغل ضابط يعني جاسم في الداخلية، الليلة هذي كانت وايد تفكر لأن جاسم في اليوم نفسه كان معزوم على الغدا عندهم في البيت قعدت تذكر نظرات جاسم شلون عينه ما نزلت من عليها و شلون عالغدا كان شبعان من كثر ما اكلها بعيونه كانت ليلة صعبة عليها و على فكرة ترى لولو متخرجة سكرتيرة و ثاني يوم بتروح البنك يمكن يقبلونها سكرتيرة، و على فكرة ترى لولو عندها اخو اكبر منها بسنة اسمه احمد و يشتغل باحد الوزارات لكن الي يشوف تعامل احمد مع لولو شلون يحقق معاها يقول هذا الضابط اما يوسف فغير لأن لولو دلوعة يوسف. و ثاني يوم طلع جاسم نقطة تفتيش على الطريج الي كان متأكد ان راح يشوف لولو هناك (كان حب من اول نظرة). و وصلت البنك و انقبلت من اول مقابلة لها و اهي طالعة:
جاسم: ودج بمخالفة بما انج واقفة بممنوع الوقوف؟
لولو: لا عفية ما ابي خلاص ماراح اوقف بممنوع الوقوف خلاص خلاص هالمرة و بس (ما كنت تدري ان هذا جاسم و لمن درت) جاسم انت ليش تتعمد تلحقني
سؤالها كان على اساس اذا هي ما تدري انه اهو معجب فيها بس جاسم فهم نظرات عيونها انها انعجبت فيه
لولو: شوف جاسم ترى اشتكي عليك
جاسم: بتهمة شنو تشتكين علي و بعدين انقبلتي ولا لا؟
لولو: بتهمة تحرش و تحريض على الفسق و الفجور و محاولة خطف و اعتداء و اي انقبلت
جاسم: الي يسمعج يقول دارسة حقوق
لولو: جاسم بليز وخر توهم قابليني و ما ابي ياخذون فكرة سيئة عني و بعدين انت رفيج اخوي
جاسم: " لولو تكفين ابي اقعد معاج ابي اكلمج عن موضوع وايد مهم
لولو: و اكيد ان مو هني بالشارع لأن حر و لا بمكان ثاني لأن اخاف احد يشوفني
جاسم: لولو تكفين لا ترديني في مطعم قريب ابي اقعد معاج في موضوع حدة ضروري
لولو: جاسم انت رفيج اخوي تدري شنو يعني
جاسم: لولو تكفين والله ماراح اطول كلها 10 دقايق
لولو: مالك أمل ولا دقيقة
جاسم: اقلج موضوع مهم تكفين
لولو: و موضوع مهم يعني ما عندك غيري (يعني كأن الموضوع ما يهمها و اهي ودها تعرف)
جاسم: و غلاة يوسف عندج الموضوع يخص اما حياتي او مماتي
لولو: خلاص جاسم بس 10 دقايق
رضت و قعدت معاه في المطعم، لولو كانت تسمع جاسم شقول و كانت وايد منصدمة ما كانت متوقعة ان الابتسامة الي دايما على ويهه تكون من قلب مكسور لهذي الدرجة و فعلا كان الموضوع وايد قاسي على جاسم وليش اختار لولو انه يقلها:
جاسم: لولو انا امي و ابوي انفصلو و انا صغير و كنت وحيد امي و ابوي، امي على طول تزوجت و ابوي ما طاف اسبوع و تزوج اما انا فقعدت تحت رحمة ريل امي لأني اخترت امي، ما تحسفت لأني ما اخترت ابوي لأن مرت ابوي مو احسن من ريل امي، احتجت لقلب حنون يسمعني صج ان يوسف ما قصر معاي لكن محتاج لأحد ينكسر خاطره علي يفهمني يحسسني ان الدنيا بخير، و طبعا ريل امي كل يوم انا متهاوش معاه و امي المسكينة او لا امي مو مسكينة لانها كانت تعرف كل شي عنه و نقته و انا توهقت فيه، لولو انا انعجبت فيج من اول ما شفتج حسيت انج بنت حلال و مو مثل البنات الي يمرون علي بالدوام لولو تبين الصراحة انا احبج و معجب فيج و اذا ما تبين الاعجاب فأنا مستحيل اظايقج اصلا ماراح تشوفيني بعد
لولو: والله صدمتني ما توقعتك لهذي الدرجة مكسور انزين شنو ممكن اني اسويلك
جاسم: تسمعيني تساعديني تخففين عني وانج تقبلين حبي لج
لولو: انزين نكون اصدقاء اخفف عليك و تخفف علي جذي اكون موافقة
جاسم: و آنا موافق
ردة فعل لولو اول ما سمعت كلامه كانت صعبة لولو انصدمت ما كانت تدري شتسوي كانت بحيرة تصدقه و تقابله بنفس الاعجاب الي اصلا موجود فيها و لا تسوي روحها ما اسمعت شي و تهده و تمشي و لا شنو لكن الي قالته كان وايد مقنع اعترفت له انها انكسر خاطرها وايد عليه و انها مستعدة تسمعله بأي وقت لكن اذا طلع جذاب و من النوع الي مو صريح و سوة القصة هذي كلها علشان يكسب قلبها مع ان صج كان شاريها و يحبها و كان رد جاسم ان هذا عنوان بيتهم و هذا رقم بيتهم و هذا اسمه بالكامل و اسم ريل امه الكامل و تقدر تروح تسأل اذا مو مصدقة. اتوقع ان لولو و جاسم اختاروا الطريقة الامثل علشان يوصلون الى الي يبونه و لمن رجعت و راحت دارها و قعدت بكل شي من اول ما شافته الى ان صارحها بس الحقيقة ان لولو قالتله ان اذا يبي شي فهي مجرد صديقة له مو حبيبته و وعدته ان بعد شهر بنفس المكان بتقله شي. و اهي قاعدة ولا يوصلها من جاسم مسج مع ان لولو ما عطت جاسم رقمها:
جاسم: في مفاجأة نطريها ثواني و توصل
Madam there is a gift and flower for uالخدامة:
و ردت لولو على جاسم بمسج: انت صج مينون فرضا واحد من اخواني شاف الخدامة و شافك شنو بكون موقفنا
جاسم: مالي شغل فتحيها الحين و قوليلي شرايج
كانت الهدية ساعة اصلية عجيبة: تسلم ايدك بس ماله داعي تعبت روحك (و طبعا من داخل: احبك احبك احبك)
دوام الساعة 5 في البنوك اساسي و راحت لولو علشان تعرف بأي بنك راح داوم و شنو موقعها، و راحت و كانت في بنك قريب من بيتهم و كانت في الاستقبال. و لمن رجعت البيت ادخلت مع يوسف جان يوسف يقلها و يقول حق امه:
يوسف: يما ترى جاسم بيتعشى عندنا اليوم
العنود (مو امه لكن حسبة امه بتعرفون بعدين): حياه الله باي وقت بس لو قايلي مبجر شوي خلاص مو مشكلة
يوسف: و انتي تعالي معاي
لولو: وين وين؟
يوسف: بنروح نشتري كاكاو
لولو: انزين انت روح آنا شكو
يوسف: لولو حياتي لا ترديني
لولو: انزين خلاص كسرت خاطري بروح
احمد: انتي وين بتروحين
لولو( بأسلوب الاخت الصغيرة): و انت شكو انت اخوي العود
احمد: لمن اكلمج ردي عدل
يوسف: ماخذها معاي عندك مانع
احمد: وين
يوسف: اليوم جاسم راح يتعشى عندنا و رايحين نييب حلو
احمد: اشوى انك قلتلي قبل لا اقول حق رفيجي ماراح اروح عزيمتك
و راحت لولو مع يوسف يشترون كاكاو من الغالين بس طبعا لولو مو راظية لأن جاسم واحد بس الي زايرهم و اهو ماخذ الكاكاو كله و اتصل جاسم و يوسف قاعد يشتري و طلعت لولو من المحل و كلمته و قعدت تقله:
لولو: الحق رفيجك ما خلى كاكاو ما شراه كل هذا علشانك انت
جاسم: طايح من عينج ولا ما استاهل و بعدين يوسف رفيجي ما يصير!!!
لولو: لا لا محشوم بس قلي شسويت اليوم مع ريل امك؟
جاسم: ابدا مثل كل يوم بس اليوم كانت ليش راد الساعة 3:30 مو 3:00 العصر
لولو: الله يعينك، بروح اشوف يوسف قبل لا يشتري المحل بالي فيه
يوسف: آنا خلصت من الكاكاو و باقي الكيك
لولو: اذا قلتلي مرة ثانية طلعي معاي يا ويلك، فوق الي شريته تبي تشتري بعد
يوسف: مالي شغل فيج بروح اشتري الكيك و كيفج
و فوق الكاكاو الي شراه راح شرا كيك بعد. و لمن حانت موعد العزيمة اولا احمد ما كان موجود لأن ما يحب شي اسمه عزيمة فبيتهم و لأن ما يحب ربع يوسف و ثانيا لولو كانت كاشخة حق جاسم او الاصح للعزيمة مع انها عزيمة صغيرة و لمن وصل جاسم لولو راحت فتحتله الباب:
جاسم: مساء الخير
لولو: اهلين مساء النور
جاسم: الله الكشخة هذي حقي
لولو: استح على ويهك و شقصدك ان آنا كل يوم هلاقة
جاسم: لا بس بدش قبلج لأنج ما قلتي حتى تفضل موقفتني بالشارع
لولو: تعال هذا من صجه دش قبلي
لولو ما قدرت تكمل العشا و قالت ان السبب باجر وراها دوام بس ما كان هذا السبب، كان السبب ان جاسم قعد جدام لولو فألكها بعيونه ما قدرت تكمل خافت اهلها يشكون مع ان ما كان في احد الا ام لولو( الي مو امها لكن حسبة امها و احمد نفس الشي) و يوسف بس خافت و راحت نامت. و ثاني يوم اول يوم للولو النفسية مرتفعة و قاعدة من الساعة 7:00 مع ان الدوام الساعة 8:30 بس كانت وايد مستانسة ، لبست ملابسها اليديدة و راحت الدوام توها نازلة من السيارة ولا جاسم بويها:
جاسم: " صباح الخير
لولو: " بسم الله الرحمن الرحيم من وين طلعت
جاسم: من التاير يعني من وين طلعت و بعدين شايفة يني كل هذا علشان الدوام بعدين بتكرهينا نطري شوي
لولو: لا بس تأخرت لازم اروح
جاسم: وين وين باقي 5 دقايق على بداية الدوام بكلمج شوي ما استاهل 5 دقايق بس
لولو: جاسم احنا اتفقنا ان علاقتنا ما تكبر للدرجة الي انت تبيها
جاسم: ادري بس والله مو بايدي انتي سحرتيني شسوي
و فجأة سرحت لولو و جاسم يتكلم و لولو ساكتة الى ان حس ان لولو مو معاه
جاسم : لولو لولو لولو
لولو: هلا
جاسم: بشنو كنتي سرحانة
لولو: لا لا ولا شي
جاسم: احنا مو اتفقنا نخفف على بعض عفية قوليلي
لولو: بامي الله يرحمها
جاسم: نعم بامج و الله يرحمها ليش هذي مو امج
لولو: لا هذي مرت ابوي امي ماتت من 13 سنة
جاسم: انتي قاعدة تلعبين بعقلي
لولو: والله العظيم ما قاعد العب بعقلك بس تدري بعد الدوام اقلك كل شي
جاسم: وين؟
لولو: بالجمعية الي هني اوكي؟
جاسم: اوكي يلا روحي باي
و بأول يوم قعدت تتعلم مع واحد اسمه صقر كان ولد حلال و محترم حدة و قعد يعلم لولو على كل شي و لمن وصل عميل من العملاء الطبيعي انها تسأله عن اسمه و انصدمت لمن سمعت ان اسم الاب و الجد و العايلة نفس اسم جاسم وكان اسمه حمود فاحتارت تسأله عن جاسم و لا لا؟ لكن:
لولو: عفوا جاسم يصيرلك
حمود(؟" و نزل راسه و ابتسم): اي يكون اخوي من ابوي لكن انا ما اشوفه الا في العيد بس انتي من وين تعرفينه؟
لولو(و هني توهقت ما عرفت شتقول لكن ردت بجواب مقنع): جاسم يكون رفيج اخوي
السؤال الي يحير وين الحب بالموضوع و مادام لولو تحب جاسم ليش ما تقله؟ لولو خذت فكرة اكون ثقيلة و اكبر بعين جاسم احسن ما اكون خفيفة و يحس اني أي شي اما جاسم فما قدر يشتغل كان تفكيره كله بلولو و فوق هذا كله بمرت ابوها الي طول هالفترة حسباله انها امهم فكان تفكيره و الي شاغل عقله لولو حتى ان يوسف حس لكن ما عرف شنو يقله و بالاصح جاسم كان خايف ان يوسف يسأله. لولو ما قدرت تنطر لين آخر الدوام علشان تسأل جاسم عن الريال الي اليوم يالها الي قال انه يصير اخو جاسم فراحت دقت عليه:
لولو: " جاسم في واحد اسمه حمود يالي و لمن سالته قالي انه اخوك، صج؟
جاسم: انتي متأكدة انه اسمه حمود؟
لولو: ايه شفيك صج اخوك؟
جاسم: اخوي بس اكيد حمود قوليلي شصار
لولو: بعدين بعدين بعد الدوام
الردود لو سمحتو للبارت الثاني يهمني رايكم
