ام عزيزان

توقيع » ام عزيزان

مدونتي

ام عزيزان

كيكة جبن الكرافت الشيدر



لذيييييييذه وتعطي طعم مابين المالح والحلو وطحت فيها فتره


حمسة الجبن الحلوم



معروفه للجميع وحلوه للعشا وصارت معتمده عندي


بسكوت السابليه



البقصم

من كتاب المطاحن حلو وطحت فيه فتره




العيش البخاري السعودي

لذييييييييييييذه وصرت اسويه لكل زواره




مرقة الربيان الخاثره

عاد هذي من عندي بس بحط لكم صورتها





الجيز كيك



سويته جم مره لذيذ وسهل ومضبوط

ام عزيزان

الخبزه الجنوبيه

وايد لذيذه ومع الحليب بالجاي تطلع شي






الكوكيز السريع



لذيذ وفعلا سريع


الميل في





شريته من الجمعيه وجربته

بس كان اغلب بسكوته مكسر

الكيكه الانجليزيه

تهبل وانا احبها بس عيالي ما يحبونها وايد





حلاوة الجبن

تهببببببببببببببل ولذيذه حيل بس متعبه اشوي ويبيلها سرعه بالعمل

ام عزيزان

كبه بالصينيه

سويتها مره وطلعت روعه



الجلاب جامون

سويته مره وما عدتها مادري ماضبط معاي الطعم مع ان الشكل واليونه حلوه




واكتفي معاكم جذيه .... واي شي تبونه انا حاضره

أم@الحلوين

ماشاءالله تسلم ايييييييدج ع الاطباق الحلوه
بس يريت تكتبين لنا مقادير كل طبق وطريقته عشان نستفيد ونطبقه

توقيع » أم@الحلوين

اللهم صلي على محمد وآل محمد
الحمدلله على تمآم النعمه وإكَمال المنه
رزقني الله نورٌ جديد في حياتي

امـونه

ما شاء الله عليج اطباقج تفتح النفس تسلم ايدج ياليت الوصفات تكتبينهم لان كل طبق أحلى من الثاني ماشاءالله

توقيع » امـونه

(ربي لا تذرني فردا وانت خير الوارثين )
ادعولي بالذريه الصالحه

ام عزيزان

كيكة النعناع


المقادير :
4 بيضات
كوب سكر
ربع كوب زيت
كوب حليب
* كوب طحين
كوب نعناع طازج
3 ملاعق متوسطة باكينغ باودر
فانيليا




الطريقة :
- يخلط البيض والفانيليا ثم السكر والزيت في الخلاط الكهربائي



- ويضع حليب في وعاء مع ورق النعناع ويضرب في خلاط العصير


- ويضاف إلى الخليط السابق في الخلاط ويضاف إليه الباكينغ باودر ثم يضاف الدقيق ويخلط جيدا ثم يوضع في صينية في الفرن من الاسفل .



المسقعه

ابدا بالطريقه والمقادير مع بعض

طبعا حمري شرايح الباذنجان ...واتركيهم على جنب

في جدر على النار احمسي اللحم المفروم بدون اي اضافات الى ان يبدا ينشف

ثم اضيفي الثوم المفروم والبصل وقلبي

ثم اضفت فلفل بارد ملون (احمر برتقالي اصفر) مقطع مكعبات صغيره ...
يعطي نكهه لذيذه ورائحه حلوووه

بعد التقليب اضفت البهارات
(فلفل اسود - بابريكا - زعتر او روزماري او اوريجانو - قليل من البزار المشكل - مزيج المكرونه - كزبره ناشفه - كركم ) وقلبت


اضفت الكزبره المفرومه والشبت


في الخلاط (اخلطي 4 طماطم + مكعب ماجي +فنجان زيت زيتون )
واضيفي على الخلطه وقلبي

وهنا السر في النكهه
اضيفي * ملعقه طعام سكر وقلبي...


الحين في صينيه بايركس
طبقه ياذنجان فوقها طبقه من العصاج

في الخلاط اخلطي((3 ملاعق جبن كاسات اي توع تحبينه +ا علبه قشطه او قيمر +1/* كوب ماء))
وتصبين فوق اللحم قليل من الخلطه

ورشه من جبن البارمزان

ثم نضع طبقه ثانيه باذنجان ولحم وصلصه بيضا وشرايح من الطماطم على الوجه واخيرا الصلصه البيضا وجبن بارمزان وموزاريلا

ندخلها الفرن الى ان تحمر فقط

وقدميها بالف عافيه...وتمتعي بالطعم اللذيييييييييييذ والمميز جدا..


ويعطيها الف عافيه كريرة التي اخذت منها الطريقه



الكيكة القديمه ما اذكرها وحتي مو كاتبتها عندي للاسف




الحمص

ضعي في الخلاط :
علبة حمص بدون الماء
علبة قيمر
عصير 3 ليمونات
فص ثوم كبير
ملح

لما تخلطينهم .. اضيفي كوب طحينية و اخلطي من جديد ...

ضعيه في طبق التقديم . ورشيه بزيت الزيتون . وتمتعي بلونه الابيض .. ومذاقه اللذيذ .



الكيكة الفلبينيه كيكة جبن كرافت


الكيكة الفلبينية

وهذي مقاديرها :

4 بيضات
كاس سكر
ملعقة صغيرة فانيليا
3 حبات جبن مثلثات أو كيري
ربع كاس زيت
نص كاس حليب سائل
1 كاس دقيق
و يوضع عليه ملعقة أكل باكينج بودر


الطريقة
كالمعتاد ,, أخفقي البيض جيداً الواحدة
تلو الأخرى
ثم أضيفي الفانيليا
ثم السكر وأخفقي جيداً لمدة 3 دقائق تقريباً
ثم أضيفي الزيت
ثم الجبن
والآن أضيفي الحليب السائل بالتناوب مع
الدقيق و B.P
أخلطي جيداً
ثم صبي الخليط في صينية مدهونة
( الصينية حجم وسط )

أدخليها الفرن لحد ما تستوي وتتحمر من فوق
تقريباً لمدة 45 دقيقة على نار هادئئئئئئئئة

في الخمس دقايق الأخيرة لوجودها في الفرن
جهزي الصوص
وهوعبارة عن :
ربع أصبع زبدة + ثلاثة أرباع علبة الحليب النستلة
توضع على النار حتى يمتزجا جيداً
ثم صبيه على وجه الكيكة وهي حارة
( حطي الصوص كله حتى لو حسيتي
أنه كثييير )
وعلى طول أبشري جبنة كرافت
( العلبة الزرقاء ,, الحجم الصغير ) على الوجه
وغطي الكيكة بالقصدير
عشان الجبن يذوووووووووب



البقصم


المقادير :

3 كوب طحين فاخر

3 بيضات

1 كوب زيت

1 كوب سكر

1 م اكل باكين باودر

قليل من الهيل الناعم

للتغطيه:

كوب سمسم محمص
او كوب فستق مجروش



الطريقه :

يخلط بالخلاط كل من البيض مع الزيت مع السكر والهيل مدة خمس دقائق

يضاف الطحين والبيكن باودر الي الخليط السابق ويعجن باليد

تقطع العجينه الى كرات صغيره ثم تغمس بالسمسم او الفستق ثم تشكل على هيئة اصابع صغيره تصف في صينيه مدهونه ثم تشوي في فرن ساخن حتى تحمر من فوق وتحت

تترك لتبرد تماما

واول ما اطلعينه من الفرن يكون لين ... عشان جذيه خليه بالصينيه لما يبرد وبعدين شيليه عنها ....ورااح يصير مقرمشششششششش ويابس نوعا ما




الرز البخاري السعودي

لحمة او دجاج حسب عدد افراد العائلة وبشرط انها تكون ناشفة من الموية
يعني تحطيها في منشفة وتنشفيها كويس لانه هذا اهم خطوة
4بصلات مقطعة شرائح رفيعة جداً - 6فصوص ثوم مبشور -
بهارات حب( 4اعواد قرفة -8حبات قرنفل - 8حبات هيل - * ورقة شيبة-
1م ص فلفل اسود حب - 1م ص كمون حب - 1/* م ص خولنجان مبشور ناعم - 1/* م ص جوزة الطيب مبشورة ناعم -ملح) - علبة صلصة محلولة في 1/* كوب ماء ساخن
مع اضافة 1/* م ص فلفل اسود مطحون - 3 كاسات رز ابو كاس

الطريقة :

نضع كاس زيت في قدر وعندما يحمى تمام يوضع عليه البصل ويقلب حتى يصبح لونه احمر ثم يضاف له البهارات والثوم ويقلب تقليبة واحدة ثم نرص اللحم او الدجاج على البصل ويترك حتى يحمر الوجه الاول ثم يقلب على الوجه الاخر ويترك ليحمر ايضاً مع الانتباه الا يحترق
ثم يقلب جيداً ويصب عليه خليط الصلصة ويترك ليتسبك ثم يضاف له الماء المغلي ويترك حتى ينضج اللحم او الدجاج
اذا كان دجاج يرفع ويحمر في الفرن
نضع الرز في قدر وتصفى فوقه المرقة ويضاف قليل جداً من الفلفل الاسود
ويعدل الملح ثم يترك حتى ينضج
عند التقديم يغرف في الطبق ويصف عليه اللحم او الدجاج ويزين باللوز والصنوبر والزبيب المحمر
ويقدم مع السلطة الحارة
اتمنى انه يعجبكم



الخبزه الجنوبيه


المقادير

6 كاسات طحين بر
3 بيضات
بياله زيت
ملعقه طعام خميره فوريه
فنجان سكر
ملعقه طعام ملح
ملعقه طعام الحبه السوده
3 كاسات ماي
حليب سائل للوجه ورشه سمسم وحبه سوده
عسل

الطريقة

نحط كل المقادير بالعجانه ماعدا الماي الله يبارك في اللي صنع العجانات



نخلطهم ونضيف عليهم الماي بالتدريج

تابعوا معاي الصور تشرح لكم الطريقه


نصبها بصينيه مدهونه ونتركها ترتاح وتتخمر لمده ساعه ونص الى ساعه



وهذي شكلها بعد ماتخمرت شوفوا اشلون تضاعف حجمها

اصب عليها حليب بوني السائل او اي حليب تفضلينه ونرشها بالحبه السوده والسمسم وندخلها الفرن كنا سخناه من قبل

ونتركها لغايه ماتنضج ونحمرها من فوق

ونمسح الوجه بالعسل

جارة القمر

مشكووووووووووووووووووره أم عزيزان




وتسلم ايدج


بس ممكن تحطين المقادير


وتم نقل الموضوع بواسطتي للقسم المناسب

توقيع » جارة القمر

يمنع وضع اي مسابقة بدون علم مشرفات القسم

قوانين قسم مائدتك يجب الإطلاع عليها قبل البدء

برستيج سعوديه

رووعه الاطباق مشاء الله عليك
ام عزيزان ابي السابليه بالتفصيل فديتك

قطوووة

قواج الله

78MariMar78

يعطيكِ الف عافية ام عزيزان

بس ياريت لو تحصلين مقادير الكيكة الوردية

توقيع » 78MariMar78

إن رأيتموني صامتا فإعلموا أن

صَمتي لايعني جهلي بِما يدور حولي

ولكن مايدور حولي لا يستحق الكلام

أحلى همبه كويتية

توقيع » أحلى همبه كويتية

اكتب ما يقوله الناس ضدي في أوراق ... وأضعها تحت قدمي ... فكلما زادت الأوراق .. ارتفعت انا إلي الأعلى ....

((( لا أحلل من تنقل مواضيعي وخصوصا وصفاتي للمنتديات او الانستقرام بدون ذكر المصدر )))

أم عزيـز

يسلم إيدج حبيبتي شغل روعه وحلوووووو

توقيع » أم عزيـز

الحمدالله على عطية الرحمن

نارنجه

يعطيج الف عافية
ايه جذي خليناا نششوف ابداعاتج

عاد تدرين ام عزيزان عندي جم وصفة لج خاشتهم من زمان
وللحين ان اشتهيت سويتهم على طريقتج

عجينة البيتزا خطيرة من اول مرة ضبطت معااي
الجباتي اذكر كان بالبطاط بس انا اسويه بروحه و ساعات خبز بوري
و بسكوت انا بدعت بالعجينة و الوصفة على يوم بنزل موضوع و اوريج اشلون استخدمها
وحتى الكبب ملوتج عجيبييين

حطيهم ام عزيزان

/

وعلى طاري الكيكة القديمة
لقيتها بجمعية الشرطة صوب الخبزز
ولقيت الكيكة الي تكون ملفوفة بورق
جانكم تذكرونها

اخيه كل شي قديم له زول امي الله يرحمها ويرحم موتى المسلمين


بعد عمري
واصلي
كلنا نتابع
:***

sharpedge

يعطيج العافيه وتسلم ايدج
ام عزيزان بما انج خبره حبيت اسال ابي نوع بهار حلو ويعطي نكهة قوية بالاكل بس بدون فلفل حتى لو خلطة انا اسويها بس ابي بهار سنع حق اللحم والدياي والسمج في خلطة معينه بالسوق او انواع انا اخلطها مع بعض؟

توقيع » sharpedge

ضاقت فلما استحكمت حلقاتها.. فرجت وكنت أظنها لا تفرج