كويتية آنا

السلام بنات

والله اني مقهوره.....يعني قلنا اني طيبه وحبوبه بس مو لهذي الدرجه!!!

إحنا ساكنين بشقة ببيت أبوه.... وآمه وخواته موجودييين ويبيني آنا الي آطبخ للدوانيه كل اسبوع حق ثلاثين ريال ويقولي لا تفشليني والله قهر!!!

خليني اقولكم وضعي وانتم حكموا ونصحوني شنو اسوي لاني احبه واموت عليه وما ابي ازعله!!!

بنات انا موظفه وظيفه مرموقه والحمدلله ومع هذا اطبخ وانظف بالبيت واقعد مع العيال وما اخليهم مع الخدامه علشان زوجي جذيه يعتقد الأم المثاليه لازم تصير.....الدوانيه راح تكون بيتنا من الشهر الياي وقالي انت لازم تطبخين!!!! قلتله وليش مو امك يعني هذا بيتها وهذي ديوانيتكم وانا مطبخي صغير وموظفه وبنتي صغيره تبي اهتمام وانا ما اعرف اطبخ كميه!!!! تخيلوا بنات مع كل هذي النقاط قالي ميخالف انا امسك العيال وانت تنزلين تطبخين بمطبخ امي الكبير واهي تعلمج الطريقه!!!! طبعا أنا سكت لاأني آدري لو رديت عليه بعصب.....بس كاعده افكر ان هذا ظلم والله حرام ليش أنا بالذات يعني الي اطبخ!!! اوكي بعد خلوني اشرح لكم نقطه مهمه خالتي نسره ولسانها طويل وعلشان جذيه انا صرت كله اقعد بشقتي وخليت علاقتي فيها رسميه لانها على كثر الي سويتله لها من الطيب ما عطني الا الاهانه والمذله فالحين اشلون انزل بمطبخها والله اني صرت اكره دشت البيت منها ومن تصرفاتها
وطبعا على فكره آخوه متزوج وساكن بنفس البيت وزوجته ماتطبخ حتى البيض وكل على الخدامه وآنا يبيني آطبخ للديوانيه يعني هم ليش اهي المدلله ويصعد لها الغدا كل يوم للشقه لانها ماتعرف تطبخ وانا طول عمري اطبخ لعيالي وريلي وما قلت شي بس مو لهذي الدرجه عاد!!!!!
بنات ابي تقولولي شنو أسوي؟ وآبي وحده تقولي رد مقنع حق زوجي لاأني ما ابي ازعله.....الله يخليكم ساعدوني واذا غلطانه قولولي[/B][/B]

مريم القلاف

توقيع » مريم القلاف

محدن شرى لي وناسه خاطري من حلاله ومحدن كفو يحاسبني عالنقص والزود

ماتغير شي

شفت العنوان وييت اركض لانه ريلي قالي اطبخ اليوم لربعه بالدواام بالعكس انه وافقت بس مو ثلاثين ريال !!!!!!

شــوفي قولي لريلج انه علي السلطات ما سلطات وامگ خل تسوي الاكله ألرئيسيه


مايصير جذيه كله عليج ولا بعد كل اسبوووع او اهله يسون اسبوع وانتي الاسبوع اللي وراه


وبعدين ما فيها شي إذا طبختي لربع ريلج بالعكس راح يفتخر فيج

توقيع » ماتغير شي

(( اللهم لا تذرني فردآ وانت خير الوارثين ))

حبيبي مالكني

قوليله انج ماتعرفين تطبخين كميه كبيره
وقترحي عليه تشترين من مطعم إذا وافق زين اذا ماوافق
انتي طبخي بعد شتسوين
انا لو مكانج بسوي اكل ما يناكل عشان يحرم يقولي طبخي حق ربعي
لان الخوف اذا عجبهم اكلج يبون كل مره تطبخين لهم
وراح تتوهقين
واذا ريلج عصب وقالج ليش الاكل مو حلو ويفشل قولي له قلت لك من البدايه ماعرف اطبخ كميه كبيره
واستحملي اطنازته عليج جم يوم لانج فشلتيه جدام الريايل بس راح تفتكين

توقيع » حبيبي مالكني

"اللهم آتنا في الدنيا حسنة وفي الآخرة حسنة وقنا عذاب النار"

يارب تحفظ بناتي من كل شر وتهديهم وتجعلهم ذرية صالحة طيبه مباركه وتنبتهم نباتاً حسناً يا ارحم الراحمين

يكفيني حنانك..

حبيبتي اذا العزيمه لزوجك لازم انتي اللي تطبخين لزوجك امه مالها علاقه لانه متزوج وزوجته اللي مفروض تقوم بعزايمه
والحمدلله عندك شغاله خليها تجهزلك كل شي وانتي عليك الطبخ واذا ماتعرفين تطبخين اتصلي على امك او خواتك واساليهم ويعلمونك النقاط اللي منتي عارفتها اما من ناحية انها كل اسبوع هذي اقعدي معاه قعده وفهميه انك تتعبين وقولي ع الاقل خلها مره بالشهر

توقيع » يكفيني حنانك..

يارب ارحم ابوي واخوي واغفرلهم وصبرنا على فراقهم
اللهم انك عفو تحب العفو فاعف عنهم
اللهم نور مرقدهم وعطر مشهدهم
وطيب مضجعهم وآنس وحشتهم
اللهم انهم يحتــاجون
الى رحمتك انت فارحمهم ي ارحم الراحمين
اللهم كن لهم بعد الحبيب
حبيبا
ولدعاء من دعا لهم من المسلمين
مجيبا

ليمونة وزيتونه

شوفي امه مالها شغل بس قولي مره انا ومره مرت حماج شنو ماتعرف
اذا حماج كان بجمعتهم سوئها مره وصف واحد وقولي تعبت ومااعرف

الشهد كله

توقيع » الشهد كله

منهو مثل الكويت ، نخلة مـداها الفضـا ما تنكسر أبـداً منهو مثل الكويت

منهو مثل الكويت ، يعطي بكل الرضا يا طيب المعدن منهو مثل الكويت

أم حورية

شوفي اول شي مالح شغل بمرت حماج صج ان هالشي يقهر لما اهي تدلل روحها وانتي لأ بس مع الوقت راح تشوفين شلون ريلج راح يفتخر فيج

دان تدرين ان بيعصب وافقي بعد شتسوين

بس قوليله ما تقدرين كل اسبوع لان الطباخ ياخذ وقت وعندج يهال عالاقل اسبوع وترك او كل جم اسبوع لان الصراحة كثر ماراح يكلفكم طباخ البيت راح يكلفكم المطعم

ومع ان المفروض خالتج تشيل طباخ الديوانية وانتي تساعدينها بالمطبخ

بس يمكن دام اهي ما بادرت يستحي يكلمها

وحتى لو مطبخج صغير حاولي تطبخن فيه لا تنزلين جربي مرة اذا ما ضبط نزلي بعد شتسوين

بس اذا ضبطتي امورج راح تقدرين ان شالله

انا مطبخي حييل نتفة وقاعدة اطبخ فيه حق عزيمة اهل ريلي

وخلي امج او خواتج يعلمونج اكيد في منهم احد يعرف

اميره1980

بصراحة منتي ملزومة تطبخين حق 30 ريال و منتي صاحبه البيت علشان تدخلين مطبخهم و تاخذين راحتج و اتوقع انج راح تطبخين و انتي لابسه حجاب صح ؟؟ لان بيت حموله
من البداية صكي هالباب لان لو طبختي مره خلاص راح يتمادا بالطلبات و كل شوي يطلب منج شي
قوليله ان بيتج الزم عليج من الديوانية و ترا الاغراض اللي بيشتريها حق الطباخ تقريبا نفس قيمة المطعم اللي بيطلب منه عيل ليش التعب ؟؟
بينيله وجهه نظرج و انتي عيالج صغار حرام تخلينهم عند الخدامة او عنده لان راح يمل منهم و مسئوليتج انتي بعد تمسكين العيال الصغار

توقيع » اميره1980

رابط موضوع عمليتي لشد الذراعين و البطن عند الدكتور أشرف عبد القادر

http://www.q8yat.com/t1118143.html

ماني من الناس

والله ماعندي رد مقنع


بس انتي مو شغلتج كل اسبوع تطبخين حق ثلاثيين ريال

كلش ملش

توقيع » ماني من الناس

[URL="http://www.q8yat.com/t1058073.html"]

*peace*

انا بس بقولج اذا طبختي هالمره خلااااااص بتمين تطبخين لديوانية اهله طول عمرج ماراح تفتكين

لاترضين يزعل شوي ويرضى بعدين

توقيع » *peace*

sunshine22

زوجك بيستانس لي طبختي


انا برايي تطبخين بمطبخك الخاص افضلللللللللللل


ماحب انزل للحموله اذا رسميينم عاي وبمطبخهم طبعا وكاشخه وريحه طبخ ما ينفع
حلاته بنطلونج وشعرج مرفوع لفوق وتاخذين راحتك بالطبخ

اذا المطبخ شبه مطبخ لا ينقال عنه مطبخ اللي بشقتج



عندي اقتراح ثاني

دام انتي مديره
اقصد وظيفتج مرموقه اطلبي لهم واكسبي اجرهم شتسوين اشتري راااااااحتج

أم الفناتك

الله يخلي المطاعم تجهز كل شي ولمه يدفع كل اسبوع جيبه بعوره لكن اذا ظهرج انكسر منو بحس فيج وانتي موظفه والويك اند راحه لج لكن اذا اسبوع واحد يستاهل تتعبين علشانه اذا مو مقصر معاج لكن كل اسبوع صعبه قوليله اجهزلك السفره من الى لكن طبق رئيسي صعبه والا تدرين قوليله عطني كل اسبوع مبلغ وقدره مقابل التعب واكيد راح يهون

فطوم 84

رد. اميره. صح.

انا. معاها.

في مطاعم. طبخهم. "طبخ. بيت "

في ريايل. يتفشل. جدام. ربعه. يبين انه زوجته. ماتطبخ. ف يبي. طبخ. بيت

اطلبي من مطعم. يكون طباخهم. طبخ. بيت. وايد. مطاعم. جذي. والله احنا. بعزايم. ابوي. لربعه. يطلب منهم. ماتفرقين. طباخهم. عن. طباخ البيت



لانه حرام. تعب عليج.


والله ييسر امورج. ويهدي بال زوجج. ويقتنع معاج. بانه كل مايعزمهم يطلب لهم من المطعم

توقيع » فطوم 84

اللهم إني استودعتك سوريا

رجالها و شبابها*
نساءها و فتياتها*
أطفالها و شيوخها اللهم كن معهم واهلك الطاغيه

لمى الهاجري

[size="7خلي الخدم يطبخون بس انتي اشرفي عليهم وانتي سوي الحلويات السريعة[/size]

توقيع » لمى الهاجري

يالله بالستر على بناتنا وبنات المسلمين