قصص ولاده

بنات ممكن كل وحده تقولنا قصه ولادتها واشلوون ياها الطلق ووين اولدت و منو راح معاها المستشفى_03BA:_03BA:

لان ياقيلي شهر على ولادتي وابي مقدمات حدي خايفه:krkrkr:

وناسة اول عضوة ترد عليج


اناقصتي قصة
كان يوم جمعة وكنت اطالع برناج توالليل اعادة العصر ولا يجيني الطلق طبعا هو في عوار من الصبح بعدين قام يتزايد لحزة البرنامج جان اقول حق حماتي وديني الصالون مو حافة <<<<<<<< قالتلي ليش انشاء الله
قلتلها لا وديني احف بسرعة قبل لااولد بعدين اذا ولدت الناس تجي تشوفني فشله
المهم ودوني والعوار فيني وخلصت وقعدت انطرها تحت الصالون انا واختي
وااااااااااااااااااي لمن دق علي ريلي انت وينج قلتله انا تحت الصالون ناطرة ولا يعصب علي ويصارخ ودق عليها هاوشها
المهم رديت البيت الساعة 9 مافيني بعد ودوني سيده المستشفى وولدت الفجر

شرايج فيني قوية مو هالكلام انا بجر

هلا حبيبتي انا كنت كاتبه قصتي من قبل وهذا الرابط مالي خلق ارد اكتبها طويلها




http://www.q8yat.net/showthread.php?t=366884



ومشكووووووووووره عل الرموضوع

السكرتيرة النشيطة قال:

وناسة اول عضوة ترد عليج


اناقصتي قصة
كان يوم جمعة وكنت اطالع برناج توالليل اعادة العصر ولا يجيني الطلق طبعا هو في عوار من الصبح بعدين قام يتزايد لحزة البرنامج جان اقول حق حماتي وديني الصالون مو حافة <<<<<<<< قالتلي ليش انشاء الله
قلتلها لا وديني احف بسرعة قبل لااولد بعدين اذا ولدت الناس تجي تشوفني فشله
المهم ودوني والعوار فيني وخلصت وقعدت انطرها تحت الصالون انا واختي
وااااااااااااااااااي لمن دق علي ريلي انت وينج قلتله انا تحت الصالون ناطرة ولا يعصب علي ويصارخ ودق عليها هاوشها
المهم رديت البيت الساعة 9 مافيني بعد ودوني سيده المستشفى وولدت الفجر

شرايج فيني قوية مو هالكلام انا بجر

أنقر للتوسيع...

ماشالله عليج تبارك الرحمن انا مت من الخوووف حتى ماي اخاف اروح اشرب ههههه

الله يتمم عليج

مشالله عليج قويه و الحمدالله على سلامتج

ماله داعي كل وحدة تحط قصة ولادتها اللي صار لوحدة مو شرط يصير للكل في وحدة ما شا اله ولادتها سهالات وفي وحدة ولادتها عسرة كل وحدة وطبيعة جسمها

الله يسهل علينا كلنا ,,

h_r_s قال:

ماله داعي كل وحدة تحط قصة ولادتها اللي صار لوحدة مو شرط يصير للكل في وحدة ما شا اله ولادتها سهالات وفي وحدة ولادتها عسرة كل وحدة وطبيعة جسمها

أنقر للتوسيع...

اكيد كل وحده غير عن الثانيه بس ماني شايفه شي غلط بالمضوع بالعكس نقرى القصص ونستانس معاهم

وكل وحده على حسب جسمها ودكتورتها بس مافي مشكله ان نكتب يعني

السكرتيرة النشيطة وين ولدتي ؟؟؟؟؟؟؟؟؟؟؟؟؟

انا بجر ولي الحين ما ولدت

الله يسهل علينا يارب

انا بجر و همن احب اسمع القصص آكشن هههههههه

ادعولي اولد هالايام واقولكم قصتي وتكون سهاله يارب

حبي الاول قال:

ادعولي اولد هالايام واقولكم قصتي وتكون سهاله يارب

أنقر للتوسيع...

الله يسهل ولادتج و تقومين بسلامه يارب و تولدين اليوم ان شاء الله
و الله بسهل علينا اجمعين ياااااااااااااارب

والله ماني شايفه الموضووع في شي غلط اللي حابه تكتب تكتب واللي مو حابه براحتها
والله يهل علييج حبي الاول و تقوومين لنا بالسلامه

الله يسهل عليج الولاده يارب
وادعي دايما السهاله من رب العالمين لانه ترى حتى انتي اذا يبتي يهال بعدين بتشوفين كل ياهل ولاده غير

الســــــــــــــــلام علـــــــــــــــيكم

احــــلى المواضــــــــــيع قصص الولاده

صرتوا شراتي قبل الولادة كله بس ادور قصص ولادة عشان اقرى روحي جبانة بس كنت اقرى و عقب ايلس افكر و احاتي ...

مثل ما قالت اختي كل وحدة وولادتها غير...يعني مو شرط يصير نفس اللي لكل وحدة...احس كل وحدة و جسمها و طاقتها..

انا امـــارتيه بس عايشــه بالكويت.كنت اراجع دوم بمستشفى المواســـاه...لين الشــهر الثامن على اساس اني اولد اهنيه و عقب غـــيرت

و قررت اولــد بالامارات و ع الاسبوع تقريبا 33 سافرت ورجعت الامارات عند الوالده لانه اتعرفون قانون شركات الطيران ممنوع من بعد الاسبوع 36

انا امربية الحين كملت 6 شهـــور وكمن يوم ... انا كنت يوم و ترك امشي ساعة ..انا ولدت ببنتي لُجين يوم الاثنين 2- مارس -2009
و قبلها يوم الخميس كان عندي موعد و الدكتورة فحصت تحت قالت مووووول مب مفتوح و بسبة فحصها نزلي شوية دم لكن ماخليتها اتسوي توسعة لانه الفحص بروحه يععوووور...

اصلا السونار كان معطيني موعد 27 فبراير ...يوم الجمعه ما ولدت ماصار شي ..اما الدكتورة كانت معطتني موعد ع الدورة 2 مارس و اهو اللي ضبط ..

ابتدي...

قبل ولادتي بيوم فليل..فورت زعتر و شربته و رحت امشي مع اخوي في الفريج ..بس نص ساعة ورجعت البيت ...و رجعت فورت زعتر وشربته و يلست ع النت و مووووووووول ما كنت حاطة في بالي شي اني بولد او شي..كنت قاعدة ع النت اتصفح ...عقب رقدت

الساعة 2 و شي في الليل حسيت شي نقع في بطني مرتين استغربت من الصوت لكن ياني احساس غريب انه ماي الراس قلت خل اوقف اجرب اول ما وقفت من ع الفراش و ينزل الماي ... يتني ضحكة اني بربي ..ابتسمت و عقب خفت.. لانه خلاص عرفت الموضوع جد ها المرة لا منان و لا دلع ..رحت فتحت مسن <<< فاضية خخخخ عشان ريلي كان اون لاين قتله نزلت ماي الراس و اهو وحليله قالي روحي عند امج قوميها

انا لمن شفت مافيني ويع مارحت عند امي بس طرشت مسج حق اختي الكبيرة و حق صديقتي راك ومن اقولها نزلت ماي الراس ماعرف شسوي مافيني ويع ...اختي اتصلت فيني قالت اصبري لين ما اييج الويع ولا اتسيرين المستشفى لين ما حلاص ما تقدرين تستحملين...

قلت اوكي

شوي وله اشوف امي يايتني اختي اتصلت فيها و قالت لها نزل علي ماي الراس امي قالت امشي شوي و لمن اييج الالم تمي احسبي الوقت بين كل طلق.

.انا مشيت شوي و رحت شربت زعتر و عسل و الساعة 4: 30 بدا الالم شوي شوي و اانا تميت امشي و اقرى سورة الزلزلة و سورة مريم .. كل م ااخلصها ارجع اقراها... من المصحف اما الزلزلة كنت حافظتها و تم الالم يزيد و يزيد و انا اقول اقدر استحمل و سبحان الله مع سورة الزلزلة وقت الالم كنت احس فيها يخف...
من الساعة 4:30 لين 8 و انا اتويع و اقول اقدر استحمل لكن عقبها حتى يلسة ما قدرت ايلس ..

امي كانت اطل علي كل شوي ..عقب قلتلها خلاص ما اقدر استحمل الالم وديني المستشفى

لبست عباتي و رحت الطوارئ....

اهناك يا دووب كنت اقدر امشي..امي وحليلها موقفة السيارة عند مدخل الطوارئ ماعرفت وين اتوقفها من كثر الالم اللي كان فيني..و نزلت معاي ماسكتني..و قالت للنيرس ولادة ..النيرس بعد عافانا الله ما يابولي كرسي .ولا شي اهي بعد مسكتني من ايدي و صعدتني فوق غرفة ..و امي راحت اتحرك السيارة..

قالتلي بدلي و عطتني لبس وردي مال المستشفى شكله ملبوس مليون مرة ... وودتني غرفة ما قبل الولادة و نادت الدكتورة اهني انا خفت لاني كنت بروحي و اقولهم ابي امي جان اصييييييييييييييييييح مثل الياهل ابي امي ابي امي

يت دكتورة مصرية قالت ليش تبين امج نحن اهنيه يالا هدي شوي خلينه نفحص و انا اقولها مابي يعورر

و يلست اتهدي فيني و لمن فحصت بعد صريخ طبعا مني ..و نيرس فلبينية ماسكتني عشان ما اتحرك قالت 3 سم جان اصيييييييييييييييييييح لاني عرفت انه وراي الم ووقت طويل لين ما اولد ...

و حطولي شريط فوق و تحت واحد تخطيط الطلق و الثاني تخطيط دقات القلب و تميت طايحة عقبها دخلت امي و شافتني اصيح و تمت تقرا على راسي و تحظني و اهي اتصيح و اقولها يعوووررر تقولي ماعليه استحملي لازم يعور حسيتها مو عارفة شو اتسويلي...و دشت نيرس هندية قالت حق امي تطلع شوي و حطولي الابرة اللي اتنظف البطن ..و تميت رايحة رادة ع الحمام وانتو بكرامة .

..و عقبها تعبت و تميت طايحة و الالم يزيد و يزيد و انا كل ما يخف الالم اقرى الزلزلة....امي ما كانت تستحمل كانت ادش و تتطلع...عقب تقريبا ساعة قالوا بيدوني غرفة ولادة لمن كان فاتح 4 سم

اهناك نفس الشي ركبوا مال التخطيط..وخلوني طايحة عندي نيرس هندية و نيرس فلبينية يسولفون ووحدة تشتكي من حماتها انا افهم انجليزي خخخ صج فاضيات..و انا اتالم و النيرس الهندية اطالعني و اتقولي صبر شويه بعده وقت .. سوي نفس ..سوي نفس..و انا ودي اقوم اضربها عليها بروووووووووووود..

.اما الفلبينية حليلها كسرت خاطرها كنت اقولها عطيني شي يخفف الالم قتلها عطيني اوكسجين راحت و ركبتلي اوكسجين و ماحسيته اصلا يشتغل وما سوالي شي... عقب امي يتني و تمت تقرا علي و تمسح راسي وتقرا على بطني و انا اصيييييح اقولها بموت ما اقدر استحمل و اهي تحظني و تقرا علي عقب تتطلع لمن ما تقدر تستحمل اتشوفني ...

و تميت فترة بروحي اتالم و انادي النيرس عقب يت اتقيس قالت من 5 و سوي بيصير 6 سم ع الساعة 10:30 انا اهنيه خلاص لانه الالم كان لا يحتمل واااايد يعووور اقول بعدني 6 والالم جذي و باقلي وايد لين ما يصير 10 و النيرس تقولي انتي بجر يعني لازم يطول لين ما يفتح الرحم ..اهنيه يت خالتي و شافتني خلاص بموت تمت تقولي قوللي ياالله كل ما اييج الطلق و تميت اصارخ يا الله مع ككل الم و هي و امي يقرون علي ..

شالوا ما التخطيط من على بطني و قالوا بندخل جهاز تخطيط تحت .. مادري عاد شو دخلوا...
تميت انادي النيرس اقولها خلاااااااص بربي ما اقدر سوو شي و لمن فتح 8 حسيت اني ابي اطلعها اسوي بووووش و النيرس تقولي سوويي مالت عليها ... لمن يت الدكتورة هاوشتهم قالت ليش اتخلونها اتسوي بوووش بعده 8 سم و البوش و قالت اقلبوها على جنبها و تميت على جنبي اليسار و كل ما اييني الطلق اسوي بوش لا ارداي لانه يعووور و انا اهنيه خلاص قمت اصيح و اصارخ و امي يت عندي و خالتي و عصبوا ع النيرسات

و الدكتورة تمت تمسح ع راسي تقولي خلاص هانت تميت ع ا8 سم ساعتين و لمن صارت الساعة 1: 30 قاست طلع 9 سم و انا اسوي بوش كل شوي لين ما قلتلها خلاص بسوي بوش امي و خالتي طلعوا

اهنيه يت دكتورة ثانية شفتهم جهزوا كل شي...و رفعتني النيرس شويه و قالت امسكي تحت فخوذج و سوي بوش زفرت و سويت بوش اول مرة حسيت بجسمها ينزل ووقفت حتى كنت بسكر ريولي تعبت قالت الدكتورة لا جذي البيبي يتعب لازم اتسوين مرة ثانية عشان تتطلع ..اهي قالت البييبي يتعب انا خفت و زفرت زفرة ثانية قوية متواصلة سبحان الله اتييج قوة ... و علطول حسيت فيها تتطلع .بنتي فديتها

..و شويه اسمع صوتها اتصيح بعد ما نظفوا خشمها ..رفعتها النيرس قالت بنت وودوها مالت عليهم ماحطوها على صدري و انا ابي اشوفها ...


عقب قالت ازفري مرة شوي عشان يسحبون المشيمة ..و طلعت اهنيه ارتحت.. كل الا لم اختفى ولا كانه كان فيني شي...الالم اللي كنت احس فيه تحت من الخوف كل ما يمسكوني ينظفون كنت اتشنج ما خليهم... و عقب الخياطة نص ساعة كنت اقولها عطيني بنج تقولي عطيناج ابره و عقبها رشوا بخاخ مكخدر و يلست اتخيط... نادت دكتورة ثانية اتخيط معاها اهنيه انا خفت

سالتهم ليش قالت لمن كنت اسوي بوش من غير الوقت المناسب سوا عندي تمزق قريب مكان البول و انتو بكرامة و تحت بعدو ماعرف شو المهم قالتلي لا اتخافين خاطتني ..و راحت و هذيج كملت يعني تميت نص ساعة و عقب خلوني ساعة قبل لا ياخذوني الحجرة ..

امي يتني و يلست اتصييييييييييييييييييح و تحظني و انا اصيح اقولها احبج و سامحيني ع كل شي حسيت فيها ووواااايد من عقب ما جربت الولادة ...
و دشت مرة خالي بعد اتصيح .. واهي تحظني.. كلحد يدش يصيحني معاه ...

و بعدين ما تم حد ما اتصل و انا في غرفة الولادة كلمت ريلي و خالتي ام ريلي و حميتي و خواتي و صديقاتي كل حد اتصل ...و انا اتكلم و اسولف و لا كاني امربية توني
لمن طلعت قلتلها ويتها بنتي ..اتخيلوا اهي في الفراش الصغير و انا في فراشي اتجابلنه خخخخ فلم هندي

لمن رحت الحجرة يابوها لي و علطول قالولي رضعيها و الحمدلله ورضعتها و حسيت باحساس غير كاني في عالم ثاني

هييه تذكرت لمن طلعت بنتي لولو اطشر دم وله اشوف النيرس تركض ..عقب عرفت انه دش في حلجها الهندية خخخ تستاهل على برودها لمن اقوله يعور تقولي لازم مال ولادة ..اقولها عطيني شي تقولي مافي شي استحملي ... و اتسولف ببرووود كل ما اتشوف ويهي تقولي خوود نفس و اهي اللي قالت سوي بوش مع انه ما كان مفروض...
عقب شفتها دشت طلعت امرجعة و حالتها حاله و انا يتني ضحكة قلت في خاطري تستاهل
و بثثثثثثثثثثثثثثثثثث

و الله يسهل على كل حامل ولادتها

ملاحظة /
احس الم الولادة يعني حزة ما يطلع الياهل اهون بواااااااااااااااايد من الم الطلق بالساعات اتحسين ظهرج بينكسر من النص ..خاصة للبجر لانها اطول لين ما يفتح النفس

خوش موضوع انا احب اسمع شلون كل وحدة ولدت ونستفيد وناخذ عبر والله يسهل على كل وحدة وعلينا انشالله
والحمدلله على سلامتكم كلكم

وااي يمامه بجيتيني

انا حامل ابجري ان شاء الله اذا ولدت اقولكم قصتي

يمامه ايوب

حمدالله على سلامتج .. بس غريبه ليش ماعطوج كمام !!!!