طريقتي ...
بالنسبه للصغار أو الوسط آنا أحب اسويهم مرقه ..
المقادير ..
ربيان منقعته من ليله بماي و ملح و كركم..
يوم الطبخه تشقين ظهره و تنظفينه من الخيط الاسود .. و تغسلينه و ترشين عليه طحيين ..
بصل حسب الرغبه .. يعني كثر ما تبين و كثر ما تكثرين يطلع أحلى
فلفل حار حسب رغبتج .. يعني ىنا أحب مرقة الربيان مولعه نااار..
طماطه مفرومه .. كزبرة خضره مفرومه أو بقدووونس .. او شبنت .. بس لاتحطينهم جمييع يضيعوون الطعم اختاري نوع واحد بس.... ثووووم ... مدقووق دقا ناعما ...
زيت ...
بهارات .. انا استعمل .... بهارات غزاله القوطي الاخضر .. كركم .. ملح ... فلفل أسود .. مسمار حبتين عود دارسين .. و حبة حيل مكسوره
احيانا أحط صبار شويه ...
الطريقه .. بعد ما تنظفين الربان و تحطين عليه الطحين ..
تبدين تقصصين الخضره كلها .. البصل و الطماط و الفلفل .. و الكزبر ... او اي نوع تبين .. الشبنت ودج ماتحطين معاه فلفل حاار..
تاخذيت الجدر...
تحطين الدهن .. لمن يسخن تحطين البصل ... و تغسلين الربيان من الطحيين .. و تحطينه مع البصل بنفس اللحظه ...
تحمسينهم عدل مدل مع الهيل و المسمار و الدارسين .. فقط...
لمن تحسين البصل ذبل و الربيان شبه إستوا....
تقطين عليهم باجي البهارات و الثوووم.. تحمسيييين عدل عدل ... عقبها الخضره كلها ... الطماط و الفلفل و الكزبر .... أو أي نوع تبين ..
تسكرين الجدر و تخلينهم يطبخووون لييين تنضج الخضره ..تاخذين كميه من الماي و تصبينها عليه .. انا احبها خاثره ما اكثر ماي ..
و إذا تبين فيها صبار .. نص كيس صبار تذوبينه بالماي اللي بتحطينه ىخر شي .. و تشخلينه و تصبينه فوق الربيان .. و تسكرين الجدر و تخلينهم يطبخووووون لييين تذوقين الربيان و تحسين إنه إستوا عدل .. تقدمينه مع عيش مشخووول .. و بالعافيه .
