أخيرا ... كبدة الدجاج بدبس الرمان ... الطريقه اللبنانيه الأصليه ..

أخيرا ...

أخيرا...

أخيرا....


لقيت الطريقه الصحيحه ... و الاصليه ... و الناطعه و اللذيذه... اللبنانيه .. سودة الدجاج مع الدبس... وااااو


المقادير:

كبدة دجاج فرش ... ( آنا آخذها من مركز سلطان)

عصير ليمونه كامله
كركم ملعقه صغيره
فلفل أسود ملعقتين صغار
ملح حسب الرغبه
ثوم كثر ما تحبين .. بس مو أقل من 4 فصوص..
زيت نباتي
دبس الرمان ماركة اليمامه .. ( لازم ما يكون جامد سائل يعني لمن تحركين الغرشه و تقلبينها يسيح بسهوله )

تاخذين الكبده .. تغسلينها عدل عدل ... عدل .. تقصصينها بالطريقه اللي تبين ... كبارأو صغار المهم تشيلين الجزء الأبيض ... و ترجعين تغسلينها تحطينها ب صحن .. تحطين عليها الليمون و الكركم و الفلفل الأسود و الملح و الثوم .. و تخلينها سااااعه

بعد التتبيل .. تاخذين مقله عميقه أو جدر.. نحطين الزيت .. ما يكون قليل .. و لا تكثرين بزياده ... على حسب كمية الكبده ..

لمن يسخن عدل ...تحطين الكبده مع التتبيله ... و تقلبينها .. لمن تحسين إنها إستويت .. تخلينها بدون تقليب لمن يتحمر جانب من جوانبها ...
آخر شي .. حطي الدبس بالكميه اللي تبين و قصري عالنار .. لازم تخففين من الحراره عشان ما يحترق الدبس و يزفر ..
..و إذا بتحطين زياده ثوم مقطع شرائح .. هم حلو ...
إذا حسيتي إنه ثقل حيل الدبس تقدرين تحطين شوية ماي و في ناس يحطون سويه عصير تفاح كيديدي أو عصير رمان من جمعية الجابريه الإيراني .

هالطريقه خذيتها من وحده لبنانيه ... و صراحه لمن سويتها طلعت عجيييبه ...

و صحتين و هنا.


ملاحظه : لحد يقول حطي صور لأن ما أعرف

تسلللللللللم ايدج حبيبتي

مشكورة على الوصفه السريه

مشكووووووووره

حياكم الله ...

آنا بعد ريلي غرامه سودة الدجاج .. و كل مره أسويها ما تضبط معاي .. لمن ضبطت هالطريقه ...


و صحتين و هنا ...

ممممممممممممممممممم ... واااي حسيت اني اشم ريحتها

مشكووووورة حبيبتي ما قصرتي ان شاء الله اسويها قريبا .. انا بعد احب لا سويتها افرش جرجير وبعدين احط حمسة الجبده تصير يمي يمي

تسلام اييدج شكلها ناطعه

تسلم ايدج

يعطيج العافية

مشكورة على الطريقة
يا حياتي آنا كنت ما أعرف أنزل الصور وعلى بالي ان الموضوع صعب . بس روحي قسم الحاسوب وهناك احلى حلاوة ما تقصر راح تعلمج ترى جدا الطرية سهلة

تسلم ايدج

تسلم الأيادي

حياكم الله جميعا و يا علها عافيه ..

بالنسبه لي آنا إدمان أتعنى كذا مكان عشان آكلها ..

بس كافيه بلان ولا مره ذقتها عندهم بالدبس يسونها ؟!؟!؟!

ووينه فيه بالضبط ... خل أجربها .. لأني امووووت عليها ...

مشكووووووووره حبيبتى

مشكوره عزيزتى انا وريلى نحب كبدة الدجاج وراح اسويها ان شاء الله

عاااافيه ...

بس ما جاوبتوني وين كافيه بلان ...

أنا غرامي الكبدة بس تدرون عاد ... أنا أحمسها مع البهارات بس وبعدين وقت التقديم أحط على جنب الدبس بطبق بروحه ونغمس الكبدة فيها ..... واي حده لذيذ وحاااااااامض

ذهبيه مرصعه بألماس قال:

حياكم الله جميعا و يا علها عافيه ..

بالنسبه لي آنا إدمان أتعنى كذا مكان عشان آكلها ..

بس كافيه بلان ولا مره ذقتها عندهم بالدبس يسونها ؟!؟!؟!

ووينه فيه بالضبط ... خل أجربها .. لأني امووووت عليها ...

أنقر للتوسيع...

حبيبتي كافيه بلان في بالمرينا كرسنت فوق بجانب جوكليت بار

وفي بالافنيوز بالتوسعه اليديده

وانصحج تطلبين عرايس الكفته تهبل

والفتوش ...... وفتة النخي بالروب هذي الاطباق المميزه عندهم