ياناس ياهوووه زوجي جاب لى خروف هدية عيد ميلادى هههههههه

بنات اليوم عيد ميلادى وصارت شغله بغيت اقول لكم عليها وأونسكم وأفرفشكم :ggdw:

بدل التحلطم والشكاوى من رجاجيلنا اللى مانخلص منها ليل ونهار قالي سوا حط

وهذا شغلنا خلصت اعمارنا واحنا نقول ونبجى ولاحصلنا شئ ههههههههه

اليوم كان عيد ميلادي يامحفوظات السلامه وانا مو متعوده نسوى اعياد الميلاد بحكم

انه حرام مثل مايقولون حتى لعيالي بس نتمنى لهم طولة عمر وكيكه احينا بينناً بس

بس صراحه السنه هذي اشتهيت انه يجيب لى شغله ويفاجأنى بهديه واوي واي

واي واي :eh_s(16): مشتهيه شغله أو حركه رومانسيه يفاجئنى فيها لو مره

بحياته لو ورده وحده مو بوكيه وكرت مكتوب فيه احبج :eh_s(11): يمه قلبي

ههههههه عسي ماشر ؟؟؟؟؟؟؟؟ اشدعوه عاد هالحلم الكبير ههههههههه

المهم نكمل الروايه الرومانسيه ،،،،،،

خبركم من جم يوم نزلت المعاشات وجيلنا البيت واحنا عاده نجيب دجاج وسمج

وخروف أو ذبيحه للثلاجه مثل مانقول بس الشهر هذا مارضي قال اللحم

غالي وصل ميه وعشرين وورانا الضحيه مالت العيد واغراض العيد وورانا

طلعه حق بيت ثاني المهم خلينا اللحم وترسنا الفريزر نجتس وهمبورجرر

وانا مااحب الدجاج مااكل الا لحم وسمج ،،،،،،

عاد الاخت مشتغله فيها الرومانسيه ودها عن نفسها هديه حتى لو مو مفاجئه المهم

يجيب ومشتغله يومين نغزات وتذكير وانغز بناتى ذكروا ابوكم واخر شي رزيت

وجهى وطريت طراره ... وقلت عيد ميادى باجر وودي شغله هديه اي شئ

ضحك وقال العمر كله وابشري بخير ان شاءالله هههههه

استانست قلت جان عقب الطراره ماجاب شئ كديت خير يطلع منتهي مافيه ولاذرة

رومانسيه ...


تدرووون اشجاب لى :krkrkr: خروووووف ذبيحه للثلاجه هههههههههههههه العن

ام ابو الرومانسيه اللي بغيتها منه :krkrkr: يبه قلت لو ورده من فرع الجمعيه بربع

دينار ههههههههه

دخل عليه العصر مستانس ونافش ريشه وينادينى !!!!!!!

واستانست عقب ماقالت لى بنتى الصغيره بابا وياه كيس كبير ورحت طايره ادودل راسي تدور ام عبود
الهديه والا واقف وشايل كيس ،،،،،،،

والاخ واقف ومجلب الكيس يعنى شوفي .... اطالع والا الدم يقطر من الجيس ،،، نعم خير اشتبي

لا ابد بس تري جبت لج ذبيحه خروف اشكبره للثلاجه والبسمه شاقه حلجه منى لهناك

ذيج اللحظه كان ودي اسويه اهو ذبيحه للثلاجه ههههههههههه خلاص مو مشكله نزل الكيس

وخل الخدامه تدخله وهديته ورحت للغرفه لحقنى ابو الشباب واهو يقول تصوروا شنو

تري هذي هديتج لعيد ميلادج :eh_s(14): يمه يمه بغيت اشق اهدومي خروف حق عيد

ميلادي ؟؟؟ ايه انتى ماتحبين ولاتاكليين الدجاج وقلت اجيب لج يفيدج مع انى مضغوط

الشهر بس افا عليج مااخليج شهر ماتاكليين لالحم ولادجاج ماهنتي :eh_s(2):


خروووف حق عيد ميلاد اشرايكم ببو الشباب وش رايكم برومانسيته ههههههههههه


اشريكم امسك عصا وعلى راسه :23_asmilies-com:

مع العلم انه مايقصر وبالماده صراحه اللى له لنا مريحنا على الاخر ياربي لك الحمد

ولو اقول جيب الشغله الفلانيه ماراح يقصر صج اهو نظام تناحه وتنبل بس احليو مايقصر

بس ماكو رومانسيه كلش ولاقلتى ودى تجيب لى هديه على غفله ومن غير مااطلب يقول انا كلي

لج وافلوسي كلها بيدج واشتري اللى تبين يعنى تناحه على مستوى ماكو فايده

هااه اشرايكم بالهديه احد حصل لها زوج يجيب لها خروف بعيد ميلادها اتحداكم هالفكره العبقريه

ماظن احد سواها غير بو سروال وفانيله اللى عندى فديت تنبلته وتناحته هههههههههه

اهبي انتى ووجهج ماوراج شغله مسكييينه سويت لج قلق يالمقروده ماعندج شغل الا تفتريين وراي بالنتدى

تدورين وش اقول الله يعينج على مابلاج .... انت ينطبق عليج المثل اللى يقول !! هادم اللذات

وليتني مصريه حمرا عطره لووووووول

وهذي قصيده من الشعر النبطي اهديها للى تقول لى مصريه علشان تعرفين من أي قبيله فى الصعيد آنا ههههههههه

واذا تبيين ترجمه من الصعيديه المصريه انا بالخدمه لان يمكن لغتنا تصعب عليج لووووووول
قصيدة مزح لقبيلة عنزة والنعم والله
يقول

ياللي تقول الهرج من دون تفكيـر
قلي وش اللي من ورى الهرج ناوي

أن كنت ناوي خير تصبح على خير
وان كنت ناوي شر..جتك البـلاوي

علمك هفا بك هفوة الدلـو بالبيـر
ولا انت بكفو حتى تقص الخطـاوي

عيب ٍ تسمـى بالرجـال المناعيـر
وعيب ٍ تشوفك لابسـات الغطـاوي

حنا (عنزه )جينا على حـزة عصيـر
نشرب مرار السم شرب ..القهاوي

وقت اللقا جينـا نصـف الطوابـيـر
نصرخ ونرفع صوتنا ..بالعـزاوي

تاريخنا بالمجد نـار ٍ علـى النيـر
ماهي سوالف صاغها عقـل راوي

عند الصحيح ندوس خشم المحاذير
غاياتنا أبعد مـن كثيـر الهقـاوي

وعلومنا أصفى من حليب المغاتيـر
وألذ وانقى مـن تمـور الحسـاوي

وأفعالنا أزكى من نبـات النواويـر
وأوضح من وسوم الطبيب المداوي



من دور أبونا كليب مع سالم الزيـر
وحنا نشرب كيدنا كـل ....غـاوي



من يحترمنـا يبشـر بكـل تقديـر
ويلقى بحمانا كـل رجـل ٍ مخـاوي

بالطيب مانقـدر نقيـس المعاييـر
لطيب قسمـه بيننـا ...بالتسـاوي

والطير مايقرب فـروخ العصافيـر
لاصار حر ومـن طيـور النـداوي

وإلا انت عادي لو يجي منك تقصير
ضيعت وقتك بين هنـد ومضـاوي

وأصبح خطاك بحق ربع ٍ مشاهيـر
مثل الخجل في وجه رجل ٍ حيـاوي

قد قالها مـن مـر عمـان والديـر
خسارة اللي حط طيبـه بشـاوي !


صح لسانه الشاعر فديتنا بس وفديت العنوز وفديتك

والختام شكوي جدام الكل عبر المنتدي للاداره والمشرفات رجاء شوفوا لكم حل مع المدعوه
تري مليت ولاعت جبدى فىكل موضوع طالعة لى وغلط وتطاول ليمتى اشتبي مني
مااحد قادر يوقفها ...
انا مابي اشتكي مباشره للاداره لا ابي اقول جدام الكل وابي الكل ويقرا ويفهم نوعية هالانسانه
موضوع وناسه وفرفشه حبيت اشارك خواتى فيه اطلعت عرض ولاحظوا انها لامواضيع سنعه
ولاردود سنعه وصار كل شغلها تدور وراي ويالمصريه وتحاول تسحبني للرد والغلط
فأتمني تشوفون لكم حل وياها ؟؟؟؟؟؟

ونعم يالغاليه أنا مصريه يرضيج الشي هذا ويهجعج ويخليج تقضبين القاع انا مصريه

اش عندج قلت مصريه ارتحت انفكت عقدتج وارتاح بالج خلاص بتنثبرين وتبطليين
افراره بالنتدي تصيدين مواضيعى وردودى ؟؟؟؟؟