^^أســـــــــــــواق الخبـــــــــــر حياكــم الله ^^

مخاويه الزعامه · 5 أغسطس 2010

فديتج ياجننها السعودي ماتقصرين اختي والله

ياليت اقدرامر الخبر هالصيف لان عندي ظروف علشان جذي ماراح اجي السويكت

انا غرامي الخبر اموت فيه

ناسة

السويكت غرررررررررررررررااااااااااااااامي

ادوخ فيه

[كـالا] · 5 أغسطس 2010

جننها السعودي ] قال:
كالا ~
المطاعم ماتسكر .. ماله شغل السوق بس يسكر .. وبعض المحلات تفتح قبل الـ 4
حسب شنو تبين منه انا اشوف شارع الحب محلاته منوعة اكثر

حبيبتي انتي

مشكورة عالرد

انا اكثر شي ابي محلات ذهب وودي اخذ دراعة بسيطة ويمكن اشوفلي عباية

بس صراحة انا انصدمت من الخبر ماتوقتها جذي زحمة .. ريلي عصب p:

جننها السعودي ] · 5 أغسطس 2010

العفو كالا ..
كل اللي تبينه موجود بالسويكت وموجود بشارع الحب
محلات الذهب اللي بالسويكت اغلب محلات النمر و محل لؤلؤة البحرين و غسان و الرميزان والحسناء وجوهرتي والغنيم ...اكثار
ومحلات الجلابيات بتقاطع 4/5 امم مثل جلابيات بنت الخليج والماسة والجزيرة للجلابيات ومحل شيار
وادخلي مجمع الخبر بلازا بنفس شارع السويكت فيه كذا محل يمكن تلاقين ..
والعبايات لاتحاتي ان شاء الله ماتطلعي من السويكت الا ومختارة لك ادخلي الملكة وشمس والروائع والاحمدي
دام الاقرب السويكت روحيه لايعصصب رجلك هههههه
اما الزحمة الخبر بوقت الاجازات زحمتهاا تثير الاعصاب فالله يعينكم

مخاوية الزعامة
يفداك كلي حبيبت ألبي
ما اسوي غير واجبي
^ـ^ ان شاء الله تتعدل ظرووفك وتجين والله بتنوورين السويكت والخبر

فرح العمر · 6 أغسطس 2010

قوووة بناااات ،، شخباااركم !!

أخوي نااوي يروح عقب باااجر الخبر والبحرين ،،

قلت خليني أروووح معااااه ،،

وبصرااحه ماااني خبره في الخبر

بس وين أحصل الفساتين القصيره الناعمه ،، يعني تنفع لعيد ومناسبه !!!!

أم ليـان · 6 أغسطس 2010

قوة حبايبي بنات الخبر

فديتكم بغيت اسألكم وين محلات الجناط الماركه اللي بالخبر

ودي اشتري جنطه للعيد ومادري اخذها من الخبر ولا نفس بضاعتنا بالكويت والاسعار فيها اختلاف ولا نفسها؟؟

صدر العتيم · 6 أغسطس 2010

رد : ^^أســـــــــــــواق الخبـــــــــــر حياكــم الله ^^

يسلمو روعة,,,:33_1185028183:

T R F · 6 أغسطس 2010

رد : رد: ^^أســـــــــــــواق الخبـــــــــــر حياكــم الله ^^

أم ليـان قال:
قوة حبايبي بنات الخبر

فديتكم بغيت اسألكم وين محلات الجناط الماركه اللي بالخبر

ودي اشتري جنطه للعيد ومادري اخذها من الخبر ولا نفس بضاعتنا بالكويت والاسعار فيها اختلاف ولا نفسها؟؟

مرحبا اختي الغاليه ... بتنورين الخبر وهلا فيك ... بالنسبه للماركات ... نعم تختلف البضاعه من بلد لبلد نوعا ما ... اذكر شريت شنطه من الصالحيه " قوتشي " مش موجوده بالمحل اللي عندنا ... فسألته قالي على حسب اذواق الزباين والعملاء ..

بالنسبه للماركات ... فيه " قوتشي " في الجمعه سنتر .. قريب من فندق المريديان على الكورنيش ... وفيه " كارتير - فرزاتشي - آقنر - بربري - ....." في توسعة مجمع الراشد ... و" جيفنشي " مجمع الراشد الدور الأول بوابه 7 ... وبعض من شنط " شانيل " محل بازلت في مجمع الراشد ... بجنب محل بدون اسم

وفي البحرين .. مجمع " ستي سنتر " ... لوي فويتون - آقنر ...... وماركات كثيره ماتحظرني الأن

بالنسبه لللأسعار ... اتوقع اقل بقليل ... لأني ماعندي فكره عن اسعاركم

وياهلا

:33_1185028183: [b[/b]

جننها السعودي ] · 6 أغسطس 2010

فرح العمر ..

قوووة بناااات ،، شخباااركم !!

أخوي نااوي يروح عقب باااجر الخبر والبحرين ،،

قلت خليني أروووح معااااه ،،

وبصرااحه ماااني خبره في الخبر

بس وين أحصل الفساتين القصيره الناعمه ،، يعني تنفع لعيد ومناسبه !!!!

الله يقويك حبيبتي
تمام وانتي كيف حالك ؟
حياك الله انتي واخوك
مجمع الظهران مول راح تحلصصلين فيه ان شاء الله من كم يوم ششفت واحد مرا نعوم وحلوو تقريباً للركبة بمحل لي شاتو اممم كمان عندك
محل بي بي وافتر شوك وكمان محل جاني نار وكوست وفور ايفر 21 وفري ع كل المحلات إذا كان بوسسعك وبتلاقين
مجمع فنسيا مول فيييها اغلب المحلات فساتين فتلاقين قصير وطويل ناعم ودفش طبي وتخيري
اخر مرا رحت المجمع شفت بمحل دنيا السهرة فستان حلوو ونعوم شيفونات ومشجراظن نسيت بس عجبني مرا .. }~ المحل له ثلاث فروع بالمجمع نفسه .. يكفييك هالمكانين عشان لاتتدودهين ^ـ^

T R F · 6 أغسطس 2010

رد : ^^أســـــــــــــواق الخبـــــــــــر حياكــم الله ^^

صباح الورد ... جننها السعودي

كيفك يالغاليه ... اشتقنالك ...

نورتي القسم ... وكل عام وانتي بخير ... بمناسبة قدوم رمضان مقدما

جننها السعودي ] · 6 أغسطس 2010

مرحبا اختي الغاليه ... بتنورين الخبر وهلا فيك ... بالنسبه للماركات ... نعم تختلف البضاعه من بلد لبلد نوعا ما ... اذكر شريت شنطه من الصالحيه " قوتشي " مش موجوده بالمحل اللي عندنا ... فسألته قالي على حسب اذواق الزباين والعملاء ..

بالنسبه للماركات ... فيه " قوتشي " في الجمعه سنتر .. قريب من فندق المريديان على الكورنيش ... وفيه " كارتير - فرزاتشي - آقنر - بربري - ....." في توسعة مجمع الراشد ... و" جيفنشي " مجمع الراشد الدور الأول بوابه 7 ... وبعض من شنط " شانيل " محل بازلت في مجمع الراشد ... بجنب محل بدون اسم

وفي البحرين .. مجمع " ستي سنتر " ... لوي فويتون - آقنر ...... وماركات كثيره ماتحظرني الأن

بالنسبه لللأسعار ... اتوقع اقل بقليل ... لأني ماعندي فكره عن اسعاركم

وياهلا

إضافة ع اللي قالته ترف ..
ماركة موسكينو وماركة دي اند جي بالسواني بمجمع الراشد
قرية القصيبي فيها ماركات شنط ايطالية حلوة زي سيرجيو
Coach بمجمع الراشد مول
ماركة فندي اظن بفؤاد سنتر
ماركة بونيا " ماليزية " بمجمع الظهران مول

مملوحة الخبر · 6 أغسطس 2010

رد : ^^أســـــــــــــواق الخبـــــــــــر حياكــم الله ^^

مرحبا كوتيات انا برسم الخدمه بنضم ل اختي جننها السعودي وبحاول افيدكم باللي اعرفه

أم ليـان · 7 أغسطس 2010

مشكورين فديييييتكم ولاهنتو

انزين بعد بسألكم شنو موضه خامات العروس الحين اللي نازله عنكم؟؟

لان اهلنا دايمن ياخذون من الخبر قطع خام تكون مشغوله فضيعه الصراحه

وانا عاجبنتي خامات الترتر اللي تكون بنقشه ماتكون ساده عرفتي نفس هالصوره

[/url][/IMG]

القاها عندكم ووين بالضبط ؟؟وعلى جم الاسعار تقريبا؟؟

انزين وشنواخر موديلات العبي اللي عندكم؟؟ ابي شي ناعم للداوم وهل احسن مكان السويكت؟؟

ومشكورين ماتقصرين

مملوحة الخبر · 7 أغسطس 2010

رد : ^^أســـــــــــــواق الخبـــــــــــر حياكــم الله ^^

فديتك تحصلينها بالخبر مول وفيه بعد شارع السويكت عندهم نفس الخامات ذي بعد تلقين فساتين عند احمد بدوي نفس الخامات ذي تحصلينه ف شارع السويكت
وموديلات العبي نازل موديلين عندنا وهم اللي دارجات
موديل العبايه اللي كمها استرج ويجي ممسوك من اليد والباقي يجي بوف بالاسترج وهي عمليه اما اذا تبينها حق طلعات يدخلولك وياها قماشه فيها الوان
الموديل الثاني عبايه السدووو او التطريز ومره عمليه وهي عبايتي للي اطلع فيها للسوق ولدوام ويجي كمها واسه وفيها تطريز
وانا صراحه احسن مكان افصل عنده عباياتي السويكت وعندك وراء المسجد فيه تقريبا اربع محلات للعباياة كل واحد احسن من الثاني وفيهم الغالي والرخيص \
عندك محل ب فينيسيا موول نفس شغل محلات السويكت بس ارخص منهم اختي تفصل عندهم اسمه الشرقيه واتمنى اني افدتك

أم ليـان · 7 أغسطس 2010

فديييييييييييييييتج يالغاليه ماقصرتي

انزين الخامات ايهم ارخص اللي بشارع السويكت ولا بفنيسيا مول؟؟

وشارع السويكت اهوشارع واحد طويل ولا اكثر من شارع؟؟

T R F · 7 أغسطس 2010

رد : ^^أســـــــــــــواق الخبـــــــــــر حياكــم الله ^^

هلا بك يالغاليه .... وزارتنا البركه

شوفي ياعمري أنا خبيره بمحلات الأقمشه ... إلى فتره قريبه نوعا ما ...

قبل كل شي ... شارع السويكت هو امتداد شطوله ...
نجي لمحلات الأقمشه :
1) البازار : محلي المفضل ...مميز بس غالي ... خطير بأقمشة الشيفون ... واقمشة العرايس... وعنده التول الأيطالي الأصلي الخفيف ... واقمشة عروض المصممين البنانين راح تحصلينها عنده ... اقمشة ايلي صعب - وزهير مراد - وروبير ابي نادر ووووو
( بس فيه ملاحظات على شيفوناتهم ... إذا تبين دزيلي على الخاص ) ... ارجع واقول اسعارهم غاليه .. إذا انتي شاطره بالمفاصل ... فأبشري بسعدك ... لهم محل بمجمع الخبر مول ... اهدئ واروق ... بس محلهم بالسويكت اكبر ... لهم فرع بالرياض مجمع العليا مول وبعد في جده ... موقع المحل .. شارع السويكت مقابل بودي شوب ... على زاويه

2) منصر العيسائي .... راقي وعنده التولات الإيطاليه الوان كثيره ... والدانتيلات عنده روعه ... فرنسيه ... فيه الساده وفيه الممزوجه ... ( له فرع بالخبرمول ) محترمين بالتعامل ...

وفيه محلات ( العيسائي مودا + السندس الأخضر ) بجانب منصر العيسائي
وفيه محل ( ميداء ) بجانب البازار ... اقمشته روعه ... ومحترمين جدا بالتعامل ... ويتعامل معك بأمانه
هاذذي طبعا للسهره ...

للزوارات والحفلات والبدل... محل ( اليافعي ) ... قبال محل السيد للأواني .... طبي وتخيري ... تجي نقشه الخامه الحرير منها الستان ... وعنده اقمشه خاصه للبدل العمليه ... مانتو وووووغيره
محل ( الجابري ) اقمشته غريبه ... وتصلح للبيت ... مانتو ... بجانب شمس للعبايات

بالنسبه لمجمع الخبر مول .... انصحك فيه ... اروق واهدء واشمل ... بتركزين بجودة الأقمشه ... إذا تحبين الغالي ... محل الرماح ... وفيه البازار ... ومنضر العيسائي ... ومحل جنان ... اقمشته روعه ... المحلات اللي ورا ارخص

مجمع فنيسيا ... مانصحك بزيارته .... مادري الناس اذواق ... بس الأقمشه ماتسوى احد يتعنا لها
ذكرتيني ببنت خالتي .... كويتيه ... كنت آخذها وافر فيها فر .... الله يجمعني فيها على خير ....

:q8:

3

أم ليـان · 8 أغسطس 2010

مشكووووووووووووووووره يالغاليه فدييييييييتج

وساعتج ابرك يالغلااا

كفيتي ووفيتي ماقصرتي على هالشرح

وممكن اطرشيلي الملاحظة اللي قلتي عنهم عالخاص

واحشنى موت · 11 أغسطس 2010

رد : ^^أســـــــــــــواق الخبـــــــــــر حياكــم الله ^^

بسأل شلون اوقات الاسواق برمضـــــــــــــــــــــــان متى يفتحون ومتى يسكرون ؟؟؟؟؟؟؟
ومشكورين عالموضوع المفيد

جننها السعودي ] · 11 أغسطس 2010

واحشني موت

بسأل شلون اوقات الاسواق برمضـــــــــــــــــــــــان متى يفتحون ومتى يسكرون ؟؟؟؟؟؟؟
ومشكورين عالموضوع المفيد

من بعد الظهر للساعة 4 ونص العصر ومن بعد صلاة العشاء للساعة 2 الفجر بعضهم لـ 2 ونص
..
ترف
لبى قلبك .. وانتي بخيير
ربي يبلغنا فيه كيف حالك انتي ؟

brendyshoo · 11 أغسطس 2010

رد : ^^أســـــــــــــواق الخبـــــــــــر حياكــم الله ^^

يعطيج العافيه حبوبه

ام سيد علي · 11 أغسطس 2010

السلام عليكم
اخواتي ممكن تساعدوني ابغي اشتري الى بنتي فستان عندي مناسبة قريبة وان شاء الله رايحة بكرا السعودية الدمام والخبر رجاءا دلوني بمحلات تبيع فساتين اطفال الى عمر 7 سنوات ضروري

^^أســـــــــــــواق الخبـــــــــــر حياكــم الله ^^

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member